Watermelon Price: കേരളത്തില് ഇവയുടെ ഡിമാന്ഡ് കൂടും; പൊന്നിനേക്കാള് വിലയും വേണ്ടിവരും
Kerala Heat Warning and Watermelon Demand: തമിഴ്നാട്, കര്ണാടക എന്നീ സംസ്ഥാനങ്ങളില് നിന്നാണ് കേരളത്തിലേക്ക് പ്രധാനമായും തണ്ണിമത്തനെത്തുന്നത്. സാധാരണയായി കണ്ടുവരുന്ന തണ്ണിമത്തന് പുറമെ ഇപ്പോള് പല നിറങ്ങളിലും രുചിയിലും ലഭ്യമാണ്.
കേരളത്തില് ചൂട് കൂടുകയാണ്. സൂര്യാഘാതം, വെള്ളത്തിന്റെ കുറവുമൂലമുള്ള ആരോഗ്യ പ്രശ്നങ്ങള് എന്നിവ ഇനി മലയാളികളെ പിടിമുറുക്കും. കനത്ത ചൂടില് നിന്ന് രക്ഷനേടാന് മലയാളികളെ പലപ്പോഴും ഭക്ഷണങ്ങളും സഹായിക്കാറുണ്ട്. വേനല്കാലത്ത് മലയാളികള് ധാരാളമായി ഉപയോഗിക്കുന്ന പഴവര്ഗങ്ങളിലൊന്നാണ് തണ്ണിമത്തന്. (Image Credits: Getty Images)
തമിഴ്നാട്, കര്ണാടക എന്നീ സംസ്ഥാനങ്ങളില് നിന്നാണ് കേരളത്തിലേക്ക് പ്രധാനമായും തണ്ണിമത്തനെത്തുന്നത്. സാധാരണയായി കണ്ടുവരുന്ന തണ്ണിമത്തന് പുറമെ ഇപ്പോള് പല നിറങ്ങളിലും രുചിയിലും ലഭ്യമാണ്. മധുരമുള്ള കുരു കുറഞ്ഞ തണ്ണിമത്തനായ കിരണത്തോടാണ് ഇപ്പോള് മലയാളികള്ക്ക് താത്പര്യം.
കിലോയ്ക്ക് 25 മുതല് 30 വരെയാണ് കിരണത്തിന് വില വരുന്നത്. എന്നാല് മറ്റ് തണ്ണിമത്തനുകളും വിപണിയിലെത്തുന്നതോടെ വില ഇനിയും കുറയാന് സാധ്യതയുണ്ട്. മാര്ച്ച് മുതല് മെയ് വരെയുള്ള മാസങ്ങളില് കേരളത്തില് തണ്ണിമത്തന് വന് ഡിമാന്ഡായിരിക്കും.
വൈറ്റമിനുകളായ സി,എ, പാന്തോതെനിക് ആസിഡ്, പൊട്ടാസ്യം, കോപ്പര്, കാത്സ്യം എന്നിവ തണ്ണിമത്തനില് അടങ്ങിയിരിക്കുന്നു. ഹൃദയാരോഗ്യം മെച്ചപ്പെടുത്താനും ഇവ വളരെ നല്ലതാണ്.
തണ്ണിമത്ത് പുറമെ വിറ്റഴിയുന്ന മറ്റൊന്ന് ഇളനീരാണ്. കൃത്രിമ പാനീയങ്ങള് അരങ്ങുവാഴുമ്പോഴും ഇളനീരിന്റെ ഡിമാന്ഡ് കുറഞ്ഞിട്ടില്ല. വേനല്കാലത്ത് ദഹമകറ്റാന് ഇളനീരും വ്യാപകമായി ഉപയോഗിക്കും.
