Kerala State Film Awards 2024: വെറുതെ കൊടുത്തതല്ല! എന്തുകൊണ്ട് മമ്മൂട്ടി മികച്ച നടനായി; ജൂറിയുടെ വാക്കുകൾ ശ്രദ്ധേയമാകുന്നു
Jury Explains Why Mammootty Got the Award: കൊടുമൺ പോറ്റി, ചാത്തൻ എന്നീ രണ്ടു കഥാപാത്രങ്ങളെ ഏകശരീരത്തിലേക്ക് ആവാഹിച്ച് അഭിനയിച്ചതിനാണ് മികച്ച നടനായി മമ്മൂട്ടിയെ തിരഞ്ഞെടുത്തതെന്ന് ജൂറി അഭിപ്രായപ്പെട്ടു.
അച്ഛനായും, സഹോദരനായും, മകനായും കഴിഞ്ഞ അഞ്ചര പതിറ്റാണ്ടിലേറെയായി മലയാള സിനിമ പ്രേമികൾക്കൊപ്പം നടക്കുകയാണ് മെഗാസ്റ്റാർ മമ്മൂട്ടി. ആരാധകരുടെ പ്രിയപ്പെട്ട 'മമ്മൂക്കയുടെ അഭിനയമികവ് എന്നും പ്രേക്ഷകരെ അമ്പരപ്പിച്ചിട്ടേയുള്ളൂ. (Image Credits:Facebook)
മികച്ച കഥാപാത്രങ്ങളും ചിത്രങ്ങളും നൽകിയ താരരാജാവിനെ തേടി വീണ്ടുമൊരു പുരസ്കാരം എത്തിയിരിക്കുകയാണ്. മികച്ച നടനുള്ള സംസ്ഥാന ചലച്ചിത്ര പുരസ്കാരമാണ് താരത്തിനെ തേടിയെത്തിയത്. നീണ്ട് എട്ട് മാസത്തെ ഇടവേളയ്ക്ക് ശേഷം പൂർവ്വാധികം ശക്തിയോടെ തിരിച്ചെത്തിയ താരത്തിനെ തേടിയാണ് പുരസ്കാരം എത്തിയത്.
രാഹുൽ സദാശിവൻ സംവിധാനം ചെയ്ത ‘ഭ്രമയുഗം’ സിനിമയിലെ പ്രകടനത്തിനാണ് പുരസ്കാരം. ചിത്രത്തിൽ കൊടുമൺ പോറ്റി എന്ന കഥാപാത്രത്തെയാണ് താരം അവതരപ്പിച്ചത്. ഒരുലക്ഷം രൂപയും ശില്പവും പ്രശസ്തിപത്രവുമാണ് മികച്ച നടനു ലഭിക്കുക.എട്ടാം തവണയാണ് മമ്മൂട്ടിക്ക് സംസ്ഥാന ചലച്ചിത്ര പുരസ്കാര പ്രഖ്യാപനം ലഭിക്കുന്നത്.
ഇതിനു പിന്നാലെ എന്തുകൊണ്ട് മമ്മൂട്ടി മികച്ച നടനായി തിരഞ്ഞെടുക്കപ്പെട്ടു എന്ന ജൂറിയുടെ വാക്കുകൾ ശ്രദ്ധേയമാകുന്നത്. 'കൊടുമൺ പോറ്റി, ചാത്തൻ എന്നീ രണ്ടു കഥാപാത്രങ്ങളെ ഏകശരീരത്തിലേക്ക് ആവാഹിച്ചുകൊണ്ട് അധികാരത്തിനകത്തെ പൈശാചികതയെ അതിശക്തമായും സൂക്ഷ്മമായും ആവിഷ്കരിച്ച ഭാവാഭിനയ മികവിനാണ് പുരസ്കാരം.
താരപദവിയും പ്രതിച്ഛായയും മറന്ന്, ഉടലിനെ അഭിനയപരീക്ഷണത്തിന്റെ ഉപാധിയാക്കാനായി എടുത്തണിഞ്ഞ പ്രതിനായകവേഷത്തിന്റെ പകർന്നാട്ട പൂർണതയാണ് മമ്മൂട്ടിയുടേതെന്നാണ്' ജൂറിയുടെ പരാമർശം.
