IPL 2026: സഞ്ജുവിന്റെ ചെന്നൈയ്ക്ക് 42.7% സാധ്യത; മൂന്ന് ടീമുകള് തൊട്ടടുത്ത്; ഐപിഎല്ലില് ‘പ്ലേ ഓഫ്’ പരീക്ഷ
IPL 2026 Points Table Analysis: മുംബൈ ഇന്ത്യന്സും, ലഖ്നൗ സൂപ്പര് ജയന്റ്സും ഒഴികെയുള്ള ടീമുകള്ക്കെല്ലാം പ്ലേ ഓഫില് പ്രവേശിക്കാന് സാധ്യതകളുണ്ട്. റോയല് ചലഞ്ചേഴ്സ് ബെംഗളൂരു, ഗുജറാത്ത് ടൈറ്റന്സ്, സണ്റൈസേഴ്സ് ഹൈദരാബാദ്, പഞ്ചാബ് കിങ്സ് എന്നീ ടീമുകള് പ്ലേ ഓഫിന് തൊട്ടടുത്താണ്.
ഇന്ത്യന് പ്രീമിയര് ലീഗ് 2026 പ്ലേ ഓഫ് സാധ്യതകള്
IPL Playoffs Scenarios: ഐപിഎല്ലില് പ്ലേ ഓഫില് ഇടം നേടുന്നതിനുള്ള പോരാട്ടം ചൂടുപിടിക്കുന്നു. പുറത്തായ മുംബൈ ഇന്ത്യന്സും, ലഖ്നൗ സൂപ്പര് ജയന്റ്സും ഒഴികെയുള്ള ടീമുകള്ക്കെല്ലാം പ്ലേ ഓഫില് പ്രവേശിക്കാന് സാധ്യതകളുണ്ട്. ഇതില് നിലവിലെ ജേതാക്കളായ റോയല് ചലഞ്ചേഴ്സ് ബെംഗളൂരു, ഗുജറാത്ത് ടൈറ്റന്സ്, സണ്റൈസേഴ്സ് ഹൈദരാബാദ്, പഞ്ചാബ് കിങ്സ് എന്നീ ടീമുകള് പ്ലേ ഓഫിന് തൊട്ടടുത്താണ്. സഞ്ജു സാംസന്റെ ചെന്നൈ സൂപ്പര് കിങ്സും, രാജസ്ഥാന് റോയല്സും കുറച്ചു കഠിനാധ്വാനം ചെയ്യേണ്ടി വരും. ഡല്ഹി ക്യാപിറ്റല്സിനും, കൊല്ക്കത്ത നൈറ്റ് റൈഡേഴ്സിനും നേരിയ സാധ്യത മാത്രമാണുള്ളത്.
16 പോയിന്റാണ് സാധാരണയായി പ്ലേഓഫ് ഉറപ്പാക്കാനുള്ള ‘മാന്ത്രിക സംഖ്യ’യായി കണക്കാക്കുന്നത്. 2022-ൽ ആർസിബിയും, 2023-ലും 2025-ലും മുംബൈ ഇന്ത്യൻസും 16 പോയിന്റോടെയാണ് നാലാം സ്ഥാനക്കാരായി പ്ലേഓഫിൽ കടന്നത്. 2024-ൽ നാല് ടീമുകൾ 14 പോയിന്റിൽ എത്തിയപ്പോൾ മികച്ച നെറ്റ് റൺറേറ്റിന്റെ കരുത്തിൽ ആർസിബി യോഗ്യത നേടിയിരുന്നു. എന്നാല് ഇത്തവണ വാശിയേറിയ പോരാട്ടം നടക്കുന്നതിനാല് 14 പോയിന്റുള്ള ടീം പ്ലേ ഓഫില് പ്രവേശിക്കാനുള്ള സാധ്യത കുറവാണ്.
നിലവിൽ ഗുജറാത്ത് ടൈറ്റന്സ്, റോയല് ചലഞ്ചേഴ്സ് ബെംഗളൂരു, സണ്റൈസേഴ്സ് ഹൈദരാബാദ് എന്നീ ടീമുകൾക്ക് പ്ലേഓഫിൽ എത്താൻ 80 ശതമാനത്തിലേറെ സാധ്യതയുണ്ടെന്നാണ് ഐപിഎൽ ഔദ്യോഗിക ബ്രോഡ്കാസ്റ്റർമാരുടെ വിലയിരുത്തല്.
