Moon Hotel Bookings Open: ദേ ചന്ദ്രനിൽ ചായക്കട, ബുക്കിങ് തുടങ്ങി കേട്ടോ, മുടക്കേണ്ട തുക അറിയേണ്ടേ
Moon Hotel booking starts Gru Space Lunar Tourism 2032 : ചന്ദ്രനിൽ മനുഷ്യവാസമൊരുക്കുക എന്നത് നാസയുൾപ്പെടെ വിവിധ ബഹിരാകാശ പര്യവേക്ഷണ സ്ഥാപനങ്ങളുടെ പ്രഖ്യാപിത ലക്ഷ്യമാണ്. 2032-ഓടു കൂടി ചന്ദ്രനിൽ മനുഷ്യരുടെ താമസം ഉറപ്പാക്കാനാണ് ലക്ഷ്യമിടുന്നത്.
അമേരിക്കൻ സ്റ്റാർട്ടപ്പായ ഗാലക്ടിക് റിസോഴ്സ് യൂട്ടിലൈസേഷൻ സ്പേസ് ചന്ദ്രനിൽ ഹോട്ടൽ താമസത്തിനുള്ള ബുക്കിങ് ആരംഭിച്ചു. 2032-ഓടു കൂടി ചന്ദ്രനിൽ മനുഷ്യവാസം ഉറപ്പാക്കുകയാണ് ഈ ദൗത്യത്തിന്റെ ലക്ഷ്യം.
2.2 കോടി രൂപ മുതൽ 9 കോടി രൂപ വരെയാണ് ബുക്കിങ് തുകയായി ഈടാക്കുന്നത്. എന്നാൽ യാത്രയുടെ അന്തിമ ചെലവ് 90 കോടി രൂപയിൽ അധികമാകാനാണ് സാധ്യതയെന്ന് കമ്പനി സൂചിപ്പിക്കുന്നു.
അപേക്ഷകർ 1,000 ഡോളർ അപേക്ഷാ ഫീസായി നൽകണം. ഇത് തിരിച്ചു ലഭിക്കില്ല. യാത്രക്കാരുടെ സാമ്പത്തിക ശേഷിക്ക് പുറമെ ശാരീരികക്ഷമതയും വൈദ്യശാസ്ത്രപരമായ രേഖകളും കർശനമായ പശ്ചാത്തല പരിശോധനയ്ക്ക് വിധേയമാക്കും.
ചന്ദ്രനിലെ പൊടി ഉപയോഗിച്ച് പ്രത്യേക തരം ഇഷ്ടികകൾ നിർമ്മിക്കാനുള്ള വിദ്യ കമ്പനി പരീക്ഷിക്കുന്നുണ്ട്. റേഡിയേഷനിൽ നിന്നും കഠിനമായ താപനിലയിൽ നിന്നും സംരക്ഷണം നൽകാൻ ഈ ഇഷ്ടികകൾ കൊണ്ട് നിർമ്മിക്കുന്ന ഹോട്ടലിന് കഴിയുമെന്നാണ് കമ്പനിയുടെ അവകാശവാദം.
22 വയസ്സുകാരനായ സ്കൈലർ ചാൻ എന്ന യുവാവ് തുടങ്ങിയ ഈ സ്റ്റാർട്ടപ്പിന്റെ നിർമ്മാണത്തിനാവശ്യമായ ആദ്യ പേലോഡ് 2029-ൽ ചന്ദ്രനിലിറങ്ങും. വെറും 12 പേർ മാത്രം നടന്ന ചന്ദ്രനിൽ മനുഷ്യരാശിയുടെ ഭാവി കെട്ടിപ്പടുക്കുക എന്നതാണ് പദ്ധതിയുടെ പ്രഖ്യാപിത ലക്ഷ്യം.
