എല്ലാവർക്കും ഉപയോഗിക്കാം! 147 രൂപ മുതൽ 197 രൂപ വരെ വിലയിൽ പുതിയ നാല് റീച്ചാർജ് പ്ലാനുകളുമായി ജിയോ
Reliance Jio Now Offers Four Voice and SMS Plans: ജിയോ ഇന്ത്യയിൽ പുതിയ റീച്ചാർജ് പ്ലാനുകൾ അ‌വതരിപ്പിച്ചു. 147 രൂപ, 177 രൂപ, 196 രൂപ, 197 രൂപ എന്നിങ്ങനെയാണ് ഈ പുതിയ ജിയോ റീച്ചാർജ് പ്ലാനുകളുടെ വില. ഇവ ട്രായിയുടെ പ്രത്യേക നിർദേശത്തെ തുടർന്ന് അ‌വതരിപ്പിച്ചിരിക്കുന്ന വോയ്സ് ആൻഡ് എസ്എംഎസ് ഒൺലി പ്ലാനുകൾ ആണ്.
ഇന്ത്യയിലെ ഏറ്റവും വലിയ ടെലിക്കോം കമ്പനിയായ റിലയൻസ് ജിയോ തങ്ങളുടെ വരിക്കാർക്കായി പുതിയ നാല് പ്രീപെയ്ഡ് റീച്ചാർജ് പ്ലാനുകൾ അ‌വതരിപ്പിച്ചു. 147 രൂപ, 177 രൂപ, 196 രൂപ, 197 രൂപ എന്നിങ്ങനെയാണ് ഈ പുതിയ ജിയോ റീച്ചാർജ് പ്ലാനുകളുടെ വില. (Image credit: Getty Images)
ജിയോ സിം ഉപയോഗിക്കുന്ന എല്ലാ പ്രീപെയ്ഡ് ഉപയോക്താക്കൾക്കും ഈ പുതിയ ജിയോ പ്ലാനുകൾ ലഭ്യമാണ്. ഇവ വോയിസ് ആൻഡ് എസ്എംഎസ് ഒൺലി പ്ലാനുകളാണ്. അ‌തായത് ഇവയിൽ ഡാറ്റ ആനുകൂല്യം ഉൾപ്പെടുന്നില്ല. ഡാറ്റ വേണ്ടാത്ത ഉപയോക്താക്കൾക്കായി പ്രത്യേകം വോയ്സ് പ്ലാനുകൾ കുറഞ്ഞ വാലിഡിറ്റിയിൽ അവതരിപ്പിക്കണമെന്ന് ടെലിക്കോം റെഗുലേറ്ററി അ‌തോറിറ്റി ഓഫ് ഇന്ത്യ (TRAI) നിർദേശിച്ചിരുന്നു.
ജിയോയുടെ വെബ്‌സൈറ്റിൽ "TRAI Mandated Packs" (ട്രായ് നിർദ്ദേശിച്ച പായ്ക്കുകൾ) എന്ന വിഭാഗത്തിലാണ് ഈ പുതിയ നാല് റീച്ചാർജ് പ്ലാനുകൾ കമ്പനി ലിസ്റ്റ് ചെയ്തിരിക്കുന്നത്. ഈ നാല് പ്ലാനുകളിലും അൺലിമിറ്റഡ് കോളിംഗും ആകെ 300 എസ്എംഎസുകളും ഉൾപ്പെടുന്നു. ഇവയുടെ വാലിഡിറ്റി വ്യത്യസ്തമാണ്.
പുതിയ ജിയോ പ്ലാനുകളിലെ ആനുകൂല്യങ്ങൾ: 147 രൂപയുടെ പ്ലാൻ 22 ദിവസം വാലിഡിറ്റിയിൽ അൺലിമിറ്റഡ് കോളിങ്, 300 എസ്എംഎസ് എന്നിവ വാഗ്ദാനം ചെയ്യുന്നു. 177 രൂപയുടെ പ്ലാൻ 28 ദിവസം വാലിഡിറ്റിയിൽ അൺലിമിറ്റഡ് വോയിസ് കോളിങ്ങും 300 എസ്എംഎസും ഉപയോക്താവിന് ലഭ്യമാക്കുന്നു.
196 രൂപയുടെ പുതിയ ജിയോ വോയ്സ് ആൻഡ് എസ്എംഎസ് പ്ലാനിന് 30 ദിവസം വാലിഡിറ്റിയുണ്ട്. ഇത് അൺലിമിറ്റഡ് കോളിങ്, ആകെ 300 എസ്എംഎസ് എന്നിവ വാഗ്ദാനം ചെയ്യുന്നു. 197 രൂപയുടെ ജിയോ പ്ലാൻ ഒരു കലണ്ടർ മാസത്തെ വാലിഡിറ്റിയോടെ എത്തുന്നു. അൺലിമിറ്റഡ് കോളിങ്, 300 എസ്എംഎസ് എന്നിവ ഇതിലുമുണ്ട്.
വോയ്സ് പ്ലാനുകൾ വേണ്ട ഉപഭോക്താക്കൾക്ക് തങ്ങൾക്ക് മുടക്കാൻ കഴിയുന്ന തുകയ്ക്ക് അ‌നുസരിച്ച് ഈ നാല് പ്ലാനുകളിൽ ഒന്ന് പ്രയോജനപ്പെടുത്താം. 22 ദിവസം, 28 ദിവസം, 30 ദിവസം അല്ലെങ്കിൽ ഒരു കലണ്ടർ മാസം എന്നീ വാലിഡിറ്റികളുടെ അ‌ടിസ്ഥാനത്തിലും പ്ലാനുകൾ തെരഞ്ഞെടുക്കാം. ഡാറ്റയ്ക്കും ചേർത്ത് പണം നൽകേണ്ടിവരുന്നില്ല എന്നതാണ് ഈ വോയ്സ് ഒൺലി പ്ലാനുകളുടെ പ്രത്യേകത.
