Kitchen tips: ഇനി കൂൺ ഒരാഴ്ചവരെ കേടാകാതെ ഇരിക്കും, ഫ്രിഡ്ജിൽ ഇങ്ങനെ വച്ചു നോക്കൂ
Keep Mushrooms Fresh for Longer in the fridge: കൂണുകൾ അഴുകിയാൽ വലിയ ആരോഗ്യപ്രശ്നങ്ങൾക്കും വഴിവെക്കുമെന്നാണ് ആരോഗ്യവിദഗ്ധർ അഭിപ്രായപ്പെടുന്നത്. മരണകാരമായ അസുഖങ്ങൾ വരെ പിടിപ്പെടാൻ സാധ്യതയേറെയാണ്. അതുകൊണ്ട് എങ്ങനെയാണ് കൂണുകൾ ഫ്രിഡ്ജിൽ സൂരക്ഷതമായി സൂക്ഷിക്കേണ്ടതെന്നും അത് എങ്ങനെ പാകം ചെയ്യേണ്ടതെന്നും പരിശോധിക്കാം
വിറ്റാമിൻ ഡി അടക്കമുള്ള പോഷകങ്ങളുടെ കലവറയായ കൂൺ ഭക്ഷണത്തിൽ ഉൾപ്പെടുത്തുന്നത് ഏറെ ഗുണകരമാണ്. എന്നാൽ കടയിൽ നിന്നും വാങ്ങുന്ന കൂണുകൾ പെട്ടെന്ന് കേടാകുന്നത് പലരെയും ബുദ്ധിമുട്ടിക്കാറുണ്ട്.
കൂണിലെ അമിതമായ ജലാംശമാണ് അവ വഴുവഴുപ്പുള്ളതാകാനും കറുത്ത പാടുകൾ വീഴാനും കാരണമാകുന്നത്. കൂണുകൾ ദീർഘകാലം ഫ്രഷായി സൂക്ഷിക്കാൻ ചില കാര്യങ്ങൾ ശ്രദ്ധിക്കാം.
കൂണുകൾ പ്ലാസ്റ്റിക് കവറുകളിലോ എയർടൈറ്റ് പാത്രങ്ങളിലോ സൂക്ഷിക്കുന്നത് ഒഴിവാക്കുക. ഈർപ്പം തങ്ങിനിൽക്കുന്നത് കൂൺ നശിക്കാൻ കാരണമാകും. പകരം വായുസഞ്ചാരമുള്ള പേപ്പർ ബാഗുകളിലോ തുണിയിലോ പൊതിഞ്ഞ് ഫ്രിഡ്ജിൽ സൂക്ഷിക്കുന്നതാണ് ഉചിതം.
ഇങ്ങനെ ചെയ്താൽ അഞ്ച് മുതൽ ഏഴ് ദിവസം വരെ ഇവ കേടുകൂടാതെ ഇരിക്കും. കൂടാതെ, പാചകം ചെയ്യുന്നതിന് തൊട്ടുമുമ്പ് മാത്രം കൂൺ കഴുകി വൃത്തിയാക്കുക.
കൂടുതൽ കാലം സൂക്ഷിക്കണമെന്നുണ്ടെങ്കിൽ കൂണുകൾ ചെറുതായി ഒന്ന് വഴറ്റിയ ശേഷം തണുപ്പിച്ച് ഫ്രീസറിൽ വെക്കാവുന്നതാണ്. ഇത് രണ്ടു മാസം വരെ ഗുണമേന്മ നിലനിർത്താൻ സഹായിക്കും. ശരിയായ രീതിയിൽ സംഭരിച്ചാൽ കൂണിലെ പോഷകങ്ങളും ഘടനയും നഷ്ടപ്പെടാതെ ആസ്വദിക്കാൻ സാധിക്കും.
