Indoor Plants: പീസ് ലില്ലി വളർത്തുന്നുണ്ടോ? ഇക്കാര്യങ്ങൾ ശ്രദ്ധിച്ചോണേ
Peace Lily Care: ചെടികൾ വളർത്താൻ ആഗ്രഹമുണ്ട്. പക്ഷേ മുറ്റമില്ലാത്തതും ശരിയായ പരിപാലിക്കാൻ സമയമില്ലാത്തുമെല്ലാം പലരെയും ആ ആഗ്രഹത്തിൽ നിന്ന് പിറകോട്ട് വലിക്കുന്നുണ്ട്. അവർക്ക് ഏറ്റവും മികച്ച ഓപ്ഷനാണ് ഇൻഡോർ പ്ലാന്റ്സ്.
ഇൻഡോർ പ്ലാന്റ്സിൽ ഏറ്റവും കൂടുതൽ ഡിമാൻഡുള്ള ചെടിയാൻ പീസ് ലില്ലി. ഇവയിലെ വെള്ള പൂക്കൾ വീട് ഭംഗി കൂട്ടുന്നു. എന്നാൽ കൃത്യമായ പരിചരണം നൽകിയില്ലെങ്കിൽ ഇവ പെട്ടെന്ന് വാടിപ്പോകാൻ സാധ്യതയുണ്ട്.
പീസ് ലില്ലിക്കും വളരാൻ ആവശ്യത്തിന് വെള്ളം ആവശ്യമാണ്. വെള്ളം കുറയുമ്പോൾ ചെടിയുടെ ഇലകൾ മഞ്ഞനിറമാകാനും വാടിപ്പോകാനും തുടങ്ങും. അതിനാൽ മണ്ണിലെ ഈർപ്പം പരിശോധിച്ചു കൃത്യസമയത്ത് നനയ്ക്കാൻ ശ്രദ്ധിക്കുക.
പൈപ്പുകളിൽ വരുന്ന ക്ലോറിൻ കലർന്ന വെള്ളം നേരിട്ട് പീസ് ലില്ലിക്ക് ഒഴിക്കരുത്. ഇതിലെ രാസവസ്തുക്കൾ ചെടി നശിച്ചുപോകാൻ കാരണമാകും. വെള്ളം ഒരു പാത്രത്തിൽ കുറച്ചുനേരം തുറന്നുവെച്ച് അതിലെ ക്ലോറിൻ അംശം പോയതിനുശേഷം ചെടിക്ക് ഒഴിക്കാം.
അതുപോലെ ചെടിച്ചട്ടിയിൽ വെള്ളം വാർന്നുപോകാൻ ആവശ്യത്തിന് ദ്വാരങ്ങൾ ഉണ്ടായിരിക്കണം. ഡ്രെയിനേജ് ശരിയല്ലെങ്കിൽ വെള്ളം തങ്ങിനിൽക്കുകയും ഇത് വേരുകളുടെ വളർച്ചയെ തടയുകയും ചെടി നശിപ്പിക്കുകയും ചെയ്യും.
പീസ് ലില്ലിക്ക് അമിതമായി വളം നൽകുന്നത് ഒഴിവാക്കണം. ഇത് ചെടിയുടെ ആരോഗ്യത്തെ ബാധിക്കുകയും ഇലകൾ കരിഞ്ഞുപോകാൻ കാരണമാവുകയും ചെയ്യും. (Image Credit: Getty Images)
