CSK IPL 2026: ചെന്നൈയ്ക്ക് ഇനി ഡബിള് എഞ്ചിന് പവര്; ധോണിയും ജോണ്സണുമെത്തുന്നു; ക്ലിക്കാകേണ്ടത് റുതു മാത്രം
MS Dhoni and Spencer Johnson likely to join CSK soon: സിഎസ്കെയെ കൂടുതല് സന്തോഷവാര്ത്തകളാണ് തേടിയെത്തുന്നത്. മുന് ക്യാപ്റ്റന് എംഎസ് ധോണി പരിക്കുമാറി ഉടന് തിരിച്ചെത്തുമെന്നാണ് റിപ്പോര്ട്ട്. താരം ഏറെക്കുറെ ഫിറ്റ്നസ് വീണ്ടെടുത്തു. സ്പെണ്സര് ജോണ്സണും ഉടന് ടീമിനൊപ്പം ചേരും. ഏപ്രില് 23-ന് മുമ്പ് ജോണ്സണ് ടീമിന്റെ ഭാഗമാകും.
എംഎസ് ധോണി
Chennai Super Kings: ആദ്യ മൂന്ന് മത്സരങ്ങളിലും തോല്വി രുചിച്ചെങ്കിലും, കഴിഞ്ഞ രണ്ട് മത്സരങ്ങളില് നേടിയ തകര്പ്പന് വിജയങ്ങളോടെ ഐപിഎല് 2026-ല് ശക്തമായ തിരിച്ചുവരവ് നടത്തിയിരിക്കുകയാണ് ചെന്നൈ സൂപ്പര് കിങ്സ്. ബാറ്റിങിലും ബൗളിങിലും ടീം ഒരുവിധം സന്തുലിതമാണ്. സഞ്ജു സാംസണ്, ഡെവാള്ഡ് ബ്രെവിസ്, ആയുഷ് മാത്രെ, സര്ഫറാസ് ഖാന് തുടങ്ങിയ ബാറ്റര്മാരും, അന്ഷുല് കാംബോജ്, ജാമി ഒവര്ട്ടണ്, നൂര് അഹമ്മദ് തുടങ്ങിയ ബൗളര്മാരും മികച്ച പ്രകടനമാണ് കാഴ്ചവയ്ക്കുന്നത്. ക്യാപ്റ്റന് റുതുരാജ് ഗെയ്ക്വാദിന്റെ മോശം ഫോം മാത്രമാണ് ആശങ്ക.
ഇപ്പോഴിതാ, സിഎസ്കെയെ കൂടുതല് സന്തോഷവാര്ത്തകളാണ് തേടിയെത്തുന്നത്. മുന് ക്യാപ്റ്റന് എംഎസ് ധോണി പരിക്കുമാറി ഉടന് തിരിച്ചെത്തുമെന്നാണ് റിപ്പോര്ട്ട്. താരം ഏറെക്കുറെ ഫിറ്റ്നസ് വീണ്ടെടുത്തു.
ധോണിയുടെ തിരിച്ചുവരവിന്റെ കാര്യത്തില് നാളെ അന്തിമതീരുമാനമെടുക്കുമെന്നാണ് റെവ്സ്പോര്ട്സ് റിപ്പോര്ട്ട് ചെയ്തത്. ഏപ്രില് 18-ന് സണ്റൈസേഴ്സ് ഹൈദരാബാദിനെതിരെ നടക്കുന്ന മത്സരത്തില് ധോണി കളിക്കാന് സാധ്യതയുണ്ട്.
Also Read: Sanju Samson: വീഡിയോയില് സഞ്ജു എവിടെ? കലിപ്പില് ആരാധകര്; ഐപിഎല് പേജില് പൊങ്കാല
സ്പെണ്സര് ജോണ്സണും വരുന്നു
പരിക്കേറ്റ നഥാന് എല്ലിസിന് പകരം ചെന്നൈ ടീമിലെത്തിച്ച ഓസീസ് പേസര് സ്പെണ്സര് ജോണ്സണും ഉടന് ടീമിനൊപ്പം ചേരും. ഏപ്രില് 23-ന് മുമ്പ് ജോണ്സണ് ടീമിന്റെ ഭാഗമാകും.
റുതുരാജ് ആശങ്ക
ക്യാപ്റ്റന് റുതുരാജ് ഗെയ്ക്വാദ് മോശം ഫോം തുടരുന്നത് ചെന്നൈയ്ക്ക് കനത്ത തിരിച്ചടിയാണ്. അഞ്ച് മത്സരങ്ങള് പിന്നിട്ടിട്ടും ഒരു അര്ധ സെഞ്ചുറി പോലും നേടാന് ഓപ്പണര് കൂടിയായ റുതുരാജിന് സാധിച്ചിട്ടില്ല. കൊല്ക്കത്ത നൈറ്റ് റൈഡേഴ്സിനെതിരെ നടന്ന മത്സരത്തില് വെറും ഏഴു റണ്സിനാണ് റുതുരാജ് പുറത്തായത്.
