7000mAh ബാറ്ററിയുള്ള, റെനോ സീരീസിലെ ‘ബജറ്റ്’ ഫോൺ! ഓപ്പോ റെനോ 16C 5ജിക്ക് ഇനി പുതിയ വില
Oppo Reno 16C 5G New Price September 2026: ഓപ്പോയുടെ നിലവിലെ റെനോ 16 സീരീസിലെ 'ബജറ്റ്' 5ജി ഫോൺ ആണ് റെനോ 16C, അതായത് ഈ സീരീസിലെ ഫോണുകളിൽ ഏറ്റവും താങ്ങാനാകുന്ന വിലയിൽ ലഭ്യമായിട്ടുള്ള മോഡൽ 16C ആണ്. എന്നാൽ സ്മാർട്ട്ഫോൺ വില വർധനയുടെ ഭാഗമായി ഓപ്പോ ഇപ്പോൾ ഈ ഫോണിന്റെ വില വർധിപ്പിച്ചിരിക്കുന്നു.
ഓപ്പോ ഈ വർഷം ഫെബ്രുവരിയിൽ റെനോ സീരീസിൽ ഇന്ത്യയിൽ അവതരിപ്പിച്ച സ്മാർട്ട്ഫോൺ ആണ് ഓപ്പോ റെനോ 16C 5ജി (OPPO Reno 16c). റെനോ 16 മോഡലിന് ഒപ്പമായിരുന്നു ഇത് എത്തിയത്. ഓപ്പോയുടെ നിലവിലെ റെനോ 16 സീരീസിലെ ‘ബജറ്റ്’ 5ജി ഫോൺ ആണ് റെനോ 16C, അതായത് ഈ സീരീസിലെ ഫോണുകളിൽ ഏറ്റവും താങ്ങാനാകുന്ന വിലയിൽ ലഭ്യമായിട്ടുള്ള മോഡൽ 16C ആണ്. എന്നാൽ സ്മാർട്ട്ഫോൺ വില വർധനയുടെ ഭാഗമായി ഓപ്പോ ഇപ്പോൾ ഈ ഫോണിന്റെ വില വർധിപ്പിച്ചിരിക്കുന്നു.
ഇന്ത്യയിൽ ലോഞ്ച് ചെയ്യുമ്പോൾ റെനോ 16c 5ജിയുടെ 8GB + 128GB വേരിയന്റിന് 46,999 രൂപയും, 8GB + 256GB വേരിയന്റിന് 49,999 രൂപയും, 12GB + 256GB വേരിയന്റിന് 55,999 രൂപയുമായിരുന്നു വില. എന്നാൽ ഇപ്പോൾ ഓപ്പോ വെബ്സൈറ്റിൽ ഇവ യഥാക്രമം 52999 രൂപ, 57999 രൂപ, 62999 രൂപ വിലകളിലാണ് ലിസ്റ്റ് ചെയ്തിരിക്കുന്നത്.
Also Raed: 200MP ക്യാമറ രണ്ടെണ്ണം, 50MP ഫ്രണ്ട് ക്യാമറ, 8000mAh ബാറ്ററി; ഓപ്പോ ഫൈൻഡ് X10 ലോഞ്ച് ചെയ്തു
വിലയിൽ മാത്രമല്ല, ഇതിന്റെ ബാങ്ക് ഡിസ്കൗണ്ടിലും മാറ്റമുണ്ട്. വില ഉയർത്തിയെങ്കിലും 10 ശതമാനം ഇൻസ്റ്റന്റ് ഡിസ്കൗണ്ട് വിവോ സ്റ്റോറിൽ ഈ മോഡലിന് ലഭ്യമാണ്. അതിനാൽ വേരിയന്റുകൾക്ക് യഥാക്രമം 5299 രൂപ, 5799 രൂപ, 6299 രൂപ ബാങ്ക് ഡിസ്കൗണ്ടുകൾ ലഭ്യമാണ്. ഇത് പ്രയോജനപ്പെടുത്തിയാൽ അടിസ്ഥാന മോഡൽ 47700 രൂപ വിലയിൽ വാങ്ങാം.
സ്മാർട്ട്ഫോൺ വില ഉയർന്ന് നിൽക്കുന്ന സാഹചര്യത്തിൽ ഉപയോക്താക്കളെ സംബന്ധിച്ചിടത്തോളം ഈ ഡീൽ ലാഭകരമാണ്. എന്നാൽ ബാങ്ക് ഡിസ്കൗണ്ട് ഇല്ലാതെയുള്ള പർച്ചേസ് ലോഞ്ച് വിലയെ അപേക്ഷിച്ച് വളരെ ചെലവേറിയതുമാണ്. ട്വിലൈറ്റ് വയലറ്റ്, സ്റ്റെല്ലാർ പർപ്പിൾ, സ്റ്റാറി വൈറ്റ് കളർ ഓപ്ഷനുകളിൽ ആണ് ഈ ഓപ്പോ ഫോൺ ലഭ്യമായിട്ടുള്ളത്.
ഓപ്പോ റെനോ 16 5ജി വാങ്ങാൻ കഴിയാത്തവർക്ക് പരിഗണിക്കാവുന്ന ഒരു മോഡൽ ആണ് റെനോ 16C 5ജി. റെനോ 16 മോഡലിലെ ചില ഫീച്ചറുകൾ ഈ 16C മോഡൽ വാഗ്ദാനം ചെയ്യുന്നുമുണ്ട്. പ്രോസസർ ആണ് ഇരുമോഡലുകളും തമ്മിലുള്ള പ്രധാന വ്യത്യാസം. ഒക്ട കോർ മീഡിയടെക് ഡൈമെൻസിറ്റി 7300 4nm പ്രോസസർ ആണ് റെനോ 16C ഫോണിന്റെ കരുത്ത്.
80W SUPERVOOC ഫാസ്റ്റ് ചാർജിംഗുള്ള 7000mAh ബാറ്ററി ഈ ഫോണിലുണ്ട്. ട്രിപ്പിൾ റിയർ ക്യാമറ സജ്ജീകരണമാണ് മറ്റൊരു ആകർഷണം. ഇതിൽ 1/2.0″ SC32HS സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, OIS), 1/4″ GC08A8 സെൻസറുള്ള 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 1/3.13″ സാംസങ് S5KKN1 സെൻസറുള്ള 50MP 3.5x ടെലിഫോട്ടോ ക്യാമറ (f/2.8 അപ്പേർച്ചർ) എന്നിവ അടങ്ങുന്നു. ഫ്രണ്ടിൽ 1/2.88″ GC50F6 സെൻസറുള്ള 50MP ഫ്രണ്ട് ക്യാമറയും ഉണ്ട്.
6.57-ഇഞ്ച് (2372 × 1080 പിക്സൽസ്) 120Hz റിഫ്രഷ് റേറ്റ് ഉള്ള FHD+ AMOLED സ്ക്രീൻ, മാലി-G615 MC2 ജിപിയു, 8GB / 12GB LPDDR4x റാം, 128GB / 256GB (UFS 3.1) സ്റ്റോറേജ്, ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, IP66+IP68+ IP69+IP69K റേറ്റിങ്, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ.
English Summary
The Oppo Reno 16C 5G is a smartphone that Oppo launched in India this February, alongside the Reno 16 model. Oppo has now increased the price of the Reno 16C 5G, which features a 7000mAh battery with 80W SUPERVOOC fast charging. Currently, the variants are listed on the Oppo website at prices of Rs. 52,999, Rs. 57,999, and Rs. 62,999, respectively.
