Post Office RD Scheme: 25 ലക്ഷം നേടാൻ ഇതിലും നല്ല അവസരമില്ല, മാസം നിക്ഷേപിക്കേണ്ടത്….
Post Office RD Scheme Details: സാമ്പത്തിക സുരക്ഷിതത്വത്തിനായി നിരവധി നിക്ഷേപ പദ്ധതികൾ പോസ്റ്റ് ഓഫീസ് വാഗ്ദാനം ചെയ്യുന്നുണ്ട്. അവയിൽ ഏറ്റവും മികച്ച സ്കീമുകളിലൊന്നായ റിക്കറിംഗ് ഡെപ്പോസിറ്റ് പദ്ധതിയെ കുറിച്ച് അറിഞ്ഞാലോ....
കേന്ദ്ര സർക്കാർ ഗ്യാരണ്ടിയുള്ള റിക്കറിംഗ് ഡെപ്പോസിറ്റ് (RD) പദ്ധതിയിലൂടെ ദീർഘകാലാടിസ്ഥാനത്തിൽ ലക്ഷക്കണക്കിന് രൂപയുടെ സമ്പാദ്യം കെട്ടിപ്പടുക്കാൻ സാധിക്കും. ചെറിയ മാസത്തവണകളിലൂടെ വലിയൊരു തുക സ്വന്തമാക്കാൻ കഴിയും.
നിലവിൽ പ്രതിവർഷം 6.7% പലിശയാണ് ലഭിക്കുന്നത്. ഇത് ഓരോ മൂന്ന് മാസത്തിലും കോമ്പൗണ്ട് ചെയ്യപ്പെടുന്നു. വെറും 100 രൂപ മുതൽ നിക്ഷേപം തുടങ്ങാം. അതേസമയം, ഉയർന്ന പരിധി ഇല്ല എന്നതും ഇതിലെ ഏറ്റവും വലിയ പ്രത്യേകതയാണ്.
പദ്ധതിയുടെ അടിസ്ഥാന കാലയളവ് 5 വർഷമാണ്. എന്നാൽ ആവശ്യമെങ്കിൽ നിങ്ങൾക്ക് കാലയളവ് 10 വർഷത്തേക്ക് നീട്ടാൻ സാധിക്കും. ക്യാഷ് ആയൊ ചെക്ക് വഴിയോ ഓൺലൈനായോ പണമടയ്ക്കാം. കൂടാതെ 5 വർഷത്തെ തുക മുൻകൂറായി അടയ്ക്കാനുള്ള സൗകര്യവുമുണ്ട്.
പ്രതിമാസം 15,000 രൂപ വീതം 10 വർഷത്തേക്ക് നിക്ഷേപിച്ചാൽ കാലാവധി പൂർത്തിയാകുമ്പോൾ 25,68,107 രൂപ സ്വന്തമാക്കാം. ഇതിൽ 18 ലക്ഷം രൂപ നിങ്ങൾ നിക്ഷേപിക്കുന്ന തുകയും 7,68,107 രൂപ പലിശ ഇനത്തിൽ ലഭിക്കുന്ന ലാഭവുമാണ്.
തിരിച്ചറിയൽ രേഖകൾ, വിലാസം തെളിയിക്കുന്ന രേഖ, പാസ്പോർട്ട് സൈസ് ഫോട്ടോ എന്നിവയുമായി അടുത്തുള്ള പോസ്റ്റ് ഓഫീസ് സന്ദർശിച്ച് ആർഡി അക്കൗണ്ട് ആരംഭിക്കാം. (Image Credit: Getty Images)
