Renault Triber Turbo: ഇന്ത്യയിലെ ഏറ്റവും വിലകുറഞ്ഞ 7 സീറ്ററിന് ഇനി ടർബോ കരുത്ത്
Renault Triber Turbo Launches : ഇന്ത്യയിലെ ഏറ്റവും വില കുറവുള്ള സെവൻ സീറ്റർ വാഹനങ്ങളിൽ ഒന്നാണ് റെനോയുടെ ട്രൈബർ (Triber) . ഈ മോഡലിൽ ഒരു നിർണായക അപ്ഡേറ്റ് കൊണ്ടുവന്നിരിക്കുകയാണ് കമ്പനി. കൂടുതൽ കരുത്തുറ്റ എൻജിൻ ഓപ്ഷനുമായി പുതിയൊരു ടർബോ-പെട്രോൾ വകഭേദം അവതരിപ്പിച്ചിരിക്കുകയാണ് കമ്പനി ഇപ്പോൾ.
100 hp കരുത്തും 180 Nm ടോർക്കും ഉൽപ്പാദിപ്പിക്കുന്ന 1.0 ലിറ്റർ, ത്രീ-സിലിണ്ടർ TCe ടർബോ-പെട്രോൾ എൻജിനാണ് കമ്പനി ഈ വാഹനത്തിൽ ഉപയോഗിച്ചിരിക്കുന്നത്. ഇതിനൊപ്പം 5-സ്പീഡ് മാനുവൽ ഗിയർബോക്സും ട്രൈബറിൽ നൽകിയിട്ടുണ്ട്. റെനോ ഡസ്റ്റർ, കൈഗർ എന്നീ മോഡലുകളിലും ഇതേ എൻജിൻ തന്നെയാണ് കൊടുത്തിരിക്കുന്നത്. ( Image Credit Source Renault Website)
പുതിയ ട്രൈബർ TCe 100-ന്റെ എവല്യൂഷൻ (Evolution) എന്ന ബേസ് വേരിയന്റ് വകഭേദത്തിന് 7.84 ലക്ഷം രൂപയും (എക്സ്-ഷോറൂം), ഉയർന്ന വകഭേദമായ ഇമോഷന് (Emotion) ട്രിമ്മിന് 8.99 ലക്ഷം രൂപയുമാണ് വില വരുന്നത്. 1.0 ലിറ്റർ നാച്ചുറലി ആസ്പിരേറ്റഡ് പെട്രോൾ എൻജിനുള്ള സാധാരണ ട്രൈബറിന് 5.80 ലക്ഷം രൂപയാണ് (എക്സ്-ഷോറൂം) മുതലാണ് വില ആരംഭിക്കുന്നത്. ടർബോ-പെട്രോൾ പതിപ്പിന് 2 ലക്ഷം രൂപയിലധികം അധികം വില വരുമെന്ന് ചുരുക്കം.
പുതിയ ടർബോ-പെട്രോൾ എൻജിൻ ഔട്ട് നോക്കിയാൽ 100 hp കരുത്തും 180 ന്യൂട്ടൺ മീറ്റർ ടോർക്കുമാണ് വഹനം നൽകുന്നത്. സാധാരണ ട്രൈബറിലുള്ള 72 hp കരുത്തിനെയും 96 ന്യൂട്ടൺ മീറ്റർ ടോർക്കിനെയും അപേക്ഷിച്ച് മികച്ച അപ്ഡേഷനാണ് പുതിയ എഞ്ചിൻ ഔട്ട്പുട്ടിലുള്ളത്.
നാച്ചുറലി ആസ്പിരേറ്റഡ് എൻജിനെ അപേക്ഷിച്ച്, ടർബോചാർജ്ഡ് ട്രൈബർ കൂടുതൽ വേഗതയും അല്പം കൂടി മികച്ച ഇന്ധനക്ഷമതയുള്ളതുമാണ്. സാധാരണ 1.0 ലിറ്റർ പെട്രോൾ-മാനുവൽ ട്രൈബറിന് 19.76 കിലോ മീറ്റർ മൈലേജാണ് ലഭിക്കുക. എന്നാൽ പുതിയ ടർബോ ചാർജർ വകഭേദത്തിന് 21 km/l ഇന്ധനക്ഷമത ലഭിക്കും.
പിൻഭാഗത്ത് 'ടർബോ' ബാഡ്ജ് ഉൾപ്പെടുത്തിയിട്ടുണ്ട് എന്നത് ഒഴിച്ചാൽ ഡിസൈനിന്റെ കാര്യത്തിൽ ട്രൈബർ ടർബോയിൽ കാര്യമായ മാറ്റങ്ങളൊന്നും വന്നിട്ടില്ല. ഇന്ത്യയിൽ ഇന്ന് റെനോയുടെ ഏറ്റവും കൂടുതൽ വിറ്റഴിക്കപ്പെടുന്ന മോഡലാണ് ട്രൈബർ (Triber) . കമ്പനിയുടെ പ്രതിമാസ വിൽപ്പനയുടെ പകുതിയോളം സംഭാവന ചെയ്യുന്നത് ഈ മോഡലാണ്.
