Anupama Parameswaran: വധുവായി നൃത്തം ചെയ്ത് അനുപമ; ക്രേസി കല്യാണം സ്പെഷ്യൽ പോസ്റ്റർ എത്തി

Anupama Parameswaran’s Birthday Poster from Crazy Kalyanam Unveiled

ഹൈദരാബാദ്: തെന്നിന്ത്യൻ താരം അനുപമ പരമേശ്വരന്റെ ജന്മദിനത്തോടനുബന്ധിച്ച്, താരം പ്രധാന വേഷത്തിലെത്തുന്ന പുതിയ ചിത്രം ക്രേസി കല്യാണം സിനിമയുടെ അണിയറപ്രവർത്തകർ പ്രത്യേക പോസ്റ്റർ പുറത്തുവിട്ടു. വധുവിന്റെ വേഷത്തിൽ നൃത്തം ചെയ്യുന്ന അനുപമയുടെ ചിത്രമാണ് പോസ്റ്ററിലുള്ളത്. ‘കീർത്തി’ എന്ന കഥാപാത്രമായാണ് അനുപമ ഈ ചിത്രത്തിൽ പ്രേക്ഷകർക്ക് മുന്നിലെത്തുന്നത്.

അനുപമയ്‌ക്കൊപ്പം വി കെ നരേഷ്, തരുൺ ഭാസ്കർ, ‘രാജു വെഡ്‌സ് രാംബായ്’ ഫെയിം അഖിൽ ഉദ്ദമരി എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. പൂർണ്ണമായും ഒരു എന്റർടെയ്‌നർ വിഭാഗത്തിൽപ്പെടുന്ന ചിത്രം ഒരു വിവാഹത്തിന്റെ പശ്ചാത്തലത്തിലുള്ള രസകരമായ കഥയാണ് പറയുന്നത്.

അണിയറ പ്രവർത്തകർ

സംവിധാനം ഭദ്രപ്പ ഗജുലയും നിർമ്മാണം ആരോ സിനിമാസിന്റെ ബാനറിൽ ബൂസം ജഗൻ മോഹൻ റെഡിയും നിർവ്വഹിക്കുന്നു. സുരേഷ് ബൊബ്ബിലിയാണ് സം​ഗീതം. തെലങ്കാനയിലെ ഗ്രാമീണ മേഖലകളിലായാണ് സിനിമയുടെ ഭൂരിഭാഗം രംഗങ്ങളും ചിത്രീകരിച്ചിരിക്കുന്നത്.
വിവാഹവും അതിനോടനുബന്ധിച്ചുണ്ടാകുന്ന രസകരമായ സംഭവങ്ങളുമാണ് സിനിമയുടെ ഇതിവൃത്തം എന്ന് അണിയണ പ്രവർത്തകർ പങ്കുവെയ്ക്കുന്നു. അനുപമയുടെ വേറിട്ട പ്രകടനം കാണാനായി കാത്തിരിക്കുകയാണ് ആരാധകർ.