Actor Vishnu Prasad Death: സിനിമ സീരിയൽ നടൻ വിഷ്ണു പ്രസാദ് അന്തരിച്ചു
Vishnu Prasad Passes Away:കഴിഞ്ഞ കുറച്ച് നാളായി നടന്റെ ആരോഗ്യനില വഷളായിരുന്നു. വിഷ്ണുപ്രസാദിന് കരൾ മാറ്റിവയ്ക്കൽ ശസ്ത്രക്രിയ നടത്താനുള്ള ഒരുക്കത്തിലായിരുന്നു കുടുംബം. കരൾ നൽകാൻ മകൾ തയാറായിരുന്നു.
കൊച്ചി: സിനിമാ – സീരിയൽ താരം വിഷ്ണു പ്രസാദ് അന്തരിച്ചു. കരൾ രോഗത്തെ തുടർന്ന് ഏറെ നാളായി ചികിത്സയിലായിരുന്നു. നടൻ കിഷോർ സത്യ തന്റെ ഫേസ്ബുക്ക് പോസ്റ്റിലൂടെയാണ് നടന്റെ വിയോഗ വാർത്ത പങ്കുവച്ചത്.
കഴിഞ്ഞ കുറച്ച് നാളായി നടന്റെ ആരോഗ്യനില വഷളായിരുന്നു. വിഷ്ണുപ്രസാദിന് കരൾ മാറ്റിവയ്ക്കൽ ശസ്ത്രക്രിയ നടത്താനുള്ള ഒരുക്കത്തിലായിരുന്നു കുടുംബം. കരൾ നൽകാൻ മകൾ തയാറായിരുന്നു. ചികിത്സയ്ക്കായി 30 ലക്ഷത്തോളം രൂപ ചെലവ് വരുമെന്നും നേരത്തെ നടൻ കിഷോർ സത്യ പറഞ്ഞിരുന്നു. സീരിയൽ ആർടിസ്റ്റുകളുടെ സംഘടനയായ ആത്മയിൽ നിന്നും സാമ്പത്തിക സഹായം നൽകുമെന്ന് കിഷോർ വ്യക്തമാക്കിയിരുന്നു. താരസംഘടനയായ അമ്മയിലും വിഷ്ണു പ്രസാദ് അംഗമാണ്.
പ്രിയപ്പെട്ടവരേ,
ഒരു സങ്കട വാർത്ത… വിഷ്ണു പ്രസാദ് അന്തരിച്ചു. കുറച്ച് നാളുകളായി രോബാധിതനായി ചികിത്സയിൽ ആയിരുന്നു. ആദരാജ്ഞലികൾ…
അദ്ദേഹത്തിന്റെ അകാല വിയോഗം നേരിടാൻ കുടുംബത്തിന് ശക്തിയുണ്ടാവട്ടെ എന്നും പ്രാർത്ഥിക്കുന്നു..
സിനിമ സീരിയലിൽ സജീവമായ നടൻ കാശി, കൈ എത്തും ദൂരത്ത്, റൺവേ, മാമ്പഴക്കാലം, ലയൺ, ബെൻ ജോൺസൺ, ലോകനാഥൻ ഐഎഎസ്, പതാക, മാറാത്ത നാട് തുടങ്ങിയ സിനിമകളിൽ അഭിനയിച്ചിരുന്നു.
