Actress Manaal Sheeraz: പറവയിലെ ആ പാവം സുറുമി ഇപ്പോൾ എവിടെയാണ്?; മനാൽ ഷിറാസിൻ്റെ ഈ മാറ്റം പ്രതീക്ഷിക്കാത്തത്
Parava Actress Manaal Sheeraz: ഇർഷാദിന്റെ മകളായി, മട്ടാഞ്ചേരിയുടെ പശ്ചാത്തലത്തിൽ തട്ടമിട്ട്, അതിമനോഹരമായ ചിരിയോടെ സ്ക്രീനിലെത്തിയ ആ കൊച്ചു പെൺകുട്ടി ഒരൊറ്റ ചിത്രം കൊണ്ട് തന്നെ പ്രേക്ഷകരുടെ പ്രിയങ്കരിയായി മാറി. 'സുറുമി' എന്ന കഥാപാത്രത്തെ വെള്ളിത്തിരയിൽ അനശ്വരമാക്കിയ മനാൽ ഷിറാസ് (Manal Shiraz) ഇപ്പോൾ എവിടെയാണ്? മലയാളികൾ എല്ലാവരും ഒരേ സ്വരത്തിൽ അന്വേഷിക്കുന്ന കാര്യമാണിത്.
സൗബിൻ ഷാഹിർ സംവിധാനം ചെയ്ത് 2017-ൽ തീയേറ്ററുകളിൽ വൻ വിജയമായി മാറിയ ‘പറവ’ (Parava) എന്ന ചിത്രത്തിലെ ‘സുറുമി’ എന്ന കഥാപാത്രത്തെ അത്ര പെട്ടെന്നൊന്നും മലയാളി പ്രേക്ഷകർക്ക് മറക്കാൻ കഴിയില്ല. ഇർഷാദിന്റെ മകളായി, മട്ടാഞ്ചേരിയുടെ പശ്ചാത്തലത്തിൽ തട്ടമിട്ട്, അതിമനോഹരമായ ചിരിയോടെ സ്ക്രീനിലെത്തിയ ആ കൊച്ചു പെൺകുട്ടി ഒരൊറ്റ ചിത്രം കൊണ്ട് തന്നെ പ്രേക്ഷകരുടെ പ്രിയങ്കരിയായി മാറി. ‘സുറുമി’ എന്ന കഥാപാത്രത്തെ വെള്ളിത്തിരയിൽ അനശ്വരമാക്കിയ മനാൽ ഷിറാസ് (Manal Shiraz) ഇപ്പോൾ എവിടെയാണ്? മലയാളികൾ എല്ലാവരും ഒരേ സ്വരത്തിൽ അന്വേഷിക്കുന്ന കാര്യമാണിത്.
പറവ എന്ന ചിത്രത്തിൻ്റെ വലിയ വിജയത്തിന് ശേഷം സിനിമകളിൽ മനാലിനെ അധികം കണ്ടില്ല. തന്റെ പഠനത്തിന് മുൻഗണന നൽകിയ താരം താല്കാലികമായി സിനിമയിൽ നിന്നും മോഡലിംഗിൽ നിന്നും ചെറിയൊരു ഇടവേള എടുക്കുകയായിരുന്നു. വർഷങ്ങൾക്ക് ശേഷം മനാൽ ഷിറാസിന്റെ ഏറ്റവും പുതിയ ഇൻസ്റ്റാഗ്രാം ചിത്രങ്ങൾ കണ്ട ആരാധകർ ശരിക്കും അത്ഭുതപ്പെട്ടിരിക്കുകയാണ്. കൊച്ചി സ്വദേശിയാണ് മനാൽ ഷീറാസ്. അന്ന് സ്കൂൾ കുട്ടിയുടെ വേഷത്തിൽ സുറുമിയായി പ്രേക്ഷകർക്ക് മുന്നിലെത്തിയ മനാലിന്റെ ട്രാൻസ്ഫോർമേഷൻ വീഡിയോ സോഷ്യൽമീഡിയയിൽ ഇടയ്ക്ക് വൈറലായിരിന്നു.
