Orange Juice: ഓറഞ്ച് ജ്യൂസ് ഇനി കയ്ക്കില്ല, ഈ ടിപ്സ് പ്രയോഗിച്ച് നോക്കൂ
Orange Juice Recipe: ഏറെ ആരോഗ്യഗുണങ്ങളുള്ള പഴവർഗമാണ് ഓറഞ്ച്. ഇത് ജ്യൂസായി കുടിക്കാൻ ഇഷ്ടപ്പെട്ടുന്നവർ നിരവധിയാണ്. എന്നാൽ, കുറച്ച് സമയം കഴിയുമ്പോൾ ജ്യൂസ് കയ്ക്കുന്നത് വലിയൊരു വെല്ലുവിളിയാണ്. എന്നാൽ കയ്പില്ലാതെ രുചികരമായ ഓറഞ്ച് ജ്യൂസ് തയ്യാറാക്കാൻ സഹായിക്കുന്ന ചില വഴികളുണ്ട്.
വേനൽക്കാലത്ത് ഏറെ ഡിമാൻഡുള്ള ഒരു പാനീയമാണ് ഓറഞ്ച് ജ്യൂസ്. വിറ്റാമിൻ സി ധാരാളമായി അടങ്ങിയിട്ടുള്ളതിനാൽ ആരോഗ്യത്തിനും സൗന്ദര്യത്തിനും ഇത് ഏറെ ഗുണകരമാണ്. കൂടാതെ ഇതിലെ നാരുകൾ കൊളസ്ട്രോൾ കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു.
ഓറഞ്ച് ജ്യൂസ് തയ്യാറാക്കാനായി ആദ്യം ഓറഞ്ചിന്റെ തൊലി കളയുക. ഇതിലെ വെളുത്ത നിറത്തിലുള്ള തൊലി ഭാഗം പരമാവധി നീക്കം ചെയ്യാൻ ശ്രദ്ധിക്കണം. ജ്യൂസിന് കയ്പ്പ് വരാനുള്ള പ്രധാന കാരണം ഈ വെളുത്ത ഭാഗമാണ്.
ഓറഞ്ച് നടുവേ മുറിച്ചാൽ അതിനുള്ളിലെ കുരുക്കൾ എളുപ്പത്തിൽ നീക്കം ചെയ്യാം. വിത്തുകൾ ജ്യൂസിനൊപ്പം അരഞ്ഞുപോയാൽ കയ്പ്പ് അനുഭവപ്പെടും. അതിനാൽ എല്ലാ വിത്തുകളും ശ്രദ്ധാപൂർവ്വം മാറ്റുക.
ശേഷം മിക്സിയുടെ ജാറിലേക്ക് മാറ്റുക. ഇതിലേക്ക് പഞ്ചസാര, വെള്ളം എന്നിവ ചേർക്കുക. ഒപ്പം അര ഇഞ്ച് വലിപ്പത്തിൽ ഓറഞ്ച് നിറത്തിലുള്ള തൊലിയുടെ ഭാഗം കൂടി ചേർക്കുന്നത് ജ്യൂസിന് നല്ല മണവും രുചിയും നൽകാൻ സഹായിക്കും.
ശേഷം, നന്നായി അടിച്ചെടുത്ത ശേഷം ഒരു അരിപ്പ ഉപയോഗിച്ച് അരിച്ചെടുത്ത് ഉപയോഗിക്കാം. ഫ്രഷ് ആയി തന്നെ ജ്യൂസ് കുടിക്കാൻ ശ്രമിക്കുക, അധികനേരം വെച്ചാലും കയ്പ്പ് വരാൻ സാധ്യതയുണ്ട്. (Image Credit: Getty Images)
