OTT Releases Malayalam: ഈ ആഴ്ചയിലെ ഒടിടി റിലീസുകൾ; പട്ടികയിൽ വമ്പൻ ചിത്രങ്ങൾ
OTT Releases Malayalam This Week: ഡ്യൂഡ് മുതൽ ഇൻസ്പെക്ടർ ബംഗ്ലാവ് വരെ ഇന്ന് ഒടിടിയിലെത്തുന്ന ചില സിനിമകളും സീരീസുകളുമുണ്ട്. ഇവ പരിശോധിക്കാം.
ഈ ആഴ്ചയിൽ ഒടിടി പ്രദർശനം ആരംഭിക്കുന്ന ചില സിനിമകളുണ്ട്. പല സിനിമകളും നവംബർ 14നാണ് ഒടിടിയിലെത്തുക. ഇന്ന് സ്ട്രീമിങ് ആരംഭിക്കുന്ന സിനിമകളും വെബ് സീരീസുകളും പരിഗണിക്കുമ്പോൾ ചില വമ്പൻ പേരുകൾ കാണാം. അവയിൽ ചിലത് നമുക്ക് പരിശോധിക്കാം. (Image Credits- Unsplash)
ഡ്യൂഡ്: ഇന്ന് പുറത്തുവരുന്ന സിനിമകളിൽ ഏറ്റവും പ്രധാനപ്പെട്ട സിനിമയാണ് ഡ്യൂഡ്. കീർത്തീശ്വരൻ്റെ സംവിധാനത്തിൽ, യുവതാരം പ്രദീപ് രംഗനാഥനും മമിത ബൈജുവും അഭിനയിച്ച സിനിമ ഈ വർഷത്തെ ഏറ്റവും വലിയ ഹിറ്റുകളിലൊന്നായിരുന്നു. ഇന്ന് മുതൽ നെറ്റ്ഫ്ലിക്സിൽ സിനിമ കാണാം.
പൊയ്യാമൊഴി: നിരവധി ചലച്ചിത്രമേളകളിൽ പ്രദർശിപ്പിച്ച ചിത്രമാണ് പൊയ്യാമൊഴി. ജാഫർ ഇടുക്കി പ്രധാന കഥാപാത്രത്തെ അവതരിപ്പിക്കുന്ന സിനിമ സുധി അന്നയുടെ സംവിധാനത്തിലാണ് പുറത്തിറങ്ങിയത്. ഇന്ന് മുതൽ മനോരമ മാക്സിലൂടെ സിനിമ ഒടിടി പ്രേക്ഷകർക്ക് കാണാം.
അവിഹിതം: തിങ്കളാഴ്ച നിശ്ചയം എന്ന സൂപ്പർ ഹിറ്റ് ചിത്രമൊരുക്കിയ സെന്ന ഹെഗ്ഡെയുടെ ഏറ്റവും പുതിയ സിനിമയാണ് അവിഹിതം. ഉണ്ണി രാജ്, വിനീത് ചാക്യാർ തുടങ്ങിയവരാണ് സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നത്. ജിയോ ഹോട്ട്സ്റ്റാറിൽ ഇന്ന് സിനിമ സ്ട്രീമിങ് ആരംഭിക്കും.
ഇൻസ്പെക്ടർ ബംഗ്ലാവ്: സൈജു എസ്എസ് അണിയിച്ചൊരുക്കുന്ന വെബ് സീരീസാണ് ഇൻസ്പെക്ടർ ബംഗ്ലാവ്. ശബരീഷ് വർമ്മ, ഷാജു ശ്രീധർ തുടങ്ങിയവരാണ് ഇൻസ്പെക്ടർ ബംഗ്ലാവിൽ പ്രധാന വേഷങ്ങളെ അവതരിപ്പിച്ചിരിക്കുന്നത്. ഇന്ന് മുതൽ സീ5ൽ ഇൻസ്പെക്ടർ ബംഗ്ലാവ് കാണാൻ സാധിക്കും.
