Instagram hack: സ്റ്റോറികളിൽ പുതുതായി അവതരിപ്പിച്ച ആഡ് മ്യൂസിക്, ഫ്രെയിമുകൾ, കട്ടൗട്ട് സ്റ്റിക്കറുകൾ എങ്ങനെ ഉപയോഗിക്കാം
ഇൻസ്റ്റാഗ്രാം സ്റ്റോറികൾക്കായി പുതിയ തരം സ്റ്റിക്കറുകൾ എത്തുന്നു. ഈ സ്റ്റിക്കറുകൾ ഉപയോക്താക്കളെ അവരുടെ പ്രിയപ്പെട്ട പാട്ടുകൾ പങ്കിടാനും ഫ്രെയിമുകൾ ഉപയോഗിച്ച് ഓർമ്മകളെ സ്പോട്ട്ലൈറ്റ് ചെയ്യാനും സഹായിക്കുന്നു. വിശദമായി നോക്കാം.
മ്യൂസിക് ചേർക്കുക: ആഡ് യുവേഴ്സ് ഫീച്ചർ മ്യൂസിക് സ്റ്റിക്കറുമായി സംയോജിപ്പിച്ച്, ഇൻസ്റ്റാഗ്രാം "ആഡ് യുവേഴ്സ് മ്യൂസിക്" സ്റ്റിക്കർ എത്തുന്നു. ഇത് ഉപയോഗിച്ച് ഉപയോക്താക്കളെ പാട്ടുകൾ പങ്കിടാനും അവരുടെ സംഗീതം ചേർക്കാനും കഴിയും. ഇത് ഉപയോഗിക്കാൻ, സ്റ്റിക്കറുകൾ ഐക്കണിൽ ടാപ്പുചെയ്ത് “Add Yours Music” തിരഞ്ഞെടുക്കുക. Instagram-ൻ്റെ സംഗീത ലൈബ്രറിയിൽ നിന്ന് ഒരു ഗാനം തിരഞ്ഞെടുത്ത് നിങ്ങളുടെ സ്റ്റോറി പോസ്റ്റ് ചെയ്യുക.
ഫ്രെയിംസ് സ്റ്റിക്കർ: ഇൻസ്റ്റാഗ്രാം ഒരു ഫ്രെയിംസ് സ്റ്റിക്കർ ചേർക്കാൻ കഴിയും. ഇതിന് നിങ്ങൾ സ്റ്റിക്കർ ഐക്കണിൽ ടാപ്പുചെയ്യേണ്ടതുണ്ട്, ഫ്രെയിമുകൾ തിരഞ്ഞെടുത്ത ശേഷം നിങ്ങളുടെ ഗാലറിയിൽ നിന്ന് ഒരു ചിത്രം തിരഞ്ഞെടുക്കുക. ഓപ്ഷണലായി, നിങ്ങൾക്ക് ഓട്ടോമാറ്റിക് തീയതിയും ടൈംസ്റ്റാമ്പും ഉപയോഗിച്ച് ഒരു അടിക്കുറിപ്പ് ചേർക്കാം.
റിവീൽ സ്റ്റിക്കർ: ഇൻസ്റ്റാഗ്രാം സ്റ്റോറിയുടെ മറ്റൊരു കൂട്ടിച്ചേർക്കലാണ് റിവീൽ സ്റ്റിക്കർ. മറഞ്ഞിരിക്കുന്ന സ്റ്റോറികൾ പോസ്റ്റുചെയ്യാൻ ഉപയോക്താക്കളെ അനുവദിക്കുന്നു. ഇത് ഉപയോഗിക്കാൻ, സ്റ്റിക്കർ എന്ന ഐക്കണിൽ ടാപ്പുചെയ്ത് റിവീൽ എന്ന ഒാപ്ഷൻ തിരഞ്ഞെടുക്കുക.
കട്ട്ഔട്ട് സ്റ്റിക്കർ: ഇൻസ്റ്റാഗ്രാം ഉപയോക്താക്കളെ അവരുടെ ഫോട്ടോകളുടെയോ വീഡിയോകളുടെയോ ഏതെങ്കിലും ഭാഗത്ത് നിന്ന് ഇഷ്ടാനുസൃത സ്റ്റിക്കറുകൾ തയ്യാറാക്കാൻ സഹായിക്കുന്നു.
