PM Kisan: കർഷകർക്ക് 2000 എപ്പോൾ ബാങ്കിലെത്തും? പിഎം കിസാൻ അപ്ഡേറ്റ്
പദ്ധതി പ്രകാരം ഇതുവരെ 19 ഗഡുക്കളായി 3.69 ലക്ഷം കോടി രൂപ കർഷകരുടെ അക്കൗണ്ടുകളിൽ സർക്കാർ നിക്ഷേപിച്ചിട്ടുണ്ടെന്ന് കൃഷി മന്ത്രാലയം
കർഷകർ കാത്തിരിക്കുന്നത് കേന്ദ്രസർക്കാരിൻ്റെ ആ 2000 രൂപക്കാണ്. നിലവിൽ ലഭിക്കുന്ന വിവരങ്ങൾ പ്രകാരം അധികം താമസിക്കാതെ തന്നെ തുക കർഷകരുടെ ബാങ്ക് അക്കൗണ്ടുകളിലേക്ക് എത്തും. പിം കിസാൻ പദ്ധതിയുടെ 20-ാം ഗഡുവാണ് ഇനി ലഭിക്കാനുള്ളത്. ഇത്തവണ 9.7 കോടി കർഷകരുടെ ബാങ്ക് അക്കൗണ്ടുകളിലേക്ക് 20,500 കോടി രൂപ നേരിട്ടാണ് കൈമാറുന്നത്.
എപ്പോൾ പ്രതീക്ഷിക്കാം
2019 ൽ ആരംഭിച്ച ഈ പദ്ധതി പ്രകാരം ഇതുവരെ 19 ഗഡുക്കളായി 3.69 ലക്ഷം കോടി രൂപ കർഷകരുടെ അക്കൗണ്ടുകളിൽ സർക്കാർ നിക്ഷേപിച്ചിട്ടുണ്ടെന്ന് കൃഷി മന്ത്രാലയം അറിയിച്ചു. 20-ാം ഗഡു 2025 ഓഗസ്റ്റ് 2 ന് പുറത്തിറക്കുമെന്ന് കേന്ദ്ര കൃഷി മന്ത്രാലയം ബുധനാഴ്ച പുറത്തിറക്കിയ പ്രസ്താവനയിൽ പറയുന്നു. 9.7 കോടി കർഷകർക്കാണ് ഇതിൽ നിന്നും പ്രയോജനം ലഭിക്കുന്നത്.
प्रिय किसान भाई-बहनों,
आदरणीय प्रधानमंत्री श्री @narendramodi जी 2 अगस्त को प्रधानमंत्री किसान सम्मान निधि की राशि डालने वाले हैं।
मेरी आप सभी से प्रार्थना है कि आप सभी प्रधानमंत्री जी के कार्यक्रम से अवश्य जुड़ें। pic.twitter.com/hSlPG2WyDZ
— Shivraj Singh Chouhan (@ChouhanShivraj) July 30, 2025
എന്താണ് പിഎം-കിസാൻ?
ഈ പദ്ധതി പ്രകാരം കർഷകർക്ക് പ്രതിവർഷം 6,000 രൂപയാണ് ധനസഹായം ലഭിക്കുന്നത്. ഈ തുക നേരിട്ട് കർഷകരുടെ ബാങ്ക് അക്കൗണ്ടുകളിൽ 2,000 രൂപ വീതമുള്ള മൂന്ന് തുല്യ ഗഡുക്കളായി നിക്ഷേപിക്കുന്നു. ചെറുകിട, നാമമാത്ര കർഷകർക്ക് സാമ്പത്തിക സഹായം നൽകുക എന്നതാണ് ഈ പദ്ധതിയുടെ ലക്ഷ്യം.
യോഗ്യത
പിഎം-കിസാൻ ആനുകൂല്യങ്ങൾ ലഭിക്കുന്നതിന്, കർഷകർക്ക് ഇ-കെവൈസിയിൽ ഒരു ബാങ്ക് അക്കൗണ്ട് ഉണ്ടായിരിക്കണം, അത് കർഷകന്റെ ആധാർ കാർഡുമായി ബന്ധിപ്പിക്കണം. ഇതോടൊപ്പം, ഭൂരേഖകൾ കൃത്യവും അപ്ഡേറ്റ് ചെയ്തതുമായിരിക്കണം. യഥാർത്ഥ ഗുണഭോക്താക്കൾക്ക് മാത്രമേ പദ്ധതിയുടെ ആനുകൂല്യങ്ങൾ ലഭിക്കൂ എന്നും ഏതെങ്കിലും തരത്തിലുള്ള ക്രമക്കേടുകൾ തടയാനും കഴിയുന്ന തരത്തിലാണ് ഈ വ്യവസ്ഥകൾ സർക്കാർ നിർബന്ധിക്കുന്നത്.
കർഷകർക്ക് ആശ്വാസം
വളരെ ചെറിയ കൃഷിയിടങ്ങളുള്ളവരും കൃഷിയല്ലാതെ മറ്റ് ഉപജീവനമാർഗ്ഗങ്ങളില്ലാത്തവരുമായ കർഷകർക്ക് പിഎം-കിസാൻ വലിയ ആശ്വാസമാണ് നൽകുന്നത്. കൃഷിയുമായി ബന്ധപ്പെട്ട ചെറിയ ആവശ്യങ്ങൾ പോലും നിറവേറ്റാൻ ഇത്തരം നാമമാത്ര കർഷകർക്ക് പണമിടപാടുകാരിൽ നിന്ന് വായ്പ എടുക്കേണ്ടി വരുന്നു. എന്നാൽ സർക്കാരിൻ്റെ സഹായം ഇവർക്കെല്ലാം വളരെ അധികം ഉപകാരപ്രദമാണ്.
