Kerala School Holidays November 2026: നവംബറിൽ കേരളത്തിലെ സ്കൂളുകൾക്ക് എത്ര ദിവസം അവധി?
Kerala School Holidays November 2026 Full List of Holidays and Important Dates: നവംബര്‍ മാസത്തില്‍ വലിയൊരു അവധിക്കാലം പ്രതീക്ഷിക്കേണ്ടതില്ല. ഞായറാഴ്ചകളും പതിവ് ശനിയാഴ്ച അവധികളും തന്നെയായിരിക്കും വിദ്യാര്‍ഥികള്‍ക്ക് പ്രധാന ആശ്വാസം. മാസത്തിന്റെ തുടക്കത്തില്‍ വരുന്ന കേരളപ്പിറവി ദിനവും ദീപാവലിയും ഇത്തവണ ഞായറാഴ്ചയായതിനാല്‍ ഇവയ്ക്കായി പ്രത്യേകമായി മറ്റൊരു അവധി ലഭിക്കില്ല.
പുതിയ അധ്യയനവര്‍ഷത്തിന്റെ തിരക്കുകള്‍ക്കിടയില്‍ അടുത്ത അവധി എപ്പോഴാണെന്നറിയാന്‍ കാത്തിരിക്കുന്നവരാണ് വിദ്യാര്‍ഥികള്‍. ഒക്ടോബറിലെ ആഘോഷങ്ങളും പൂജാ അവധികളും കഴിഞ്ഞതോടെ നവംബറിലെ സ്‌കൂള്‍ അവധി ദിവസങ്ങളെക്കുറിച്ചും അന്വേഷണം തുടങ്ങി. കേരളത്തില്‍ നവംബര്‍ മാസത്തില്‍ ഏതൊക്കെ ദിവസങ്ങളിലാണ് സ്‌കൂളുകള്‍ക്ക് അവധിയുണ്ടാകുക? കേരളപ്പിറവി, ദീപാവലി തുടങ്ങിയ ആഘോഷങ്ങള്‍ ഇത്തവണ സ്‌കൂള്‍ കലണ്ടറിനെ എങ്ങനെ ബാധിക്കും?
നവംബര്‍ മാസത്തില്‍ വലിയൊരു അവധിക്കാലം പ്രതീക്ഷിക്കേണ്ടതില്ല. ഞായറാഴ്ചകളും പതിവ് ശനിയാഴ്ച അവധികളും തന്നെയായിരിക്കും വിദ്യാര്‍ഥികള്‍ക്ക് പ്രധാന ആശ്വാസം. മാസത്തിന്റെ തുടക്കത്തില്‍ വരുന്ന കേരളപ്പിറവി ദിനവും ദീപാവലിയും ഇത്തവണ ഞായറാഴ്ചയായതിനാല്‍ ഇവയ്ക്കായി പ്രത്യേകമായി മറ്റൊരു അവധി ലഭിക്കില്ല.
നവംബറിലെ പ്രധാന ദിവസങ്ങള്‍
നവംബര്‍ ഒന്നിനാണ് കേരളപ്പിറവി. കേരളം രൂപംകൊണ്ടതിന്റെ ഓര്‍മ പുതുക്കുന്ന ഈ ദിനത്തില്‍ വിവിധ സ്‌കൂളുകളില്‍ പ്രത്യേക പരിപാടികളും ആഘോഷങ്ങളും സംഘടിപ്പിക്കാറുണ്ട്. എന്നാല്‍ ഇത്തവണ ഞായറാഴ്ചയായതിനാല്‍ പതിവ് അവധിയായിരിക്കും.
നവംബര്‍ എട്ടിനാണ് ദീപാവലി. രാജ്യത്തിന്റെ വിവിധ ഭാഗങ്ങളില്‍ ആഘോഷിക്കുന്ന ഈ ഉത്സവവും ഇത്തവണ ഞായറാഴ്ചയാണ്. അതിനാല്‍ ദീപാവലിക്കായി പ്രത്യേക പ്രവൃത്തിദിന അവധി ലഭിക്കില്ല.
നവംബര്‍ 14ന് ശിശുദിനമാണ്. കുട്ടികളുടെ അവകാശങ്ങളെക്കുറിച്ചും പ്രാധാന്യത്തെക്കുറിച്ചും ഓര്‍മിപ്പിക്കുന്ന ഈ ദിവസം സ്‌കൂളുകളില്‍ വിവിധ പരിപാടികള്‍ നടക്കും. നവംബര്‍ ഏഴിന് ശ്രീ ചിത്തിര തിരുനാള്‍ ജയന്തിയും വരുന്നു.
Also Read: Kerala PSC: മാറ്റിവെച്ച പരീക്ഷകള്‍ക്കും, ഡിഗ്രി മെയിന്‍സിനും തയ്യാറെടുക്കാം; നവംബറില്‍ ‘എക്‌സാം മേള’
ഞായറാഴ്ചകള്‍ എത്ര?
2026 നവംബറില്‍ അഞ്ച് ഞായറാഴ്ചകളാണുള്ളത്. നവംബര്‍ 1, 8, 15, 22, 29 തീയതികളിലാണ് ഞായറാഴ്ചകള്‍. ഇവയ്ക്ക് പുറമെ സ്‌കൂളുകളുടെ പ്രവര്‍ത്തനക്രമം അനുസരിച്ച് രണ്ടാം ശനിയാഴ്ചയും നാലാം ശനിയാഴ്ചയും അവധിയായിരിക്കും.
പ്രാദേശിക അവധികളും ശ്രദ്ധിക്കണം
സംസ്ഥാനമൊട്ടാകെയുള്ള പൊതുഅവധി ദിവസങ്ങള്‍ക്ക് പുറമെ ചില ജില്ലകളിലും പ്രദേശങ്ങളിലും പ്രത്യേക സാഹചര്യങ്ങളില്‍ പ്രാദേശിക അവധികള്‍ പ്രഖ്യാപിക്കാറുണ്ട്. അതിനാല്‍ എല്ലാ സ്‌കൂളുകളിലെയും അവധി പട്ടിക ഒരുപോലെയായിരിക്കണമെന്നില്ല.
നവംബറില്‍ സ്‌കൂളുകള്‍ക്ക് ലഭിക്കുന്ന അവധികള്‍ അറിയാന്‍ വിദ്യാര്‍ഥികള്‍ സ്വന്തം സ്‌കൂളിന്റെ അക്കാദമിക് കലണ്ടര്‍ പരിശോധിക്കുന്നതാണ് ഉചിതം. വിദ്യാഭ്യാസ വകുപ്പിന്റെ പുതിയ ഉത്തരവുകള്‍ വന്നാല്‍ അവധി ദിവസങ്ങളില്‍ മാറ്റമുണ്ടാകാനും സാധ്യതയുണ്ട്.
English Summary
Kerala schools will observe their regular weekly holidays in November 2026, along with important occasions such as Kerala Piravi and Diwali. Check the month’s key dates, Sundays, special holidays and expected school working days.
