Kerala SSLC Results 2025: എസ്എസ്എൽസി ഫലം വെറും മൂന്ന് ക്ലിക്കിൽ അറിയാം, തെറ്റിയാൽ എന്ത് ചെയ്യാം?
വെള്ളിയാഴ്ച വൈകുന്നേരം മൂന്ന് മണിക്കാണ് എസ്എസ്എൽസി ഫലങ്ങൾ പ്രഖ്യാപിക്കുന്നത്. വൈകുന്നേരം 4 മണി മുതൽ വിദ്യാർത്ഥികൾക്ക് അവരുടെ വ്യക്തിഗത വിവരങ്ങൾ പരിശോധിക്കാം
തിരുവനന്തപുരം: എസ്.എസ്.എൽ.സി പരീക്ഷാഫലം പ്രഖ്യാപിക്കാൻ ഇനി മണിക്കൂറുകൾ മാത്രമാണ് ബാക്കി. തിരുവനന്തപുരത്ത് വിദ്യാഭ്യാസമന്ത്രി വി ശിവൻകുട്ടി ഫലങ്ങൾ ഔദ്യോഗികമായി തന്നെ പ്രഖ്യാപിക്കും. വിദ്യാർത്ഥികൾക്ക് വിവിധ വെബ്സൈറ്റുകൾ വഴി ഫലങ്ങൾ പരിശോധിക്കാനാകും. sslcexam.kerala.gov.in ആണ് ഫലങ്ങൾ കാണാൻ സാധിക്കുന്ന പോർട്ടൽ. results.kite.kerala.gov.in എന്ന വെബ്സൈറ്റ് വഴിയും ഫലങ്ങൾ ആക്സസ് ചെയ്യാം. 2025 മാർച്ച് 3 മുതൽ മാർച്ച് 26 വരെ നടന്ന എസ്എസ്എൽസി, ടിഎച്ച്എസ്എൽസി, എഎച്ച്എസ്എൽസി പരീക്ഷകളിലായി 4,27,021 വിദ്യാർത്ഥികളാണ് റഗുലർ വിഭാഗത്തിൽ പരീക്ഷ എഴുതിയത്. കേരളത്തിൽ ആകെ 2964 കേന്ദ്രങ്ങളും, ലക്ഷദ്വീപിൽ 9 കേന്ദ്രങ്ങളിലും ഗൾഫ് രാജ്യങ്ങളിലും 7 കേന്ദ്രങ്ങളിലുമാണ് പരീക്ഷ നടന്നത്.
എസ്.എസ്.എൽ.സി പരീക്ഷാഫലം
വെള്ളിയാഴ്ച വൈകുന്നേരം മൂന്ന് മണിക്കാണ് എസ്എസ്എൽസി ഫലങ്ങൾ പ്രഖ്യാപിച്ചത്. വൈകുന്നേരം 4 മണി മുതൽ വിദ്യാർത്ഥികൾക്ക് അവരുടെ വ്യക്തിഗത വിവരങ്ങൾ പരിശോധിക്കാം. വിവിധ സൈറ്റുകൾ വഴിയും, ഡിജിലോക്കർ, എസ്എംഎസ് സേവനങ്ങൾ വഴിയും ഫലങ്ങൾ അറിയാൻ സാധിക്കും.
കേരള എസ്.എസ്.എൽ.സി ഫല ലിങ്ക്
വിദ്യാർത്ഥികൾക്ക് ഇനിപ്പറയുന്ന ഔദ്യോഗിക പോർട്ടലുകളിൽ ഫലം പരിശോധിക്കാം
1. sslcexam.kerala.gov.in
2. results.kite.kerala.gov.in
3. pareekshabhavan.kerala.gov.in
4. prd.kerala.gov.in
എസ്.എസ്.എൽ.സി ഫലം എങ്ങനെ പരിശോധിക്കാം
1.results.kite.kerala.gov.in സന്ദർശിക്കുക
2.’എസ്എസ്എൽസി ഫലം 2025′ ലിങ്കിൽ ക്ലിക്കുചെയ്യുക
3.നിങ്ങളുടെ രജിസ്ട്രേഷൻ നമ്പറും ജനനത്തീയതിയും നൽകുക
4.നിങ്ങളുടെ ഫലം കാണുകയും ഡൗൺലോഡ് ചെയ്യുകയും ചെയ്യുക
5.ഭാവി റഫറൻസിനായി ഒരു പ്രിന്റൗട്ട് അല്ലെങ്കിൽ സ്ക്രീൻഷോട്ട് എടുക്കുക
പരീക്ഷാ ഭവൻ ഫലങ്ങൾ
വിദ്യാർത്ഥികൾ pareekshabhavan.kerala.gov.in സന്ദർശിച്ച് ‘എസ്എസ്എൽസി ഫലം 2025’ ക്ലിക്കുചെയ്ത് ലോഗിൻ ക്രെഡൻഷ്യലുകൾ നൽകി സ്ക്രീനിൽ പ്രദർശിപ്പിച്ച ഫലം ഡൗൺലോഡ് ചെയ്യാം.
സ്കൂൾ തിരിച്ചുള്ള ഫലങ്ങൾ കാണാൻ
1. results.kite.kerala.gov.in സന്ദർശിക്കുക
2. മുകളിലെ ബാറിലെ ‘എസ്എസ്എൽസി ഫലം 2025’ ലിങ്കിൽ ക്ലിക്കുചെയ്യുക
3. ‘സ്കൂൾ തിരിച്ചുള്ള ഫലങ്ങൾ’ ഓപ്ഷൻ തിരഞ്ഞെടുക്കുക
4. നിങ്ങളുടെ സ്കൂൾ കോഡ് നൽകി സബ്മിറ്റ് ബട്ടണിൽ ക്ലിക്കുചെയ്യുക
5. Reference-ന് ഡൗൺലോഡ് ചെയ്ത് സൂക്ഷിക്കുക
ഫലങ്ങളെ പറ്റി
ഫലങ്ങൾ ശ്രദ്ധാപൂർവ്വം പരിശോധിക്കാനും പൊരുത്തക്കേടുകൾ ഉണ്ടെങ്കിൽ സ്കൂളുകളുമായോ പരീക്ഷാ ഭവനുമായോ ബന്ധപ്പെടാനും അധികൃതർ വിദ്യാർത്ഥികളോട് നിർദ്ദേശിച്ചിട്ടുണ്ട്.
