Kitchen Tips: പാചകത്തിനിടെ എണ്ണ തെറിക്കാറുണ്ടോ? ഇനിയുണ്ടാകില്ല; ഈ മാജിക് വിദ്യകൾ അറിയാമോ
Oil Splatter Prevention Tips: നമ്മൾ ചെറിയ ചില കാര്യങ്ങളിൽ ശ്രദ്ധിച്ചാൽ ഉറപ്പായും ഇത്തരം അപകടങ്ങൾ ഒഴിവാക്കാനാകും. അവ എന്തെല്ലാമെന്ന് നോക്കാം. ആദ്യം മനസ്സിലാക്കേണ്ടത്, എണ്ണയും വെള്ളവും ഒരുമിച്ച് ചേരില്ല എന്നതാണ്. അതിനാൽ എണ്ണയിലേക്ക് എന്തിട്ടാലും അവയിൽ വെള്ളമില്ലെന്ന് ഉറപ്പുവരുത്തുക. അമിതമായി ചൂടായ എണ്ണയാണ് തെറിച്ചുവീഴുന്നതിന് പ്രധാനം കാരണം.
പാചകം ഒരു കലയാണെന്ന് എല്ലാവരും പറയാറുണ്ട്. എന്നാൽ സൂക്ഷിച്ച് ചെയ്തില്ലെങ്കിൽ അപകടവുമാണ്. ദിവസവും പാചകം ചെയ്യുന്നവർക്ക് എന്തെങ്കിലും ഒക്കെ പരിക്കുകൾ ഉണ്ടാകാറുണ്ട്. പ്രത്യേകിച്ച് എണ്ണ തെറിച്ചും ചൂട് തട്ടിയുമൊക്കെ. അടുക്കളയിൽ മീൻ വറക്കുമ്പോഴോ കടുക് വറുക്കുമ്പോഴോ എണ്ണ തെറിച്ച് പൊള്ളലേൽക്കുന്നത് മിക്ക വീട്ടമ്മമാരും നേരിടുന്ന വെല്ലുവിളിയാണ്. (Image Credits: Getty Images)
എന്നാൽ ഈ പേടി മാറ്റാൻ ചില വഴികളുണ്ട്. നമ്മൾ ചെറിയ ചില കാര്യങ്ങളിൽ ശ്രദ്ധിച്ചാൽ ഉറപ്പായും ഇത്തരം അപകടങ്ങൾ ഒഴിവാക്കാനാകും. അവ എന്തെല്ലാമെന്ന് നോക്കാം. ആദ്യം മനസ്സിലാക്കേണ്ടത്, എണ്ണയും വെള്ളവും ഒരുമിച്ച് ചേരില്ല എന്നതാണ്. അതിനാൽ എണ്ണയിലേക്ക് എന്തിട്ടാലും അവയിൽ വെള്ളമില്ലെന്ന് ഉറപ്പുവരുത്തുക.
അതുപോലെ തന്നെ പാനിൽ എണ്ണ ചൂടായി വരുമ്പോൾ കടുക് ഇടുന്നതിന് മുൻപോ മീൻ വറക്കുന്നതിന് മുൻപോ ആയിട്ട് അല്പം ഉപ്പ് എണ്ണയിലേക്ക് ചേർക്കുക. ഇത് എണ്ണയിലെ ഈർപ്പം വലിച്ചെടുക്കുകയും എണ്ണ തെറിക്കുന്നതിൻ്റെ അളവ് കുറയ്ക്കുകയും ചെയ്യും. ഇങ്ങനെ ചെയ്താൽ എണ്ണതെറിക്കുന്നത് പൂർണമായും ഒഴിവാക്കാനാകും.
അമിതമായി ചൂടായ എണ്ണയാണ് തെറിച്ചുവീഴുന്നതിന് പ്രധാനം കാരണം. അതിനാൽ എണ്ണയിൽ നിന്ന് പുക വരാൻ തുടങ്ങിയാൽ, അത് ഇതിനകം വളരെ ചൂടായിക്കഴിഞ്ഞു എന്നാണ് അർത്ഥം. എപ്പോഴും ഇടത്തരം തീയിൽ മെല്ലെ ചൂടാക്കാൻ ശ്രമിക്കുക. എണ്ണയുടെ താപനില കൃത്യമായി മനസ്സിലാക്കി വേണം പാചകം ചെയ്യാൻ, അപ്പോൾ തെറിച്ചുവീഴാതിരിക്കും.
മീൻ, ചിക്കൻ തുടങ്ങിയവ വറക്കുമ്പോഴാണ് എണ്ണ വലിയ രീതിയിൽ തെറിക്കുന്നത്. ഇത് ഒഴിവാക്കാൻ എണ്ണ ചൂടാകുമ്പോൾ അതിലേക്ക് അല്പം മൈദപ്പൊടിയോ കോൺഫ്ലവറോ വിതറുന്നത് നല്ലതാണ്. അതുപോലെ തന്നെ പാത്രം കഴുകിയ ഉടനെ അടുപ്പത്ത് വെച്ച് എണ്ണ ഒഴിക്കരുത്. പാത്രത്തിലെ വെള്ളം പൂർണ്ണമായും വറ്റിയ ശേഷം മാത്രം എണ്ണ ഒഴിക്കുക.
