Health Tips: ദിവസവും ഉള്ളി പച്ചയ്ക്ക് കഴിച്ചാൽ ശരീരത്തിന് സംഭവിക്കുന്നത് എന്ത്?
Raw Onions Benefits: സവാളയിൽ അടങ്ങിയിരിക്കുന്ന ആൻ്റി ഓക്സിഡൻ്റുകൾ ആരോഗ്യത്തിന് ഏറെ നല്ലതാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ പച്ച ഉള്ളിക്ക് കഴിയും. പ്രമേഹം അല്ലെങ്കിൽ പ്രീ ഡയബറ്റീസ് കുറയ്ക്കാൻ സവാള ദിവസവും കഴിക്കാവുന്നതാണ്.
കറിയിലാണെങ്കിലും സവാള കഴിക്കാൻ മടിയുള്ളവർ നമുക്കിടയിലുണ്ട്. എന്നാൽ അവയുടെ രുചിയ്ക്ക് പകരം വയ്ക്കാൻ മറ്റൊന്നില്ല താനും. എന്നാൽ സവാള പച്ചയ്ക്ക് കഴിച്ചാലുള്ള ഗുണങ്ങളെപ്പറ്റി നിങ്ങൾക്കറിയാമോ?
സവാളയിൽ അടങ്ങിയിരിക്കുന്ന ആൻ്റി ഓക്സിഡൻ്റുകൾ ആരോഗ്യത്തിന് ഏറെ നല്ലതാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ പച്ച ഉള്ളിക്ക് കഴിയും. പ്രമേഹം അല്ലെങ്കിൽ പ്രീ ഡയബറ്റീസ് കുറയ്ക്കാൻ സവാള ദിവസവും കഴിക്കാവുന്നതാണ്.
പച്ച ഉള്ളിയിലെ ശക്തമായ ആൻ്റി ഓക്സിഡൻ്റ് ചീത്ത കൊളസ്ട്രോൾ കുറയ്ക്കാൻ സഹായിക്കും. മാത്രമല്ല ഇതിലുള്ള ഫ്ലേവനോയിഡ് എന്ന ആൻ്റി ഓക്സിഡൻ്റും കൊളസ്ട്രോൾ കുറയ്ക്കാൻ ഏറെ ഗുണകരമായി കണക്കാക്കുന്നു.
മറ്റ് പോഷകങ്ങൾക്കൊപ്പം പച്ച ഉള്ളിയിൽ നാരുകളും അടങ്ങിയിട്ടുണ്ട്. കുടലിന്റെ ആരോഗ്യത്തിന് ആവശ്യമായ നാരുകളുടെയും പ്രീബയോട്ടിക്കുകളുടെയും മികച്ച ഉറവിടമായി ഉള്ളിയെ കണക്കാക്കുന്നു.
ആരോഗ്യത്തിന് ഏറെ നല്ലതായ സവാള ദഹനം മെച്ചപ്പെടുത്താൻ ഏറെ സഹായിക്കുന്ന ഒന്നാണ്. പച്ചയായി തന്നെ ഉള്ളി കഴിക്കുന്നത് ശരീരത്തിലെ ദഹനം മെച്ചപ്പെടുത്തി മലബന്ധം ഇല്ലാതാക്കുന്നു.
