Asteroid Impact: 2038 ഓടെ ഛിന്നഗ്രഹം ഭൂമിയില് ഇടിച്ചേക്കാം; വിവരം പുറത്തുവിട്ട് നാസ
NASA Warns of Potential Asteroid Impact: നിലവില് ഭൂമിയോട് അടുത്ത് നില്ക്കുന്ന ഛിന്നഗ്രഹങ്ങളുടെ പട്ടിക നാസ തയാറാക്കിയിട്ടുണ്ട്. 75 ലക്ഷം കിലോമീറ്ററിനുള്ളിലുള്ള ഛിന്നഗ്രഹങ്ങളെയാണ് നാസ നിരീക്ഷിക്കുന്നത്.
ഭൂമിക്ക് സമീപത്തുകൂടി കടന്നുപോകുന്ന അനേകം ഛിന്നഗ്രഹങ്ങളുണ്ട്. ഇതില് തന്നെ അപകട സാധ്യത ഉയര്ത്തുന്നവയും ഇല്ലാത്തവയും എന്നെല്ലാം തരം തിരിക്കപ്പെട്ടിട്ടുണ്ട്. ചിലപ്പോള് ബഹിരാകാശ ശിലകള് ഭൂമിയില് പതിച്ച് അവ കത്തിപോകാറുണ്ട്.
ചില ഛിന്നഗ്രഹങ്ങളെ നേരിടാന് ഭൂമിയുടെ അന്തരീക്ഷത്തിന് സാധിക്കില്ലെന്നാണ് പല പഠനങ്ങളും പറയുന്നത്. ഇനി അഥവാ ഛിന്നഗ്രഹങ്ങള് ഭൂമിയില് പതിച്ചാല് അതിന്റെ ആഘാതം പതിക്കുന്നിടത്ത് മാത്രമല്ല ഭൂമിയില് എല്ലായിടത്തും ഉണ്ടാകുമെന്നാണ് ശാസ്ത്രജ്ഞര് പറയുന്നത്.
ഈയടുത്തകാലത്ത് അങ്ങനെ ഒന്ന് സംഭവിക്കാന് സാധ്യതയില്ലെന്നാണ് ശാസ്ത്രജ്ഞര് വ്യക്തമാക്കുന്നത്. എന്നാല് പതിനാല് വര്ഷങ്ങള് കഴിയുമ്പോള് അങ്ങനെ ഒന്ന് സംഭവിക്കാന് സാധ്യതയുണ്ടെന്നാണ് നാസയിലെ ശാസ്ത്രജ്ഞര് പറയുന്നത്.
നാസ സംഘടിപ്പിച്ച അഞ്ചാമത് ദ്വിവത്സര പ്ലാനറ്ററി ഡിഫന്സ് ഇന്റര് ഏജന്സി ടേബിള് ടോപ്പ് എക്സര്സൈസിലെ കണ്ടെത്തലാണിത്. ഒരു ഛിന്നഗ്രഹം പതിക്കുമ്പോള് അതിനെ നേരിടാന് ഭൂമി എത്രത്തോളം പ്രാപ്തമാണെന്നും തയാറാടുത്തിട്ടുണ്ടെന്നും കണ്ടെത്താന് ഒരു സാങ്കല്പിക സാഹചര്യം സൃഷ്ടിക്കുകയായിരുന്നു.
ഇതിനായി 2038 ജൂലായ് 12ന് ഒരു ഛിന്നഗ്രഹ പതന സാധ്യതയുണ്ടെന്ന് സാങ്കല്പികമായി സംഘം സൃഷ്ടിക്കുകയായിരുന്നു. നിലവില് ഭൂമിയോട് അടുത്ത് നില്ക്കുന്ന ഛിന്നഗ്രഹങ്ങളുടെ പട്ടിക നാസ തയാറാക്കിയിട്ടുണ്ട്. 75 ലക്ഷം കിലോമീറ്ററിനുള്ളിലുള്ള ഛിന്നഗ്രഹങ്ങളെയാണ് നാസ നിരീക്ഷിക്കുന്നത്.