എത്ര ശതമാനം സാധ്യത?
പഞ്ചാബ് കിങ്സിന് 62.5 ശതമാനവും, സിഎസ്കെയ്ക്ക് 42.7 ശതമാനവും, രാജസ്ഥാൻ റോയൽസിന് 41.8 ശതമാനവുമാണ് സാധ്യത. കൊൽക്കത്ത നൈറ്റ് റൈഡേഴ്സ് (11.6%), ഡൽഹി ക്യാപിറ്റല്സ് (1.2%) എന്നിവരുടെ വഴി കടുപ്പമാണ്.
നിലവിലെ പോയിന്റ് ടേബിള് ഇങ്ങനെ
| ടീം | മത്സരം | വിജയിച്ചത് | തോറ്റത് | റണ് റേറ്റ് | പോയിന്റ് |
| ആര്സിബി | 11 | 7 | 4 | +1.103 | 14 |
| എസ്ആര്എച്ച് | 11 | 7 | 4 | +0.737 | 14 |
| ജിടി | 11 | 7 | 4 | +0.228 | 14 |
| പിബികെഎസ് | 11 | 6 | 4 | +0.428 | 13 |
| സിഎസ്കെ | 11 | 6 | 5 | +0.185 | 12 |
| ആര്ആര് | 11 | 6 | 5 | +0.082 | 12 |
| ഡിസി | 12 | 5 | 7 | -0.993 | 10 |
| കെകെആര് | 10 | 4 | 5 | -0.169 | 9 |
| എംഐ | 11 | 3 | 8 | -0.585 | 6 |
| എല്എസ്ജി | 11 | 3 | 8 | -0.907 | 6 |
പോയിന്റ് അടിസ്ഥാനത്തിൽ ആദ്യ നാല് സ്ഥാനങ്ങളിൽ ഇടം നേടാനുള്ള സാധ്യത ആർസിബിക്ക് 88.4% ആണ്. ആദ്യ രണ്ട് സ്ഥാനങ്ങളിൽ ഇടം നേടാനുള്ള സാധ്യത 59.4% ആണ്. എസ്ആര്എച്ച് ആദ്യ നാലിൽ എത്താനുള്ള സാധ്യത 88.1% ആണ്. ആദ്യ രണ്ടിൽ എത്താനുള്ള സാധ്യത 59% ആണ്. ഗുജറാത്ത് ടൈറ്റന്സ് ആദ്യ നാലിലെത്താന് 88.2 ശതമാനമുണ്ട്.
ഡല്ഹി ക്യാപിറ്റല്സിനെതിരായ തോല്വി പിബികെഎസിന്റെ പോയിന്റ് പട്ടികയിൽ ആദ്യ നാല് സ്ഥാനങ്ങളിൽ എത്താനുള്ള സാധ്യത 62.5% ആയി കുറച്ചു. ആദ്യ രണ്ട് സ്ഥാനങ്ങളിൽ എത്താനുള്ള സാധ്യത അവർക്ക് 28.2% മാത്രമേയുള്ളൂ. ചെന്നൈയ്ക്ക് 42.7 ശതമാനം സാധ്യതയുണ്ട്. എന്നാല് വെറും 22 ശതമാനമാണ് ആദ്യ രണ്ടിലെത്താനുള്ള സാധ്യത.
ആദ്യ നാലിലെത്താന് രാജസ്ഥാന് 41.8% സാധ്യതയുണ്ട്. 18.5% മാത്രമാണ് ആദ്യ രണ്ടിലെത്താനുള്ള സാധ്യത. അവസാന നാലിൽ ഇടം നേടാൻ കെകെആറിന് 11.6% സാധ്യത മാത്രമേയുള്ളൂ. ആദ്യ രണ്ട് സ്ഥാനങ്ങളിൽ എത്താനുള്ള സാധ്യത 3.7% മാത്രമാണ്. പ്ലേ ഓഫിലെത്താന് വെറും 1.2% ആണ് ഡല്ഹിയുടെ സാധ്യത. ആദ്യ രണ്ടിലെത്താന് സാധ്യതയില്ല.
English Summary
The IPL 2026 playoff race is currently wide open. GT, RCB, and SRH hold the highest qualification chances. CSK and RR are fighting to reach 16 points. PBKS faces pressure after a tough loss to Delhi.
