Salman Khan Birthday: ധോണിയും രാം ചരണും ബോബി ഡിയോളും ഒന്നിച്ച്; സൽമാൻ ഖാൻ്റെ പിറന്നാളാഘോഷത്തിൽ അവിശ്വസനീയ ക്രോസോവർ
Legendary Crossover In Salman Khan Birthday: സൽമാൻ ഖാൻ്റെ പിറന്നാളാഘോഷത്തിൽ വൈറലായി ആരും പ്രതീക്ഷിക്കാത്ത ക്രോസോവർ. ഈ ചിത്രങ്ങൾ പ്രചരിക്കുന്നുണ്ട്.
സൽമാൻ ഖാൻ്റെ പിറന്നാളാഘോഷത്തിലെ അവിശ്വസനീയ ക്രോസോവർ ചിത്രം വൈറൽ. പൻവേലിയിലെ തൻ്റെ ഫാം ഹൗസിൽ വച്ച് നടന്ന 60ആം പിറന്നാളാഘോഷത്തിനിടെ ധോണി, രാം ചരൺ, ബോബി ഡിയോൾ എന്നിവർക്കൊപ്പം സൽമാൻ ഖാൻ നിൽക്കുന്ന ചിത്രമാണ് വൈറലാവുന്നത്. (Image Courtesy - Social Media)
നിരവധി സെലബ്രറ്റികളാണ് സൽമാൻ ഖാൻ്റെ പിറന്നാളാഘോഷത്തിൽ പങ്കെടുക്കാനായി ഫാം ഹൗസിലെത്തിയത്. ഇതിനിടെയാണ് വളരെ ഐക്കോണിക്കായ ഈ ഫ്രെയിം പകർത്തിയത്. ലെജൻഡറി ഫ്രെയിം എന്നാണ് സമൂഹമാധ്യമങ്ങളിൽ ആരാധകർ ഇതിനെ വിശേഷിപ്പിച്ചത്.
സഞ്ജയ് ദത്ത്, കരിഷ്മ കപൂർ, ജനീലിയ ദേശ്മുഖ്, രാകുൽപ്രീത് സിംഗ് തുടങ്ങി ബോളിവുഡ് താരങ്ങളുടെ ഒരു നീണ്ട നിര തന്നെ ജന്മദിനാഘോഷത്തിനായി എത്തിയിരുന്നു. സുരക്ഷാ കാരണങ്ങളാൽ മുംബൈയിലെ ഗാലക്സി അപ്പാർട്ട്മെൻ്റിന് മുന്നിൽ താരം ആരാധകരെ കാണാനെത്തിയില്ല.
പിറന്നാളാഘോഷത്തോടനുബന്ധിച്ച് സൽമാൻ ഖാൻ്റെ പുതിയ ചിത്രമായ ബാറ്റിൽ ഓഫ് ഗൽവാൻ്റെ ടീസറും പുറത്തിറക്കി. 2020ലെ ഗൽവാൻ വാലി സംഘർഷത്തെ ആസ്പദമാക്കിയുള്ള സിനിമയാണ് ബാറ്റിൽ ഓഫ് ഗൽവാൻ. അപൂർവ ലഖിയ ആണ് ചിത്രം സംവിധാനം ചെയ്യുന്നത്.
1988ൽ ബീവി ഹോ തോ ഐസി എന്ന സിനിമയിലൂടെ അഭിനയജീവിതം ആരംഭിച്ച സൽമാൻ ഖാൻ പിന്നീട് നിരവധി ഹിറ്റ് സിനിമകളിൽ അഭിനയിച്ചു. ചില സിനിമകൾക്ക് തിരക്കഥയൊരുക്കിയിട്ടുണ്ട്. ചില സിനിമകളിൽ പാടുകയും ചെയ്ത സൽമാൻ്റെ അവസാന ചിത്രം സിക്കന്ദർ ആണ്.
