ഐപിഎൽ താരലേലം

ഐപിഎൽ പോലെ ക്രിക്കറ്റ് ആരാധകർ ആവേശത്തോടെ കാത്തിരിക്കുന്നതാണ് താരലേലം. തങ്ങളുടെ പ്രിയ ടീമുകൾ ഏതെല്ലാം താരത്തെയാണ് പണം വാരിയെറിഞ്ഞും തന്ത്രപൂർവ്വവും സ്വന്തമാക്കുക എന്ന് കാണാൻ കാത്തിരിക്കുകയാണ് ആരാധകർ. താരലേലം ആരംഭിക്കുന്നതിന് ദിവസങ്ങൾക്ക് മുമ്പെ ആരാധകർ തങ്ങളുടെ ടീം ആരെയൊക്കെ സ്വന്തമാക്കുമെന്ന കണക്ക് കൂട്ടിലുകൾ ആരംഭിക്കുകയും ചെയ്യും. രണ്ട് തരത്തിലുള്ള താരലേലമാണ് ഐപിഎല്ലിനുള്ളത്. ഒന്ന് മെഗാതാരലേലം രണ്ട് മിനി-താരലേലം. സാധാരണയായി മിനി താരലേലമാണ് നടക്കാറുള്ളത്. എന്നാൽ നാല് സീസണുകൾക്ക് ശേഷം ഐപിഎൽ മെഗാ താരലേലം സംഘടിപ്പിക്കും.

മിനി താരലേലത്തിൽ ടീമിൽ ചെറിയ മാറ്റങ്ങൾ വരുത്തി പുതിയ താരങ്ങളെ എത്തിക്കാനാണ് ഫ്രാഞ്ചൈസികൾ ശ്രമിക്കുക. മെഗതാരലേലത്തിൽ ടീമിനെ അടിമുടി മാറ്റം വരുത്തുകയാണ് ഫ്രാഞ്ചൈസികൾ ചെയ്യാറുള്ളത്. പരമാവധി ആറ് താരങ്ങളെ ഒരു ടീമിന് മെഗതാരലേലത്തിന് മുന്നോടിയായി നിലനിർത്താൻ സാധിക്കൂ.