Usha Uthup: ‘ഒന്നര കോടി രൂപയുടെ കാഞ്ചിപുരം സാരി’? പത്മഭൂഷൺ പുരസ്കാരം സ്വീകരിക്കാൻ പോയപ്പോഴാണ് അത് ധരിച്ചതെന്ന് ഉഷ ഉതുപ്പ്
Usha Uthup On Her Most Expensive Sarees:ഗലാട്ട തമിഴ് ഡോട്ട് കോമിന് നൽകിയ അഭിമുഖത്തിലായിരുന്നു ഗായികയുടെ പ്രതികരണം.ഉഷ ഉതുപ്പിന്റെ കൈവശം ഒന്നര കോടി രൂപയുടെ കാഞ്ചിപുരം സാരികൾ ഉണ്ടോ എന്നാണ് അവതാരകൻറെ ചോദ്യം
ശബ്ദ ഗാംഭീര്യം കൊണ്ട് സംഗീത ലോകത്തെ വിസ്മയിപ്പിച്ച ഗായികയാണ് ഉഷ ഉതുപ്പ്. കടുംനിറത്തിലുള്ള സാരിയും വലിയ പൊട്ടും തലയിലെ മുല്ലപ്പൂവും, ഡ്രസ്സിങും ഒക്കെ മറ്റുള്ളവരിൽ നിന്ന് ഉഷയെ വ്യത്യസ്തയാക്കുന്നു. ഇതില്ലാത്ത ഉഷ ഉതുപ്പിനെ കണ്ടിട്ടുമില്ല സങ്കല്പ്പിക്കാനും കഴിയില്ല. (image credits:facebook)
പലപ്പോഴും താരം തന്റെ സാരി ശേഖരണത്തെ കുറിച്ചും വസ്ത്രധാരണ ശൈലിയെ കുറിച്ചും വാചാലയായിട്ടുണ്ട്. ഇപ്പോഴിതാ തന്റെ സാരിയെ കുറിച്ച താരം പറയുന്ന വീഡിയോ ആണ് സോഷ്യൽ മീഡിയയിൽ വൈറലാകുന്നത്.
ഗലാട്ട തമിഴ് ഡോട്ട് കോമിന് നൽകിയ അഭിമുഖത്തിലായിരുന്നു ഗായികയുടെ പ്രതികരണം.ഉഷ ഉതുപ്പിന്റെ കൈവശം ഒന്നര കോടി രൂപയുടെ കാഞ്ചിപുരം സാരികൾ ഉണ്ടെന്ന് കേട്ടു.
ഇതിൽ സത്യമുണ്ടോ എന്നാണ് അവതാരകന്റെ ചോദ്യം. ഇതിനു ഗായിക നൽകിയ മറുപടി ഇങ്ങനെയാണ്. ഒന്നരക്കോടി രൂപയുടെ സാരി പോയിട്ട് താൻ ഒന്നരക്കോടി രൂപ തികച്ചു കണ്ടിട്ടുപോലുമില്ലെന്ന് ഗായിക പറഞ്ഞു.
ഇതിനു പുറമെ താൻ ഇതുവരെ ധരിച്ചതിൽ ഏറ്റവും വില കൂടിയ സാരിയെക്കുറിച്ചും ഗായിക സംസാരിച്ചു. കഴിഞ്ഞ വർഷം പത്മഭൂഷൺ പുരസ്കാരം സ്വീകരിക്കാൻ പോയ വേളയിലാണ് താൻ ഇതുവരെ ധരിച്ചതിൽ ഏറ്റവും വിലകൂടിയ സാരി ധരിച്ചത്. 85,000 രൂപയായിരുന്നു ആ സാരിയുടെ വില എന്നും ഗായിക കൂട്ടിച്ചേർത്തു.
