Artificial Blood: ഉടൻ വരുന്നു എല്ലാവർക്കും സ്വീകരിക്കാവുന്ന കൃതൃമരക്തം, ജപ്പാനിൽ പരീക്ഷണങ്ങൾ അന്തിമ ഘട്ടത്തിൽ
Artificial blood that is usable for all blood types: ഈ കണ്ടുപിടിത്തം നോബൽ സമ്മാനത്തിന് അർഹമാണെന്ന് പലരും അഭിപ്രായപ്പെടുന്നു. അമേരിക്കയിലും സമാനമായ ഗവേഷണങ്ങൾ നടക്കുന്നുണ്ട്.
പലപ്പോഴും ആശുപ്രത്രിയിൽ അത്യാവശ്യങ്ങളുമായി എത്തുമ്പോൾ രക്തദാതാവിനെ ലഭിക്കാതെ അന്വേഷിച്ചു നടന്നിട്ടുണ്ടോ? സോഷ്യൽമീഡിയകളിലും രക്തദാതാവിനായുള്ള അന്വേഷങ്ങൾ എത്താറുണ്ട്. ഭാവിയിൽ അതിന്റെ ഒന്നും ആവശ്യം വേണ്ടി വരില്ല. ജപ്പാനിലെ ഗവേഷകർ എല്ലാ രക്തഗ്രൂപ്പുകൾക്കും ചേരുന്ന, കൃത്രിമ രക്തം വികസിപ്പിച്ച് ക്ലിനിക്കൽ പരീക്ഷണങ്ങൾ ആരംഭിച്ചിരിക്കുകയാണ്.
പ്രൊഫസർ ഹിരോമി സകായിയുടെ നേതൃത്വത്തിൽ, രണ്ട് വർഷം വരെ കേടുകൂടാതെ സൂക്ഷിക്കാൻ കഴിയുന്ന ഈ രക്തമാണ് വികസിപ്പിക്കുന്നത്. കാലഹരണപ്പെട്ട രക്തത്തിൽ നിന്ന് ഹീമോഗ്ലോബിൻ വേർതിരിച്ചെടുത്താണ് കൃതൃമ രക്തം നിർമ്മിക്കുന്നത്.
സാധാരണ ബ്ലഡ് ബാങ്കിലേക്കോ ആശുപത്രികളിലേക്കോ നൽകുന്ന രക്തത്തിന് 42 ദിവസത്തെ ആയുസ്സേ ഉള്ളു. മാത്രമല്ല ഇതിന് അനുയോജ്യതാ പരിശോധനയും വേണം. എന്നാൽ, ഈ കൃത്രിമ രക്തത്തിന് അത്തരം പ്രശ്നങ്ങളില്ല.
സന്നദ്ധപ്രവർത്തകരിൽ ഇതിനോടകം പരീക്ഷണം നടത്തിക്കഴിഞ്ഞു എന്നാണ് വിവരം. ഇത് വിജയിച്ചാൽ, 2030-ഓടെ ഈ സാങ്കേതികവിദ്യ പ്രാവർത്തികമാവുകയും അടിയന്തര വൈദ്യസഹായ രംഗത്ത് വിപ്ലവം സൃഷ്ടിക്കുകയും ചെയ്യും.
ഈ കണ്ടുപിടിത്തം നോബൽ സമ്മാനത്തിന് അർഹമാണെന്ന് പലരും അഭിപ്രായപ്പെടുന്നു. അമേരിക്കയിലും സമാനമായ ഗവേഷണങ്ങൾ നടക്കുന്നുണ്ട്.
