Beauty Parlor Stroke Syndrome: ബ്യൂട്ടിപാർലർ സ്ട്രോക്ക് സിൻഡ്രോം എന്താണ്? ഇവയാണ് ലക്ഷണങ്ങൾ
Beauty Parlor Stroke Syndrome: 1992 ലാണ് ബ്യൂട്ടിപാർലർ സ്ട്രോക്ക് സിൻഡ്രോമിന്റെ ആദ്യ കേസ് കണ്ടെത്തുന്നത്.ബ്രെയിനിലേക്ക് രക്തം പ്രവഹിക്കുന്നത് കഴുത്തിലെ നാല് രക്തക്കുഴലുകളാണ് പ്രധാനമായും. മുമ്പിലുള്ള രക്തക്കുഴലുകളെ കരോട്ടിക് ആർട്ടറീസ് എന്നും പുറകിലുള്ളവയെ വെർട്ടിബ്രൽ ആർട്ടറീസ് എന്നും വിളിക്കുന്നു.
സലൂണിൽ മുടിവെട്ടുന്നയാൾ തല മസാജ് ചെയ്തതോടെ യുവാവിന് മസ്തിഷ്ക മരണം സംഭവിച്ച വാർത്തയാണ് ഇപ്പോൾ സമൂഹ മാധ്യമങ്ങളിലെ ചർച്ചാവിഷയം. വൈറ്റ് ഫീൽഡിലുള്ള സലൂണിൽ മുടി വെട്ടാനെത്തിയ ബല്ലാരി സ്വദേശിയായ മുപ്പതുകാരനാണ് മരണത്തിന് കീഴടങ്ങിയത്. മുടിവെട്ടിയയാൾ മസാജ് ചെയ്യുന്നതിനിടെ കഴുത്ത് പിടിച്ച് ബലമായി വെട്ടിക്കുകയായിരുന്നുവെന്നാണ് പുറത്ത് വരുന്ന റിപ്പോർട്ടുകൾ. (Image Credits: Gettyimages)
വീട്ടിലെത്തി കഴിഞ്ഞ് മണിക്കൂറുകൾക്കുള്ളിൽ യുവാവിന്റെ സംസാരശേഷി നഷ്ടപ്പെട്ടു. പിന്നീട് ഇടതുവശത്ത് തളർച്ച അനുഭവപ്പെട്ടതായാണ് റിപ്പോർട്ടുകൾ. നേരത്തേ ഹെയർവാഷിനായി ബ്യൂട്ടിപാർലറിൽ എത്തിയ അമ്പതുകാരിക്കും സമാനമായ അവസ്ഥ കണ്ടെത്തിയിരുന്നു. 'ബ്യൂട്ടിപാർലർ സ്ട്രോക്ക് സിൻഡ്രോം' എന്നാണ് ഈ അവസ്ഥ അറിയപ്പെടുന്നത്. (Image Credits: Gettyimages)
1992 ലാണ് ബ്യൂട്ടിപാർലർ സ്ട്രോക്ക് സിൻഡ്രോമിന്റെ ആദ്യ കേസ് കണ്ടെത്തുന്നത്. തല ഒരു പ്രത്യേക ബേസിനിലേക്ക് കിടത്തിയ ശേഷമാണ് ബ്യൂട്ടിപാർലറുകളിൽ തല കഴുകുന്നത്. ഈ ബേസിനിൽ കിടക്കുമ്പോൾ കഴുത്തിന്റെ പുറകിലുള്ള ഒരു പ്രധാന രക്തകുഴൽ അമർന്ന് പോകുന്നതാണ് ഈ അവസ്ഥയ്ക്ക് കാരണമാകുന്നതെന്നാണ് പറയപ്പെടുന്നത്.(Image Credits: Gettyimages)
തലച്ചോറുമായി നേരിട്ട് ബന്ധിപ്പിക്കുന്ന രക്തക്കുഴലാണ് ഇത്തരത്തിൽ അമരുന്നത്. അതാണ് ഈ അവസ്ഥയ്ക്ക് കാരണമാകുന്നത്. ബ്രെയിനിലേക്ക് രക്തം പ്രവഹിക്കുന്നത് കഴുത്തിലെ നാല് രക്തക്കുഴലുകളാണ് പ്രധാനമായും. മുമ്പിലുള്ള രക്തക്കുഴലുകളെ കരോട്ടിക് ആർട്ടറീസ് എന്നും പുറകിലുള്ളവയെ വെർട്ടിബ്രൽ ആർട്ടറീസ് എന്നും വിളിക്കുന്നു. (Image Credits: Gettyimages)
തലകറക്കം അനുഭവപ്പെടുക, ഛർദി, കഴുത്തിന് വേദന ഉണ്ടാവുക, സംസാരിക്കുമ്പോൾ വ്യക്തമാവാതിരിക്കുക, കാഴ്ച മങ്ങുക, ഒരുവശം തരിപ്പ് അനുഭവപ്പെടുക, ബാലൻസ് നഷ്ടപ്പെടുക, കഴുത്തിൽ വേദന എന്നിവയാണ് ബ്യൂട്ടിപാർലർ സ്ട്രോക്ക് സിൻഡ്രോമിൻ്റെ പ്രധാന ലക്ഷണങ്ങളായി കണ്ടെത്തിയിരിക്കുന്നത്. (Image Credits: Gettyimages)
