Calicut University Job: കാലിക്കറ്റ് സർവകലാശാല: സ്റ്റാഫ് നഴ്സ്, അസിസ്റ്റന്റ് പ്രൊഫസർ ഒഴിവുകൾ, യോ​ഗ്യത

പ്രതീകാത്മക ചിത്രം

കാലിക്കറ്റ് സർവകലാശാലാ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആന്റ് റിസർച്ചിൽ (ഐ.ടി.എസ്.ആർ.) ഒഴിവുകൾ. 2025 – 26 അധ്യയന വർഷത്തേക്കുള്ള നിയമന വിജ്ഞാപനമാണ് പുറത്തിറക്കിയിരിക്കുന്നത്. മണിക്കൂർ വേതനാടിസ്ഥാനത്തിലാണ് നിയമനം. ഇതുമായി ബന്ധപ്പെട്ട് വാക് – ഇൻ – ഇന്റർവ്യൂ ഒക്ടോബർ മൂന്നിന് രാവിലെ 10.30-ന് നടക്കും.

സ്റ്റാഫ് നഴ്സ് നിയമനം

കാലിക്കറ്റ് സർവകലാശാലാ ഹെൽത് സെന്ററിൽ കരാറടിസ്ഥാനത്തിൽ സ്റ്റാഫ് നഴ്സ് നിയമനത്തിന് വാക് – ഇൻ – ഇന്റർവ്യൂ നടക്കുന്നു. ഒക്ടോബർ 15-നാണ് അഭിമുഖം നടക്കുക.

യോഗ്യത: പ്രീ ഡിഗ്രീ വിത് ഗ്രൂപ്പ് II / പ്ലസ്ടു സയൻസ് വിത് ബയോളജി, സർട്ടിഫിക്കറ്റ് കോഴ്സ് ഇൻ നഴ്സിംഗ് ആന്റ് മിഡ്‌വൈഫറി.

Also Read: ഒരു ലക്ഷത്തിന് മുകളിൽ ശമ്പളം, എഞ്ചിനീയറിങ് കഴിഞ്ഞവർക്ക് അവസരം; ഇപ്പോൾ അപേക്ഷിക്കൂ

പ്രായ പരിധി : 36 വയസ് (സംവരണ വിഭാഗക്കാർക്ക് നിയമാനുസൃത ഇളവ് ലഭിക്കും). അപേക്ഷകർ എല്ലാ അസൽ സർട്ടിഫിക്കറ്റുകളും സഹിതം രാവിലെ 9.30-ന് സർവകലാശാലാ ഭരണകാര്യാലയത്തിൽ ഹാജരാകണം. വിശദമായ വിജ്ഞാപനം https://www.uoc.ac.in/ എന്ന വെബ്സൈറ്റിൽ ലഭ്യമാണ്.

അസിസ്റ്റന്റ് പ്രൊഫസർ

കാലിക്കറ്റ് സർവകലാശാലാ എജ്യുക്കേഷൻ പഠനവകുപ്പിലെ എംഎഡ് പ്രോഗ്രാമിലേക്ക് അസിസ്റ്റന്റ് പ്രൊഫസർ നിയമനത്തിന് പാനൽ തയ്യാറാക്കുന്നതിനുള്ള വാക് – ഇൻ – ഇന്റർവ്യൂ. മണിക്കൂർ വേതനാടിസ്ഥാനത്തിലാണ് നിയമനം. ഒക്ടോബർ ഏഴിനാണ് അഭിമുഖം നടക്കുക. ഇംഗ്ലീഷ്, അറബി, ഉറുദു, കോമേഴ്‌സ്, മാത്തമാറ്റിക്സ് എന്നീ വിഷയങ്ങളിലാണ് ഒഴിവുകൾ.

‌അസിസ്റ്റന്റ് പ്രൊഫസർ നിയമനത്തിലേക്കുള്ള യോഗ്യത : നിർദിഷ്ട വിഷയത്തിൽ 55 ശതമാനം മാർക്കോടെയുള്ള പിജി, നെറ്റ് / പിഎച്ച്ഡി താത്പര്യമുള്ളവർ മതിയായ രേഖകൾ സഹിതം ഒരു മണിക്കൂർ മുന്നേ ചെതലയം ഐടിഎസ്ആറിൽ നടക്കുന്ന അഭിമുഖത്തിന് ഹാജരാകണം. വിശദമായ വിജ്ഞാപനം https://www.uoc.ac.in/ എന്ന വെബ്സൈറ്റിൽ ലഭ്യമാണ്.

യോഗ്യരായവർ എല്ലാ അസൽ സർട്ടിഫിക്കറ്റുകളും സഹിതം രാവിലെ 10.30-ന് പഠനവകുപ്പിൽ ഹാജരാകുക. വിശദമായ വിജ്ഞാപനം https://www.uoc.ac.in/ എന്ന വെബ്സൈറ്റിൽ ലഭ്യമാണ്.