Suresh Raina: ‘കളിച്ചിരുന്നെങ്കില് ഞങ്ങളും പാകിസ്ഥാനെ തോല്പ്പിക്കുമായിരുന്നു, എന്നാല്…’; സുരേഷ് റെയ്ന പറയുന്നു
Suresh Raina WCL: കളിച്ചിരുന്നെങ്കില് ഇന്ത്യ ചാമ്പ്യന്സ് പാകിസ്ഥാന് ചാമ്പ്യന്സിനെ തോല്പ്പിക്കുമായിരുന്നുവെന്ന് സുരേഷ് റെയ്ന. പക്ഷേ, മറ്റെല്ലാറ്റിനുമുപരിയായി രാജ്യത്തിനാണ് പ്രാധാന്യം കൊടുത്തതെന്നും റെയ്ന
ലെജന്സ്ഡ് ചാമ്പ്യന്ഷിപ്പില് കളിച്ചിരുന്നെങ്കില് ഇന്ത്യ ചാമ്പ്യന്സ് പാകിസ്ഥാന് ചാമ്പ്യന്സിനെ തോല്പ്പിക്കുമായിരുന്നുവെന്ന് സുരേഷ് റെയ്ന. പക്ഷേ, മറ്റെല്ലാറ്റിനുമുപരിയായി രാജ്യത്തിനാണ് പ്രാധാന്യം കൊടുത്തതെന്നും റെയ്ന പറഞ്ഞു (Image Credits: PTI)
പാകിസ്ഥാന് ചാമ്പ്യന്സിനെതിരായ ഗ്രൂപ്പ്, സെമി ഫൈനല് മത്സരങ്ങളില് നിന്ന് ഇന്ത്യ ചാമ്പ്യന്സ് വിട്ടുനിന്നിരുന്നു. ഇതിനെക്കുറിച്ച് പ്രതികരിക്കുകയായിരുന്നു റെയ്ന (Image Credits: PTI)
ടൂര്ണമെന്റിന്റെ പ്രധാന സ്പോണ്സര്മാരില് ഒന്നായ ഈസ് മൈ ട്രിപ്പും വിട്ടുനിന്നിരുന്നു. ഈസ് മൈ ട്രിപ്പിന്റെ നിലപാടിനെയും റെയ്ന പ്രശംസിച്ചു. ഈസ് മൈ ട്രിപ്പിനോട് ബഹുമാനം തോന്നുന്നുവെന്നാണ് റെയ്ന പറഞ്ഞത് (Image Credits: PTI)
ഫൈനലില് പാകിസ്ഥാന് ചാമ്പ്യന്സിനെ തോല്പ്പിച്ച് ദക്ഷിണാഫ്രിക്ക ചാമ്പ്യന്സ് ജേതാക്കളായിരുന്നു. ദക്ഷിണാഫ്രിക്കന് ചാമ്പ്യന്സിനെയും ഫൈനലില് സെഞ്ചുറി നേടിയ എബി ഡി വില്ലിയേഴ്സിനെയും അഭിനന്ദിച്ച് ട്വിറ്ററില് പങ്കുവച്ച കുറിപ്പിലാണ് റെയ്ന നിലപാട് വ്യക്തമാക്കിയത് (Image Credits: PTI)
തകര്പ്പന് പ്രകടനമാണ് ഡി വില്ലിയേഴ്സ് പുറത്തെടുത്തതെന്നും റെയ്ന കുറിച്ചു. ആദ്യം ബാറ്റ് ചെയ്ത പാകിസ്ഥാൻ ചാമ്പ്യന്സ് 20 ഓവറിൽ അഞ്ച് വിക്കറ്റ് നഷ്ടത്തില് 195 റണ്സെടുത്തു. 16.5 ഓവറില് ഒരു വിക്കറ്റ് നഷ്ടത്തില് ദക്ഷിണാഫ്രിക്ക ചാമ്പ്യന്സ് വിജയിച്ചു (Image Credits: PTI)
