Mohanlal: ഭാര്യ സുചിത്രയ്ക്ക് മോഹൻലാൽ വാങ്ങിയത് കണ്ടോ? മുടക്കിയത് മൂന്നര കോടി! മറ്റൊരു താരത്തിനും അവകാശപ്പെടാൻ കഴിയാത്ത നേട്ടം
Mohanlal Buys Burj Khalifa Apartment: ലോകത്തിലെ തന്നെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയിലാണ് താരദമ്പതികൾക്ക് സ്വന്തമായി ഫ്ലാറ്റുള്ളത്. ബുർജ് ഖലീഫയുടെ 29-ാം നിലയിലാണ് മോഹൻലാലിന്റെ വൺ ബെഡ് റൂം അപ്പാർട്ട്മെന്റ് സ്ഥിതി ചെയ്യുന്നത് എന്നാണ് റിപ്പോർട്ട്.
ഏറെ ആരാധകരുള്ള താരദമ്പതികളാണ് നടൻ മോഹൻലാലും ഭാര്യ സുചിത്രയും. അതുകൊണ്ട് തന്നെ ഇരുവരുടെയും വിശേഷങ്ങൾ അറിയാൻ ആരാധകർക്ക് ഏറെ ആകാംഷയാണ്. ഇപ്പോഴിതാ ഭാര്യ സുചിക്കായി മോഹൻലാൽ സ്വന്തമാക്കിയ ഫ്ലാറ്റിനെക്കുറിച്ചുള്ള വാർത്തകളാണ് പുറത്ത് വരുന്നത്. (Image Credits:Instagram)
ലോകത്തിലെ തന്നെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയിലാണ് താരദമ്പതികൾക്ക് സ്വന്തമായി ഫ്ലാറ്റുള്ളത്. ബുർജ് ഖലീഫയുടെ 29-ാം നിലയിലാണ് മോഹൻലാലിന്റെ വൺ ബെഡ് റൂം അപ്പാർട്ട്മെന്റ് സ്ഥിതി ചെയ്യുന്നത് എന്നാണ് റിപ്പോർട്ട്.
940 ചതുരശ്ര അടി വിസ്തൃതിയുള്ള ഈ അപ്പാർട്ട്മെന്റിൽ നിന്നാൽ ദുബായ് ഫൗണ്ടനും നഗരത്തിന്റെ അതിമനോഹരമായ കാഴ്ച ആസ്വദിക്കാം. 3.5 കോടി രൂപയാണ് ഈ ഫ്ലാറ്റിനായി താരം ചിലവഴിച്ചത്. ഭാര്യ സുചിത്രയുടെ പേരിലാണ് ബുർജ് ഖലീഫയിലെ ഈ ഒറ്റമുറി താരം സ്വന്തമാക്കിയത് എന്നാണ് വിവരം.
കഴിഞ്ഞ കുറച്ച് വർഷങ്ങളായി മോഹൻലാൽ കുടുംബസമേതം ദുബായിലാണ് താമസം. നാട്ടിലെത്തിയാൽ ചെന്നൈയിലും കൊച്ചിയിലുമായാണ് നടൻ താമസിക്കാറുള്ളത്. ലോകത്തിലെ തന്നെ ഏറ്റവും ഉയരം കൂടിയ കെട്ടിടത്തിൽ 163 നിലകളുണ്ട്.
828 മീറ്റർ ഉയരത്തിൽ ഉയർന്ന് നിൽക്കുന്ന കെട്ടിടം 2004ൽ ആണ് നിർമാണ പ്രവൃത്തികൾ ആരംഭിച്ചത്. 2010ലാണ് ബുർജ് ഖലീഫയുടെ നിർമ്മാണം പൂർത്തിയായത്. ബുർജ് ഖലീഫയിൽ ഇന്ത്യയിൽ മോഹൻലാലിന് മാത്രമാണ് സ്വന്തമായി ഫ്ലാറ്റുള്ളത് എന്നാണ് റിപ്പോർട്ട്.
