Lionel Messi: ലയണല് മെസിയുടെ ആസ്തിയെത്ര? കണ്ണുതള്ളും വരുമാനമാണ് ആരാധകരേ…
Lionel Messi Retires From Argentina: Net Worth, Career and Major Achievements: രണ്ട് പതിറ്റാണ്ടിലേറെ നീണ്ട യാത്ര അവസാനിപ്പിച്ചുകൊണ്ടായിരുന്നു താരത്തിന്റെ ഈ പ്രഖ്യാപനം. ഇനി മെസിയുടെ ജീവിതം എങ്ങനെയായിരിക്കും അദ്ദേഹത്തിന് എവിടെ നിന്ന് വരുമാനം ലഭിക്കും എന്ന കാര്യത്തിലെല്ലാമാണ് ഇപ്പോള് ആരാധകര്ക്ക് സംശയം. എന്നാല് അത്ര ചെറിയ സമ്പത്തുള്ള ആളല്ല ലയണല് മെസി, നിങ്ങള് ചിന്തിക്കുന്നതിലും അപ്പുറമാണ് അദ്ദേഹത്തിന്റെ സമ്പത്ത്.
തന്റെ 39ാം വയസില് അന്താരാഷ്ട്ര ഫുട്ബോളില് നിന്ന് വിരമിക്കല് പ്രഖ്യാപിച്ചിരിക്കുകയാണ് ലയണല് മെസി. അര്ജന്റീന ദേശീയ ടീമിന്റെ തന്നെ ചരിത്രത്തിലെ ഏറ്റവും മികച്ച കാലയളവിന് വിരാമമിട്ടുകൊണ്ടാണ് അദ്ദേഹത്തിന്റെ പടിയിറക്കം. തന്റെ ഇന്സ്റ്റഗ്രാം പോസ്റ്റിലൂടെയാണ് മെസി വിരമിക്കല് കാര്യം പ്രഖ്യാപിച്ചത്. രണ്ട് പതിറ്റാണ്ടിലേറെ നീണ്ട യാത്ര അവസാനിപ്പിച്ചുകൊണ്ടായിരുന്നു താരത്തിന്റെ ഈ പ്രഖ്യാപനം. ഇനി മെസിയുടെ ജീവിതം എങ്ങനെയായിരിക്കും അദ്ദേഹത്തിന് എവിടെ നിന്ന് വരുമാനം ലഭിക്കും എന്ന കാര്യത്തിലെല്ലാമാണ് ഇപ്പോള് ആരാധകര്ക്ക് സംശയം. എന്നാല് അത്ര ചെറിയ സമ്പത്തുള്ള ആളല്ല ലയണല് മെസി, നിങ്ങള് ചിന്തിക്കുന്നതിലും അപ്പുറമാണ് അദ്ദേഹത്തിന്റെ സമ്പത്ത്.
റെക്കോഡുകള് സ്വന്തമാക്കി യാത്ര
ദേശീയ ടീമിനായി 207 മത്സരങ്ങള് കളിച്ച മെസി 125 ഗോളുകളാണ് നേടിയത്. അര്ജന്റീനയുടെ ചരിത്രത്തില് ഏറ്റവും കൂടുതല് മത്സരങ്ങള് കളിച്ച താരവും ഏറ്റവും കൂടുതല് ഗോളുകള് നേടിയ താരവും മെസിയാണ് എന്നതാണ് പ്രത്യേകത. രണ്ട് പതിറ്റാണ്ടിലേറെ നീണ്ട യാത്രയില് ലോകകപ്പ്, കോപ്പ അമേരിക്ക തുടങ്ങിയ പ്രധാന കിരീടങ്ങള് സ്വന്തമാക്കാനും അദ്ദേഹത്തിന് സാധിച്ചു.
