Wayanad Summer Trip: കേരളത്തിന്റെ ഗ്രീന് പാരഡൈസ് കണ്ടിട്ടുണ്ടോ? ഇതുകാണാതെ എങ്ങോട്ട് പോണൂ
Plan a Perfect Wayanad Trip Must See Spots in Kerala Green Paradise: വേനല് അവധി തുടങ്ങിയതോടെ സഞ്ചാരികളുടെ തിരക്കും വര്ധിച്ചു. വയനാട്ടിലേക്ക് ഇഷ്ടം പോലെ ആളുകള് എത്തുന്നുണ്ടെങ്കിലും, വയനാട് മുഴുവനായി ആരെല്ലാം കണ്ടു എന്ന് ചോദിച്ചാല് ഉത്തരമുണ്ടാകില്ല.
കേരളത്തിന്റെ ഗ്രീന് പാരഡൈസ് എന്നറിയപ്പെടുന്ന സ്ഥലമാണ് വയനാട്. സംസ്ഥാനത്തിന്റെ പലഭാഗങ്ങളില് നിന്ന് വയനാടിന്റെ ഭംഗി ആസ്വദിക്കാനായി ധാരാളം ആളുകള് യാത്ര ചെയ്യുന്നു. വേനല് അവധി തുടങ്ങിയതോടെ സഞ്ചാരികളുടെ തിരക്കും വര്ധിച്ചു. വയനാട്ടിലേക്ക് ഇഷ്ടംപോലെ ആളുകള് എത്തുന്നുണ്ടെങ്കിലും, വയനാട് മുഴുവനായി ആരെല്ലാം കണ്ടു എന്ന് ചോദിച്ചാല് ഉത്തരമുണ്ടാകില്ല. (Image Credit Source : Getty Images)
വയനാട്ടില് പോയാല് കണ്ടിരിക്കേണ്ട സ്ഥലങ്ങളിലൊന്നാണ് നീലിമല വ്യൂ പോയിന്റ്. ട്രെക്കിങ്, മനോഹരമായ പ്രകൃതിഭംഗി ആസ്വദിക്കാനും ഇവിടേക്കെത്താം. മീന്മുട്ടി വെള്ളച്ചാട്ടവും ഇവിടെ നിന്ന് കാണാനാകുന്നതാണ്. ഇഞ്ചിപ്പാടങ്ങളും കാപ്പിത്തോട്ടങ്ങളുമാണ് ഇവിടുത്തെ പ്രത്യേകത.
ബാണാസുര സാഗര് ഡാം മാത്രം കണ്ടുമടങ്ങിയാല് പോരാ, കാരാപ്പുഴ ഡാമും കാണണം. രാജ്യത്തെ ഏറ്റവും വലിയ മണ് നിര്മിതമായ അണക്കെട്ടുകളില് ഒന്നാണ് കാരാപ്പുഴ. ഇവിടെ എത്തിയാല് അഡൈ്വഞ്ചര് ആക്ടിവിറ്റികളിലും നിങ്ങള്ക്ക് ഏര്പ്പെടാം.
ചേതലയം വെള്ളച്ചാട്ടം കണ്ടിട്ടുണ്ടോ നിങ്ങള്? ഇല്ലെങ്കില് അതും കണ്ടേതീരൂ. സൂചിപ്പാറ ഇത്തവണ കാണേണ്ടാ, വെള്ളച്ചാട്ടം കാണാന് ചേതലയത്തിലേക്ക് പോകാം. വലിയ തിരക്കില്ലാതെ പക്ഷികളെ നിരീക്ഷിക്കാനും പ്രകൃതിഭംഗി ആസ്വദിക്കാനും ഇവിടെ സാധിക്കും. ചെറിയ വെള്ളച്ചാട്ടത്തിന്റെ ഭംഗിയാണ് മുഖ്യ ആകര്ഷണം.
സുല്ത്താന് ബത്തേരിക്ക് സമീപമുള്ള പ്രദേശമാണ് കൊളഗപ്പാറ. ആനയുടെ ആകൃതിയിലുള്ള പാറയാണിത്. രാവിലെയും വൈകുന്നേരവും ഹൈക്കിങ് നടത്താം. ഇതിന് മുകളിലെത്തിയാല് 360 ഡജിഗ്രി ദൃശ്യം കാണാനുമാകും. മറ്റ് ട്രെക്കിങ് സ്പോട്ടുകളെ പോലെ അതിസാഹസികത പ്രതീക്ഷിക്കരുത്.
