National Film Awards 2024: നിറയെ മധുരമുള്ള ‘സൗദി വെള്ളക്ക’; ദേശീയ അവാര്ഡ് ശോഭ പരത്തുന്ന വെള്ളക്ക
Saudi Vellakka Movie: എഴുപതാമത് ദേശീയ ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച നടനായി കാന്താരയിലെ അഭിനയത്തിന് ഋഷഭ് ഷെട്ടിയെ തിരഞ്ഞെടുത്തു. നടിമാരായി രണ്ട് പേരെ തിരഞ്ഞെടുത്തു. നിത്യാ മേനോനും, മാനസി പാരേഖുമാണ് മികച്ച നടിമാരായി തിരഞ്ഞെടുക്കപ്പെട്ടത്.
70ാം ദേശീയ ചലച്ചിത്ര പുരസ്കാരങ്ങള് പ്രഖ്യാപിച്ചപ്പോള് മികച്ച മലയാള സിനിമയ്ക്ക് അര്ഹമായിരിക്കുകയാണ് സൗദി വെള്ളക്ക. അവാര്ഡ് ലഭിക്കുമെന്ന് പ്രതീക്ഷിച്ചിരുന്ന ചിത്രങ്ങളെയെല്ലാം കടത്തിവെട്ടി കൊണ്ടാണ് സൗദി വെള്ളക്ക അവാര്ഡ് കരസ്ഥമാക്കിയത്.Facebook Image
സംവിധായകന് തരുണ് മൂര്ത്തിയുടെ രണ്ടാമത് ചിത്രം കൂടിയാണിത്. കൊച്ചിയിലെ സൗദി എന്ന നാട്ടുമ്പുറത്ത് നടക്കുന്ന കഥയാണ് ചിത്രം സംസാരിക്കുന്നത്. കൊച്ചി തമ്മനത്തിനടുത്തുള്ള സൗദിയെന്ന ഗ്രാമത്തില് ജീവിക്കുന്ന അഭിലാഷ് ശശിധരന്റെ ജീവിതത്തില് സംഭവിക്കുന്ന കാര്യങ്ങളാണ് സിനിമയ്ക്ക് ആധാരം. Facebook Image
അതിര്ത്തിയുടെ പേരില് അടിയായ രണ്ട് വീടുകള്. അവിടെയാണ് കഥ നടക്കുന്നത്. അതില് ഒരു വീട്ടിലെ വല്യുമ്മ ആയിഷ റാവുത്തര് തൊട്ടടുത്ത വീടിന്റെ ടെറസില് കളിച്ചുകൊണ്ടിരുന്ന കുട്ടിയെ അടിക്കുന്നു. Facebook Image
ആ വീട്ടില് ഒരു കുട്ടി ട്യൂഷന് വന്നതാണ് അവന്. അവന്റെ വായിലെ പല്ല് പോകുന്നു. അയല്വാസി ഇത് പെരുപ്പിച്ച് കാണിച്ച് പോലീസില് പരാതി കൊടുക്കുന്നു. പതിമൂന്ന് വര്ഷം കേസ് നടക്കും. ദാരിദ്ര്യം നിറഞ്ഞ ചുറ്റുപാടില് ആ ഉമ്മ എങ്ങനെ ജീവിക്കുന്നുവെന്നതാണ് സിനിമ പറയുന്നത്. Facebook Image
ദേവി വര്മ, ധന്യ അനന്യ, സുജിത് ശങ്കര്, ലുക്മാന്, ബിനു പപ്പന്, ദേവകി രാജേന്ദ്രന്, ശ്രിന്ദ, വിന്സി അലോഷ്യസ് തുടങ്ങിയവരാണ് ചിത്രത്തില് പ്രധാന വേഷത്തിലെത്തിയിരിക്കുന്നത്. Facebook Image
