Kerala SSLC Result 2026

വിദ്യാർഥി ജീവിതത്തിലെ ആദ്യ വഴിത്തിരിവാണ് എസ്എസ്എൽസി. പത്താം ക്ലാസ് വിദ്യാർഥികൾ സക്കൻഡറി വിദ്യാഭ്യാസത്തിന് ശേഷം ഹയർ സക്കൻഡറിയിലേക്ക് (പ്ലസ് വൺ) പ്രവേശനം നേടുക, എസ്എസ്എൽസി ഫലത്തിന് അനുസരിച്ചാണ്. മാർച്ച് മാസത്തിലാണ് സാധാരണയായി എസ്എസ്എൽസി പൊതുപരീക്ഷ സംഘടിപ്പിക്കുക. എപ്രിൽ മാസത്തിലെ മൂല്യനിർണയത്തിന് ശേഷം മെയ് മാസത്തിൽ ഫലം പ്രഖ്യാപനം നടത്തുന്നത്. മുൻകാലങ്ങളിൽ റാങ്ക് സിസ്റ്റമായിരുന്നു എസ്എസ്എൽസിക്കുണ്ടായിരുന്നത്, പിന്നീട് അത് മാർക്ക് അടിസ്ഥാനത്തിലായി.

എന്നാൽ 2005 മുതൽ വിദ്യാഭ്യാസ വകുപ്പ് എസ്എസ്എൽസി പരീക്ഷ ഗ്രേഡിങ് സിസ്റ്റത്തിലേക്ക് മാറി. എ പ്ലസ് മുതൽ ഇ വരെ പോയിൻ്റ് സ്കെയിൽ അടിസ്ഥാനത്തിലാണ് ഗ്രേഡിങ് സിസ്റ്റം. എ പ്ലസ് ആണ് ഏറ്റവും ഉയർന്ന ഗ്രേഡ്, എ ഗ്രേഡ്, ബി പ്ലസ്, ബി, സി പ്ലസ്, സി, ഡി പ്ലസ് , ഡി, ഇ എന്നിങ്ങിനെയാണ് ഗ്രേഡ് സിസ്റ്റം. ഏറ്റവും കുറഞ്ഞത് ഡി പ്ലസ് നേടുന്നവർ (30 ശതമാനം മാർക്ക്) ഉന്നത വിദ്യാഭ്യാസത്തിന് യോഗ്യത നേടും. ഒരു വിഷയത്തിന് 90 ശതമാനത്തിൽ മുകളിൽ മാർക്ക് നേടുന്നവർക്ക് എ പ്ലസ് ഗ്രേഡ് ലഭിക്കും, 80 ശതമാനത്തിന് മുകളിലുള്ളവർക്ക് എ ഗ്രഡ് എന്നിങ്ങനെ 30-40 ശതമാനം വരെ മാർക്ക് ലഭിക്കുന്നവർക്ക് ഡി പ്ലസ് നേടി പാസാകാൻ സാധിക്കും