Big Boss Malayalam Season 8: താൻ കാരണം ഞാൻ സ്നേഹിച്ച പാർട്ടി പോലും എന്നെ കൂവി പുറത്താക്കി, എല്ലാം നഷ്ടപ്പെട്ടു! പൊട്ടിക്കരഞ്ഞ് റിനി ആൻ ജോർജ്

Rini Ann George

ബിഗ് ബോസ് വീട്ടിൽ പൊട്ടിക്കരഞ്ഞു നടി റിനി ആൻ ജോർജ്. ഷോയിൽ എത്തിയത് മുതൽ റിനിയുമായി കൊമ്പ് കോർക്കുകയാണ് രാഹുൽ ഈശ്വർ. അത്തരത്തിൽ രാഹുൽ ഈശ്വർ കാരണം താൻ ഷോ വിട്ടു പോവുകയാണ് എന്നാണ് ഇനി റിനി പറയുന്നത്. തനിക്കിനിയിവിടെ നിൽക്കണ്ടെന്നും താൻ എന്റെ കരിയറും ജീവിതവും എല്ലാം നശിപ്പിച്ചുവെന്ന് റിനി പറയുന്നു. ഇരുവരും തമ്മിൽ ഉണ്ടായ വാക്കു തർക്കത്തിനടുവിൽ പൊട്ടിക്കരയുന്ന റിനിയോട് ഒരു മുപ്പത് സെക്കൻഡ് എനിക്ക് തരൂ എന്ന് രാഹുൽ ഈശ്വർ പറയുന്നുമുണ്ട്.

റിനിയുടെ വാക്കുകൾ ഇങ്ങനെ

നിങ്ങളെ ഞാൻ ഏതെങ്കിലും രീതിയിൽ പ്രതിയാക്കിയിട്ടുണ്ടോ? പിന്നെ എന്തിനാണ് നിങ്ങൾ എന്നോട് ഇങ്ങനെ ചെയ്യുന്നത്. ഞാനിപ്പോഴും ആ ട്രോമയിൽ നിന്നും രക്ഷപ്പെട്ടിട്ടില്ല. എനിക്ക് മാനസികമായി നല്ല പ്രയാസമുണ്ട്. ഞാനീ ഷോയിൽ നിൽക്കണമെന്ന് താൻ ആഗ്രഹിക്കുന്ന പോലെ തന്നെ താൻ ഇവിടെ വേണമെന്ന് ഞാനും ആ​ഗ്രഹിക്കുന്നു. നിങ്ങൾ എന്നോട് സംസാരിക്കാൻ വരണ്ട. ഒരു സ്ത്രീയോട് ചെയ്യാവുന്നതിന്റെ പരമാവധി ഈ സമൂഹം എന്നോട് ചെയ്തിട്ടുണ്ട്. നിങ്ങളെല്ലാവരും കൂടി എന്നെ പുറത്താക്കിക്കോ എനിക്ക് പുറത്തു പോകണം എനിക്ക് ഇവിടെ പറ്റില്ല.

ALSO READ:വമ്പൻ ട്വിസ്റ്റ്! ഗായത്രി സുരേഷ് ബിഗ് ബോസ് വീടിന് പുറത്തേക്ക്

എന്റെ എല്ലാ സാധ്യതകളും തകർന്ന ഒരു സമൂഹത്തിൽ നിന്നുമാണ് ഞാൻ വരുന്നത്. എനിക്ക് കുറച്ച് പൈസ തരാമോ എങ്കിൽ ഞാൻ പൊയ്ക്കോളാം. അതും കൂടി ഇല്ലാത്ത അവസ്ഥയിലാണ് ഞാനിപ്പോൾ ഇവിടെ എത്തിയിരിക്കുന്നത്. എന്റെ കരിയറിൽ നിന്ന് പോലും താനെന്നെ തകർത്തു കളഞ്ഞു. എനിക്ക് ബിഗ് ബോസിനെ കുറിച്ച് ഒന്നുമറിയില്ലായിരുന്നു. എന്നെ എല്ലാവിധത്തിലും തകർത്തു കളഞ്ഞതിൽ പ്രധാനി താനാണ്.

ആര് മറന്നാലും ഞാൻ തന്നെ മറക്കില്ല. എന്നെ ജീവിക്കാൻ പോലും സമ്മതിക്കില്ല. എന്റെ പാർട്ടി ഞാൻ ഇഷ്ടപ്പെട്ട ഒരു പാർട്ടി ഉണ്ടായിരുന്നു ആ പാർട്ടിയിൽ നിന്ന് പോലും എന്നെ ആളുകൾ പുറത്താക്കി അത് താൻ കാരണമാണ്. എന്നെ അത്രയ്ക്ക് താൻ വേദനിപ്പിച്ചു.

എന്നാണ് റിനി ആൻ ജോർജ് പറയുന്നത്. അതേസമയം ഇതൊക്കെ പുറത്തുള്ള കാര്യങ്ങളാണ് പുറത്തുനിന്നും സംഭവിച്ച കാര്യങ്ങൾ ഹൗസിനുള്ളിൽ സംസാരിക്കരുത് എന്ന് ബിഗ്ബോസ് തന്നെ ഇരുവർക്കും മുന്നറിയിപ്പ് നൽകിയിട്ടുണ്ട്.അതേസമയം ബിഗ് ബോസ് വീട്ടിൽ റിനി ആൻ ജോർജ് വേണ്ടത് തന്റെ ആവശ്യമാണെന്നാണ് രാഹുൽ ഈശ്വർ പറയുന്നത്. റിനി ഇവിടെ വേണം എനിക്ക് ഒരുപാട് കണക്കുകൾ തീർക്കാനുണ്ട് അതിന് റിനി ഇവിടെത്തന്നെ വേണമെന്നും രാഹുൽ പ്രതികരിച്ചു.

ENGLISH SUMMARY

Actress Rini Ann George burst into tears in the Bigg Boss house. Rahul Easwar has been fighting with Rini since she entered the show. Now Rini says that she is leaving the show because of Rahul Easwar. Rini says that she does not want to stay here anymore and that he has ruined my career and life.