Onam 2025: തിരുവോണനാളിലെ സ്റ്റാർ തുമ്പക്കുടം…. തുമ്പപ്പൂവിന്റെ പ്രത്യേകതകൾ അറിയുമോ?
Importance and specialities of thumba: നിറപ്പകിട്ടാർന്ന പൂക്കളങ്ങൾക്കപ്പുറം, തുമ്പപ്പൂവിന്റെ ലളിതമായ സൗന്ദര്യം ഓണത്തിന്റെ ലാളിത്യത്തെ ഓർമ്മിപ്പിക്കുന്നു.
തിരുവോണത്തിന് ഓണത്തപ്പനെ വരവേൽക്കാൻ ഉപയോഗിക്കുന്ന തുമ്പപ്പൂവിന് പല പ്രത്യേകതകളുമുണ്ട്. ഓണപ്പൂക്കളത്തിലെ ഒരു അവിഭാജ്യ ഘടകമാണിത്. പൂക്കളത്തിൽ മാത്രമല്ല, ഔഷധഗുണങ്ങൾകൊണ്ടും തുമ്പപ്പൂവ് ഏറെ പ്രശസ്തമാണ്.
വെള്ളനിറമുള്ള ഈ പൂവ് പരിശുദ്ധിയുടെയും സമാധാനത്തിന്റെയും പ്രതീകമായി കണക്കാക്കപ്പെടുന്നു. അതുകൊണ്ടുതന്നെ തൃക്കാക്കരയപ്പന് അർപ്പിക്കാൻ ഈ പൂവാണ് പ്രധാനമായും ഉപയോഗിക്കുന്നത്.
തുമ്പ ഒരു ഔഷധസസ്യം കൂടിയാണ്. ചുമ, പനി, ആസ്തമ, തലവേദന തുടങ്ങിയ രോഗങ്ങൾക്ക് പ്രതിവിധിയായി തുമ്പ ഉപയോഗിക്കാറുണ്ട്. ഇതിന്റെ ഇലകളും പൂക്കളും ചേർന്ന കഷായം പല അസുഖങ്ങൾക്കും ആശ്വാസം നൽകും.
ഓണത്തിന് പത്ത് ദിവസം പൂക്കളമിടുമ്പോൾ ഓരോ ദിവസത്തിനും ഓരോ പൂവിനാണ് പ്രാധാന്യം. എന്നാൽ തിരുവോണനാളിൽ ഓണത്തപ്പനെ സ്വീകരിക്കാൻ തുമ്പപ്പൂവ് മാത്രമുപയോഗിച്ച് തുമ്പക്കുടം ഒരുക്കുന്നതാണ് പരമ്പരാഗതമായ ചടങ്ങ്.
നിറപ്പകിട്ടാർന്ന പൂക്കളങ്ങൾക്കപ്പുറം, തുമ്പപ്പൂവിന്റെ ലളിതമായ സൗന്ദര്യം ഓണത്തിന്റെ ലാളിത്യത്തെ ഓർമ്മിപ്പിക്കുന്നു.
