Coconut Oil Price Hike: ഇത്തവണയും ഓണക്കിറ്റില്‍ 500 വെളിച്ചെണ്ണ ഉറപ്പ്; വില ഈ കാര്‍ഡുകാരെ ബാധിക്കില്ല

Onam Kit 2025 Items: നീല കാര്‍ഡുകാര്‍ക്ക് 10 കിലോ അരിയും വെള്ള കാര്‍ഡുകാര്‍ക്ക് 15 കിലോ അരിയും 10.90 രൂപയ്ക്ക് ലഭിക്കുന്നതാണ്. ഈ ആനുകൂല്യം ലഭിക്കുന്നത് ആകെ 53 ലക്ഷം കുടുംബങ്ങള്‍ക്കാണ്. 94 ലക്ഷം കാര്‍ഡുകാര്‍ക്ക് 10 കിലോ കെ റൈസ് 25 രൂപ നിരക്കിലും വിതരണം ചെയ്യും.

പ്രതീകാത്മക ചിത്രം Image Credit source: Social Media

Shiji M K | Updated On: 27 Jul 2025 | 07:29 PM

സംസ്ഥാനത്ത് ഈ വര്‍ഷത്തെ ഓണാഘോഷങ്ങളുടെ ഭാഗമായി 6 ലക്ഷം കുടുംബങ്ങള്‍ക്ക് സൗജന്യ ഓണക്കിറ്റ് വിതരണം ചെയ്യാനുള്ള ഒരുക്കത്തിലാണ് സര്‍ക്കാര്‍. കേരളത്തിലെ അന്ത്യോദയ അന്നയോജന റേഷന്‍കാര്‍ഡ് ഉടമകള്‍ക്കാണ് കിറ്റ് ലഭിക്കുക. ആറ് ലക്ഷം കുടുംബങ്ങള്‍ക്കാണ് ഇത്തവണ ഓണക്കിറ്റ് ലഭിക്കുന്നത്. കിറ്റില്‍ 15 ഇനം സാധനങ്ങളാണ് ഉണ്ടായിരിക്കുക.

കഴിഞ്ഞ വര്‍ഷം 13 ഇനങ്ങളായിരുന്നു കിറ്റില്‍. എന്നാല്‍ ഇത്തവണ പഞ്ചസാര അധികമായി ഉള്‍പ്പെടുത്തി. അനാഥാലയത്തിലെ അന്തേവാസികള്‍ ഉള്‍പ്പെടെയുള്ള ദുര്‍ബല വിഭാഗങ്ങള്‍ക്കും കിറ്റ് ലഭിക്കുന്നതാണ്. ഓഗസ്റ്റ് 18 മുതല്‍ കിറ്റ് വിതരണം ചെയ്ത് തുടങ്ങാനാണ് പദ്ധതി.

മാത്രമല്ല, നീല കാര്‍ഡുകാര്‍ക്ക് 10 കിലോ അരിയും വെള്ള കാര്‍ഡുകാര്‍ക്ക് 15 കിലോ അരിയും 10.90 രൂപയ്ക്ക് ലഭിക്കുന്നതാണ്. ഈ ആനുകൂല്യം ലഭിക്കുന്നത് ആകെ 53 ലക്ഷം കുടുംബങ്ങള്‍ക്കാണ്. 94 ലക്ഷം കാര്‍ഡുകാര്‍ക്ക് 10 കിലോ കെ റൈസ് 25 രൂപ നിരക്കിലും വിതരണം ചെയ്യും.

ഇതും വായിക്കൂ