Haircare Tips: മുട്ടയിൽ ആവണക്കെണ്ണയും യോജിപ്പിച്ച് ഉപയോഗിക്കൂ; അറിയാം മുടിയിൽ ഈ മാറ്റങ്ങൾ
Castor Oil With Egg Haircare: പണ്ടുമുതൽക്കെ മുടിയുടെ ആരോഗ്യം സംരക്ഷിക്കാൻ ആവണക്കെണ്ണയും മുട്ടയും നല്ലതാണെന്ന് കേട്ടിട്ടുണ്ട്. ഇതിൽ എന്തെങ്കിലും സത്യമുണ്ടോ? അറിയാം ഇവയുടെ ഗുണങ്ങളെക്കിറിച്ച്. ആവണക്കെണ്ണയിൽ റിസിനോലെയിക് ആസിഡ് ധാരാളമായി അടങ്ങിയിട്ടുണ്ട്, ഇത് ആന്റി-ഇൻഫ്ലമേറ്ററി, ആന്റിമൈക്രോബയൽ ഗുണങ്ങൾക്ക് പേരുകേട്ട ഒമേഗ-9 ഫാറ്റി ആസിഡാണ്.
മുടിയുടെ സൗന്ദര്യം കാക്കാനും മുടി വളരാനുള്ള പല മാർഗങ്ങളും ദിവസേന പരീക്ഷിക്കുന്നവരാണ് നമ്മൾ. പണ്ടുമുതൽക്കെ മുടിയുടെ ആരോഗ്യം സംരക്ഷിക്കാൻ ആവണക്കെണ്ണയും മുട്ടയും നല്ലതാണെന്ന് കേട്ടിട്ടുണ്ട്. ഇതിൽ എന്തെങ്കിലും സത്യമുണ്ടോ? അറിയാം ഇവയുടെ ഗുണങ്ങളെക്കിറിച്ച്. (Image Credits: Freepik)
കട്ടിയുള്ള ഒട്ടിപ്പിടിക്കുന്ന ആവണക്കെണ്ണ പരമ്പരാഗത വൈദ്യശാസ്ത്രത്തിലും സൗന്ദര്യവർദ്ധക കൂട്ടുകളിലും, ഉപയോഗിക്കുന്നു. ആവണക്കെണ്ണയിൽ റിസിനോലെയിക് ആസിഡ് ധാരാളമായി അടങ്ങിയിട്ടുണ്ട്, ഇത് ആന്റി-ഇൻഫ്ലമേറ്ററി, ആന്റിമൈക്രോബയൽ ഗുണങ്ങൾക്ക് പേരുകേട്ട ഒമേഗ-9 ഫാറ്റി ആസിഡാണ്.
ഇത് തലയോട്ടിയിൽ മസാജ് ചെയ്യുമ്പോൾ, റിസിനോലെയിക് ആസിഡ് രക്തചംക്രമണം മെച്ചപ്പെടുത്താൻ സഹായിക്കുന്നു, ഇത് രോമകൂപങ്ങളെ ഉത്തേജിപ്പിക്കുകയും വളർച്ചയെ പ്രോത്സാഹിപ്പിക്കുകയും ചെയ്യും. കൂടാതെ ഇതിന്റെ സ്ഥിരത ഈർപ്പം നിലനിർത്താൻ സഹായിക്കുന്നു. മാത്രമല്ല, വിറ്റാമിൻ ഇ, ധാതുക്കൾ, പ്രോട്ടീനുകൾ എന്നിവയാൽ സമ്പുഷ്ടമായ ഇവ മുടിയിഴകൾക്ക് ആരോഗ്യകരമാണ്.
മുട്ട പ്രകൃതിദത്ത പ്രോട്ടീനാണ്. പ്രത്യേകിച്ച് കേടുപാടുകൾ സംഭവിച്ച മുടിക്ക്. മുട്ടയുടെ മഞ്ഞക്കരുവിൽ കൊഴുപ്പും പ്രോട്ടീനും അടങ്ങിയിട്ടുണ്ട്, ഇത് മുടിയെ കണ്ടീഷൻ ചെയ്യാൻ സഹായിക്കും. അതേസമയം വെള്ളയിൽ അധിക എണ്ണ നീക്കം ചെയ്യുന്ന എൻസൈമുകൾ അടങ്ങിയിട്ടുണ്ട്. മുട്ടയിൽ ബയോട്ടിൻ പോലുള്ള പോഷകങ്ങൾ അടങ്ങിയിട്ടുള്ളതിനാൽ മുടിയിലെ കെരാറ്റിൻ ഘടന മെച്ചപ്പെടുത്തുന്നതിന് നല്ലതാണ്.
ഇവ രണ്ടും ഒരു ഹെയർ മാസ്കായി ഉപയോഗിക്കുമ്പോൾ, മുടി പൊട്ടുന്നത് കുറയ്ക്കാനും തിളക്കം നൽകാനും മൊത്തത്തിലുള്ള ഘടന മെച്ചപ്പെടുത്താനും സഹായിക്കും. ശാസ്ത്രീയ പഠനങ്ങൾ കുറവാണെങ്കിലും, ആയിരക്കണക്കിന് ഉപയോക്താക്കളിൽ നിന്നുള്ള അനുഭവം സൂചിപ്പിക്കുന്നത് സ്ഥിരമായ ഉപയോഗത്തിലൂടെ മുടിയുടെ കരുത്തിലും മറ്റ് പ്രശ്നങ്ങൾക്കും ഗുണം ചെയ്യുമെന്നാണ്.
