Kerala Gold Rate Today: സ്വർണവിലയിൽ നേരിയ ആശ്വാസം; ഇന്നത്തെ നിരക്കുകൾ അറിയാം
Kerala Gold Price Today: കഴിഞ്ഞ വെള്ളിയാഴ്ചയാണ് ഈ മാസത്തെ ഏറ്റവും ഉയര്ന്ന നിരക്ക് രേഖപ്പെടുത്തിയത്. എന്നാല് അവിടെ നിന്ന് പിന്നീട് വില കുറയുന്നതാണ് കാണുന്നത്. പക്ഷേ ഇന്നും പവൻ വില 75000-ത്തിൽ നിൽക്കുകയാണ്.
പ്രതീകാത്മക ചിത്രം
തിരുവനന്തപുരം: സംസ്ഥാനത്തെ സ്വർണവിലയിൽ നേരിയ ആശ്വാസം. തുടർച്ചയായി മൂന്നാം ദിവസമാണ് സ്വര്ണവിലയില് നേരിയ കുറവ് ഉണ്ടാകുന്നത്. കഴിഞ്ഞ വെള്ളിയാഴ്ചയാണ് ഈ മാസത്തെ ഏറ്റവും ഉയര്ന്ന നിരക്ക് രേഖപ്പെടുത്തിയത്. എന്നാല് അവിടെ നിന്ന് പിന്നീട് വില കുറയുന്നതാണ് കാണുന്നത്. പക്ഷേ ഇന്നും പവൻ വില 75000-ത്തിൽ നിൽക്കുകയാണ്.
അതുകൊണ്ട് തന്നെ സ്വര്ണവിലയില് വലിയ കുറവ് ഇപ്പോള് പ്രതീക്ഷിക്കാന് സാധിക്കില്ല. എന്നാൽ ക്രമേണ ഇടിവ് സംഭവിക്കാമെന്നും വിദ്ഗ്ദർ പറയുന്നത്. ക്രൂഡ് ഓയില് വില താഴ്ന്നതും ഇന്ത്യന് രൂപയുടെ മൂല്യം അല്പ്പം കൂടിയതുമാണ് സ്വര്ണവില കുറയാന് ഒരു കാരണം.
Also Read:ഓണക്കാലം സ്വര്ണക്കാലം! സപ്ലൈകോയില് പര്ച്ചേസുകള്ക്ക് സ്വര്ണനാണയം സമ്മാനം
ഇന്ന് ഒരു പവൻ സ്വർണത്തിന് 560 രൂപ കുറഞ്ഞ് 75000 രൂപയാണ് രേഖപ്പെടുത്തിയിരിക്കുന്നത്. ഗ്രാമിന് 70 രൂപ കുറഞ്ഞ് 9375 രൂപയാണ്. കഴിഞ്ഞ രണ്ട് ദിവസമായി പവന് 75560 രൂപയിലാണ് വ്യാപാരം പുരോഗമിച്ചത്. ആഗസ്റ്റ് എട്ടിന് ഈ മാസത്തെ ഏറ്റവും ഉയർന്ന നിരക്കിൽ എത്തിയ സ്വർണവിലയിൽ നിന്ന് ഒരു പവന് 200 രൂപയാണ് ശനിയാഴ്ച കുറഞ്ഞത്. തുടർന്നാണ് 75560 രൂപയിലെത്തിയത്.
ആഗസ്റ്റ് ഒന്നിനാണ് ഈ മാസത്തെ ഏറ്റവും താഴ്ന്ന നിരക്ക് രേഖപ്പെടുത്തിയത്. അന്ന് ഒരു പവൻ സ്വർണത്തിന് 73200 രൂപയായിരുന്നു. ഗ്രാമിന് 9150 രൂപയും. എന്നാൽ തൊട്ടടുത്ത ദിവസം തന്നെ സ്വർണ വില 74000-ത്തിലേക്ക് എത്തുന്ന കാഴ്ചയാണ് കണ്ടത്. ആഗസ്റ്റ് ആറാം തീയതിയോടെ ഇത് വീണ്ടും 75000-ത്തിലേക്ക് എത്തി. തുടർന്നാണ് കഴിഞ്ഞ വെള്ളിയാഴ്ച ഈ മാസത്തെ ഏറ്റവും ഉയർന്ന് നിരക്ക് രേഖപ്പെടുത്തിയത്. അന്ന് പവന് 75,760 രൂപയും ഗ്രാമിന് 9,470 രൂപയുമായിരുന്നു. പത്ത് ദിവസത്തിനിടെ 1800 രൂപയാണ് സ്വർണവിലയിൽ കൂടിയത്.