2021ല് ബ്രസീലിനെ തോല്പ്പിച്ച് കോപ്പ അമേരിക്ക കിരീടം നേടിയ അര്ജന്റീന ടീമിന്റെ പ്രധാന താരമായിരുന്നു മെസി. 2022ല് ഖത്തറില് നടന്ന ഫിഫ ലോകകപ്പില് ഫ്രാന്സിനെ തോല്പ്പിച്ച് അര്ജന്റീന കിരീടം നേടിയപ്പോഴും മെസി നിര്ണായക പങ്കുവഹിച്ചു. ഫൈനലില് രണ്ട് ഗോളുകള് നേടിയ അദ്ദേഹം ടൂര്ണമെന്റിലെ മികച്ച താരത്തിനുള്ള ഗോള്ഡന് ബോള് പുരസ്കാരവും സ്വന്തമാക്കിയിരുന്നു.
ആറ് ലോകകപ്പുകളില്
മെസിയുടെ ലോകകപ്പ് യാത്രയും ശ്രദ്ധേയമാണ്. 2006ല് ആദ്യമായി ലോകകപ്പില് കളിച്ച താരം പിന്നീട് ആറ് ലോകകപ്പ് സീസണുകളില് അര്ജന്റീനയെ പ്രതിനിധീകരിച്ചു. 2014ലെ ലോകകപ്പില് അര്ജന്റീനയെ ഫൈനലിലെത്തിച്ചെങ്കിലും ജര്മനിയോട് പരാജയപ്പെടുകയായിരുന്നു. 2022ല് ലോകകപ്പ് കിരീടം ഉയര്ത്തിയ മെസി 2026ലും ടീമിനെ ഫൈനല് വരെ നയിച്ചു. എന്നാല് സ്പെയിനിനെതിരായ ഫൈനലിലെ തോല്വിക്ക് പിന്നാലെ ദേശീയ ടീമിനോടുള്ള തന്റെ യാത്ര അവസാനിപ്പിക്കാന് താരം തീരുമാനിക്കുകയായിരുന്നു.
മെസിയുടെ ആസ്തി എത്ര?
ഫുട്ബോള് മൈതാനത്തെ നേട്ടങ്ങള്ക്കൊപ്പം സാമ്പത്തിക രംഗത്തും മെസി വലിയ മുന്നേറ്റമാണ് നടത്തിയിട്ടുള്ളത്. ലഭ്യമായ വിവരങ്ങള് പ്രകാരം, 2026 ഓഗസ്റ്റ് 30 വരെ മെസിയുടെ ഏകദേശ ആസ്തി 1.1 ബില്യണ് ഡോളറാണ്. ഫുട്ബോള് കരാറുകള്ക്ക് പുറമെ പരസ്യങ്ങള്, സ്പോണ്സര്ഷിപ്പുകള്, ബിസിനസ് സംരംഭങ്ങള് തുടങ്ങിയവയിലൂടെയും മെസിക്ക് വലിയ വരുമാനം ലഭിക്കുന്നുണ്ട്. ഫോര്ബ്സ് കണക്കുകള് പ്രകാരം കരിയറില് മെസി ഇതുവരെ ഏകദേശം 1.8 ബില്യണ് ഡോളര് വരുമാനം നേടിയിട്ടുണ്ടെന്നാണ് റിപ്പോര്ട്ട്. നികുതിയും ഏജന്റ് ഫീസും കുറയ്ക്കുന്നതിന് മുമ്പുള്ള കണക്കാണിത്.
കഴിഞ്ഞ 12 മാസത്തിനിടെ മെസിയുടെ വരുമാനം ഏകദേശം 140 മില്യണ് ഡോളറായിരുന്നുവെന്നും റിപ്പോര്ട്ടില് പറയുന്നു. ഇതില് ഏകദേശം 70 മില്യണ് ഡോളര് മത്സരങ്ങളില് നിന്നുള്ള വരുമാനവും ബാക്കി 70 മില്യണ് ഡോളര് പരസ്യങ്ങളും മറ്റ് വാണിജ്യ ഇടപാടുകളില് നിന്നുള്ള വരുമാനവുമാണ്.
English Summary
Lionel Messi is one of the most successful and highest-earning footballers in the world. His wealth comes from football, endorsements, sponsorships and business ventures. Check Messi’s estimated net worth, career earnings, goals, records and major achievements.
