Financial Tips: 45 ലക്ഷം ലോട്ടറിയടിച്ചു, എങ്ങിനെ വിനിയോഗിക്കാം, ചാറ്റ്ജിപിടി പറയുന്നത്

അളവിൽ കൂടുതൽ പൈസ കയ്യിൽ വന്നാൽ അതെങ്ങനെ ഉപയോഗിക്കണം എന്ന് പലപ്പോഴും ആളുകൾക്ക് ആശങ്കയുണ്ടാവുന്നത് പതിവാണ്. ഇത്തരത്തിൽ പൈസ ആവശ്യമുള്ളതിനും ഇല്ലാത്തതിനും ഉപയോഗിച്ച് മുഴുവനും തീർക്കുന്നതും പുതിയ കാര്യമല്ല. ഇത്തരം സാഹചര്യങ്ങളിൽ ചാറ്റ്ജിപിടിയോടും സഹായം തേടാം, സ്വകാര്യ വിവരങ്ങളൊന്നും നൽകാതെ സുരക്ഷിതമായി നിങ്ങൾക്ക് ആവശ്യമുള്ള സാമ്പത്തികോപദേശം ഒരു ചില്ലിപൈസ മുടക്കാതെ നിങ്ങൾക്ക് ലഭിക്കും. ഇത്തരത്തിൽ 45 ലക്ഷം ലോട്ടറിയടിച്ച് ലഭിച്ചാൽ ഇതെങ്ങനെ ഫലപ്രദമായി വിനിയോഗിക്കാം എന്നാണ് ചാറ്റ്ജിപിടി നൽകിയ മറുപടി പരിശോധിക്കാം.

ചാറ്റ്ജിപിടി നിർദ്ദേശം

അഞ്ച് വിധത്തിലുള്ള നിർദ്ദേശങ്ങളാണ് വിഷയത്തിൽ ചാറ്റ്ജിപിടി നൽകിയത്. അവയിൽ ആദ്യത്തേത് ഫിക്സഡ് ഡെപ്പോസിറ്റുകളാണ്, രണ്ടാമതായി സർക്കാർ സ്കീമുകളും, മൂന്നാമതായി റിയൽ എസ്റ്റേറ്റ്, അഞ്ചാമതായി ഗോൾഡ്, ഏറ്റവുമൊടുവിൽ എമർജൻസി ഫണ്ട് എന്നിങ്ങനെയാണ് ധനവിനിയോഗത്തിന് ചാറ്റ്ജിപിടി പറഞ്ഞ മറുപടി.

ALSO READ: പൊന്ന് വിളയും കടല്‍; മറഞ്ഞിരിക്കുന്നത് 14 ദശലക്ഷം കിലോ സ്വര്‍ണം

സ്ഥിര നിക്ഷേപം

ബാങ്കുകളിലോ പോസ്റ്റ് ഓഫീസുകളിലോ ഒരു നിശ്ചിത തുക സ്ഥിര നിക്ഷേപം മികച്ച മാർഗമാണ്. ഇതിന് നിശ്ചിത കാലയളവിൽ പലിശ ലഭിക്കും. പലിശ നിരക്കുകൾ താരതമ്യം ചെയ്ത് ഉയർന്ന പലിശ നൽകുന്നിടത്ത് നിക്ഷേപിക്കാം. സീനിയർ സിറ്റിസൺസിന് പലിശ കൂടുതൽ ലഭിക്കും. ഒന്നിലധികം FD-കളായി തുക ഭാഗിച്ച് നിക്ഷേപിക്കുന്നതും നല്ലതാണ്. ഉദാഹരണത്തിന്, 10 ലക്ഷം രൂപയുടെ 4 FD-കൾ

സർക്കാർ സ്കീം

സിനിയർ സിറ്റിസൺസ് സേവിംഗ്സ് സ്കീം, ആർബിഐ ബോണ്ടുകൾ, പ്രതിമാസ വരുമാന പദ്ധതി, നാഷ്ണൽ സേവിംഗ്സ് സർട്ടിഫിക്കറ്റ് എന്നിവയിലെല്ലാം നിക്ഷേപിക്കാം. 7.4% മുതൽ 8 ശതമാനത്തിന് മുകളിൽ വരെ നിങ്ങൾക്ക് ഇത്തരം സ്കീമുകളിൽ പലിശ ലഭിക്കും. ഏറ്റവും സുരക്ഷിതമാണിത്. 8 മുതൽ 10 ലക്ഷം വരെ ഇങ്ങിനെ വിനിയോഗിക്കാം,.

റിയൽ എസ്റ്റേറ്റ്

25 മുതൽ 30 ലക്ഷം വരെ വില വരുന്ന ഒരു വസ്തു അല്ലെങ്കിൽ ഫ്ലാറ്റ്/ വീട് വാങ്ങാവുന്നതാണ്. ഏരിയയുടെ വളർച്ച കൂടി പരിഗണിച്ചാൽ വാടകക്ക് നൽകിയാലും പ്രതിമാസം 15000 മുതൽ 25000 വരെ ഉറപ്പായ വരുമാനം ലഭിക്കും. മാത്രമല്ല ഭാവിയിൽ വില കൂടിയാൽ വാങ്ങിയ ഇരട്ടി വില ലഭിക്കും.

ALSO READ: Mutual Funds: മുതിര്‍ന്ന പൗരന്മാര്‍ മ്യൂച്വല്‍ ഫണ്ടില്‍ നിക്ഷേപിക്കുന്നത് അപകടമാണോ?

ഗോൾഡ് / ഡിജിറ്റൽ ഗോൾഡ്

3 മുതൽ 5 ലക്ഷം വരെ സ്വർണം വാങ്ങാം. അത് ആഭരണം ആകണമെന്നില്ല മറിച്ച് ഡിജിറ്റൽ ഗോൾഡായോ,. ഗോൾഡ് സോവറിൻ ബോണ്ടുകളായോ വാങ്ങാം. ആഭരണങ്ങളാണെങ്കിൽ വള, മാല എന്നിവ മികച്ചതാണ്. ഉറപ്പായും വില കൂടുക അല്ലാതെ കുറയില്ല.

എമർജൻസി ഫണ്ട്

എല്ലാ നിക്ഷേപങ്ങൾക്കും ശേഷം കയ്യിൽ അടിയന്തിര ആവശ്യത്തിനായി കുറഞ്ഞത് 3 ലക്ഷം രൂപയെങ്കിലും കരുതണം. അടിയന്തിര ആശുപത്രി ആവശ്യങ്ങൾ, മറ്റ് ചിലവുകൾ അടക്കം എല്ലാത്തിനും ഇത് ഉപയോഗിക്കാം. എപ്പോഴും എടുക്കാൻ പറ്റുന്ന വിധമായിരിക്കും ഇത്. ഇവയെല്ലാം ചാറ്റ്ജിപിടി നിർദ്ദേശങ്ങളാണെങ്കിലും നിങ്ങൾ വ്യക്തമായി പരിശോധിച്ച് ഉറപ്പ് വരുത്തിയ ശേഷം മാത്രം നിക്ഷേപിക്കുക. നിരക്കുകളിലും മറ്റും ഏറ്റക്കുറച്ചിലുകൾ ഉണ്ടായിക്കൊണ്ടേയിരിക്കാം.