Kerala School Holiday: സ്കൂൾ അവധിയാണേ….ഈ ജില്ലയിലുള്ളവർക്ക് ഇനി ബുധനാഴ്ച പോയാൽ മതി
Local Holiday in Thrissur: മുന്‍ നിശ്ചയിച്ച പൊതുപരീക്ഷകള്‍ക്ക് മാറ്റമില്ല. കൂടാതെ കേന്ദ്ര-സംസ്ഥാന, അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്‍ക്കും അവധി ബാധകമല്ലായെന്ന് ഉത്തരവിൽ പറഞ്ഞു.
പ്രതീകാത്മക ചിത്രം
തൃശൂര്‍ വടക്കാഞ്ചേരി നഗരസഭ പരിധിയിൽ പ്രാദേശിക അവധി പ്രഖ്യാപിച്ച് ജില്ല കളക്ടർ അര്‍ജുന്‍ പാണ്ഡ്യന്‍. ഉത്രാളിക്കാവ് പൂരത്തെ തുടർന്നാണ് ഫെബ്രുവരി 24ന് പ്രാദേശിക അവധി പ്രഖ്യാപിച്ചത്. വടക്കാഞ്ചേരി നഗരസഭ പരിധിയിൽ ഉൾപ്പെടുന്ന സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും തലപ്പിള്ളി താലൂക്കിൽപ്പെട്ട എങ്കക്കാട് ഗ്രൂപ്പ് വില്ലേജ് ഓഫീസിനും നാളെ അവധിയായിരിക്കും.
എന്നാൽ മുന്‍ നിശ്ചയിച്ച പൊതുപരീക്ഷകള്‍ക്ക് മാറ്റമില്ല. കൂടാതെ കേന്ദ്ര-സംസ്ഥാന, അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്‍ക്കും അവധി ബാധകമല്ലായെന്ന് ഉത്തരവിൽ പറഞ്ഞു.
കൗണ്ടൗൺ തുടങ്ങി… ടെൻഷൻ വേണ്ട, ഒരുക്കങ്ങൾ തുടങ്ങാം
മാർച്ച് അഞ്ചിനാണ് ഇക്കൊല്ലത്തെ എസ്എസ്എൽസി പരീക്ഷ ആരംഭിക്കുന്നത്. മാർച്ച് 30 വരെയാണ് പരീക്ഷ ക്രമീകരിച്ചിരിക്കുന്നത്. പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾ നിർബന്ധമായും പാലിക്കേണ്ട ചില കാര്യങ്ങളുണ്ട്. അവ ഏതെല്ലാമെന്ന് അറിഞ്ഞാലോ…
സമയക്രമീകരണമാണ് ആദ്യത്തേത്. പരീക്ഷ തുടങ്ങുന്നതിന് ഒരു 30 മിനിറ്റ് മുമ്പെങ്കിലും സ്കൂളിൽ എത്തിയിരിക്കണം. ‘കൂൾ ഓഫ് ടൈം’ പരമാവധി പ്രയോജനപ്പെടുത്താൻ ശ്രമിക്കണം. ഏത് ചോദ്യമാണ് ആദ്യം എഴുതേണ്ടതെന്ന് ഈ സമയത്ത് നിശ്ചയിക്കുക. നന്നായി അറിയാവുന്ന ചോദ്യങ്ങൾക്ക് ആദ്യം ഉത്തരം എഴുതി തുടങ്ങുന്നതാണ് നല്ലത്.
അതുപോലെ, പരീക്ഷാ സമയത്ത് ഒരിക്കലും അമിതമായ ആവേശമോ ധൃതിയോ കാട്ടരുത്. ഓരോ ചോദ്യവും രണ്ടുവട്ടം വായിച്ച് അത് എന്താണ് ഉദ്ദേശിക്കുന്നതെന്ന് ഉറപ്പുവരുത്തിയ ശേഷം മാത്രം ഉത്തരം എഴുതുക. ഉത്തരങ്ങൾ വലിയ പാരഗ്രാഫുകളായി എഴുതുന്നതിന് പകരം, പോയിന്റുകളാക്കി മനസ്സിലാകുന്ന രീതിയിൽ ഭംഗിയായി എഴുതുന്നത് ഗുണം ചെയ്യും. പ്രധാന ഭാഗങ്ങൾ പെൻസിൽ ഉപയോഗിച്ച് അടിവരയിടുന്നത് കൂടുതൽ മാർക്ക് നേടി തരാൻ സഹായിക്കും.
പരീക്ഷയ്ക്ക് പോകുന്നതിന് തലേ ദിവസം തന്നെ ബാഗിനുള്ളിൽ നിങ്ങളുടെ ഹാൾ ടിക്കറ്റ്, പേന, പെൻസിൽ, ഇൻസ്ട്രുമെന്റ് ബോക്സ് എന്നിവ എടുത്ത് വയ്ക്കുക. പരീക്ഷാക്കാലത്ത് ഉറക്കമിളച്ച് പഠിക്കരുത്. കുറഞ്ഞത് 6-7 മണിക്കൂർ ഉറക്കം അത്യാവശ്യമാണ്.
