Prem Kumar: പ്രേംകുമാറിനെ മാറ്റിയതിന് കാരണമുണ്ട്! വിശദമാക്കി സജി ചെറിയാൻ

Prem Kumar Controversy

കേരള ചലച്ചിത്ര അക്കാദമിയിൽ പുതിയ ഭാരവാഹികളെ നിയമിച്ച വിവരം അറിയിച്ചില്ല എന്ന മുൻ ചെയർപേഴ്സൺ പ്രേംകുമാറിന്റെ പ്രതികരണത്തിന് വിശദീകരണവുമായി സാംസ്കാരിക വകുപ്പ് മന്ത്രി സജി ചെറിയാൻ. നിലപാടുകളുടെയോ അഭിപ്രായങ്ങളുടെയോ പേരിലല്ല പ്രേംകുമാറിനെ സ്ഥാനത്തു നിന്നും മാറ്റിയത് എന്നും കാലാവധി കഴിഞ്ഞതു കൊണ്ടാണ് നടപടി എന്നും മന്ത്രി സജി ചെറിയാൻ പറഞ്ഞു.

പ്രേംകുമാറിന്റെ പ്രവർത്തനങ്ങൾ തൃപ്തികരമാണെന്നും തെറ്റിദ്ധാരണ ഉണ്ടായ സാഹചര്യത്തിലാണ് ഇക്കാര്യത്തിൽ വ്യക്തത വരുത്തുവാൻ ആഗ്രഹിച്ചത് എന്നും സജി ചെറിയാൻ ഫേസ്ബുക്ക് പോസ്റ്റിൽ പങ്കുവെച്ച പ്രസ്താവനയിലൂടെ പറഞ്ഞു.

സർക്കാർ സംവിധാനങ്ങളുമായി ചേർന്ന് പ്രവർത്തിക്കുന്ന സാംസ്കാരിക പ്രവർത്തകർക്ക് അവരുടെ സ്വതന്ത്രമായി അഭിപ്രായങ്ങൾ പ്രകടിപ്പിക്കാനുള്ള എല്ലാ അവകാശവും ഈ സർക്കാർ അംഗീകരിച്ച് നൽകുന്നുണ്ടെന്നും അത് ഗവൺമെന്റിന്റെയും നയിക്കുന്ന ഇടതുപക്ഷ ജനാധിപത്യം മുന്നണിയുടെ നിലപാടുകളുമായി എപ്പോഴും യോജിച്ചു പോകണമെന്ന് തങ്ങൾക്ക് യാതൊരു നിർബന്ധവുമില്ല. ജനാധിപത്യപരമായ ഈ സ്വാതന്ത്ര്യം നിറയെ പിടിച്ചു കൊണ്ടാണ് പ്രമുഖരായ സംസ്കാരിക നായകരെ വിവിധ സ്ഥാപനങ്ങളുടെ ഭാരവാഹികളായ നിയമിച്ചിരിക്കുന്നത്.

അതുകൊണ്ടുതന്നെ സച്ചിദാനന്ദൻ മാഷിന്റെയും പ്രേംകുമാറിന്റെയും അഭിപ്രായങ്ങളെ വ്യക്തിപരമായ നിലപാടുകളായി മാത്രമാണ് ഈ സർക്കാർ കാണുന്നതെന്നും അത്തരം പ്രകടനങ്ങളുടെ പേരിൽ ആരെയും മാറ്റിനിർത്തുന്ന പ്രവണത ഈ സർക്കാർ ഇല്ല എന്നും മന്ത്രി സജി ചെറിയാൻ പ്രസ്താവനയിലൂടെ വ്യക്തമാക്കി.