ക്രീം കോൺ നിറത്തിലുള്ള അനാർക്കലിയണിഞ്ഞ് അന്നത്തേ അതേ പുഞ്ചിരിയോടെ ക്യാമറയ്ക്ക് മുന്നിലേക്ക് വീണ്ടും എത്തിയ മനാൽ ഇന്ന് വളർന്ന് വലുതായിരിക്കുന്നു. ട്രാൻസ്ഫോർമേഷൻ വീഡിയോക്ക് പുറമെ മനാൽ നൃത്തം ചെയ്യുന്ന വീഡിയോയും സോഷ്യൽമീഡിയയിൽ പങ്കുവെച്ചിരുന്നു. ഫോട്ടോ ഷൂട്ടിലൂടെയും മറ്റും സോഷ്യൽമീഡിയയിൽ സജീവമാണ് നടി. മോഡലിംഗ് രംഗത്ത് ഇപ്പോൾ സജീവമാണ് മനാൽ ഷിറാസ്. മികച്ച കഥാപാത്രങ്ങൾ ലഭിച്ചാൽ താരം ബിഗ് സ്ക്രീനിലേക്ക് ശക്തമായ ഒരു തിരിച്ചുവരവ് നടത്തുമെന്ന പ്രതീക്ഷയിലാണ് സിനിമാ പ്രേമികൾ. ‘പറവ’ എന്ന ഒരൊറ്റ ചിത്രം കൊണ്ട് മലയാളികളുടെ മനസ്സിൽ ഇടം നേടിയ ഈ കൊച്ചിൻ സുന്ദരിയുടെ പുതിയ ലുക്കുകൾക്ക് സോഷ്യൽ മീഡിയയിൽ കൈയടി കൂടുകയാണ്.
പറവ ചിത്രം
സൗബിൻ ഷാഹിർ ആദ്യമായി സംവിധാനം ചെയ്ത് 2017-ൽ പുറത്തിറങ്ങിയ ‘പറവ’ മലയാള സിനിമയിലെ തനതായ ദൃശ്യാനുഭവങ്ങളിൽ ഒന്നാണ്. മട്ടാഞ്ചേരിയുടെ പശ്ചാത്തലത്തിൽ, പ്രാവ് വളർത്തൽ മത്സരവും രണ്ട് കൂട്ടുകാരുടെ സൗഹൃദവും പ്രമേയമാക്കിയ ചിത്രം ബോക്സ് ഓഫീസിൽ വൻ വിജയമാണ് നേടിയത്. ദുൽഖർ സൽമാൻ അവതരിപ്പിച്ച ‘ഇമ്രാൻ’ എന്ന കഥാപാത്രം ചിത്രത്തിന്റെ ഏറ്റവും വലിയ ആകർഷണമായിരുന്നു. കുറഞ്ഞ സമയം മാത്രമേ സ്ക്രീനിൽ ഉള്ളൂവെങ്കിലും ചിത്രത്തിന്റെ വഴിത്തിരിവ് ഈ കഥാപാത്രമാണ്. ഷെയ്ൻ നിഗം, അർജുൻ അശോകൻ, സിദ്ദിഖ്, ഇന്ദ്രൻസ്, സൗബിൻ ഷാഹിർ, ജേക്കബ് ഗ്രിഗറി, മനാൽ ഷിറാസ് (സുറുമി) തുടങ്ങിയവരാണ് മറ്റ് കഥാപാത്രങ്ങൾ.
മട്ടാഞ്ചേരിയിലെ പ്രാവ് വളർത്തൽ എന്ന പ്രാദേശിക വിനോദത്തെ ചുറ്റിപ്പറ്റിയാണ് കഥ വികസിക്കുന്നത്. ഇർഷാദ്, ഹസീബ് എന്നീ രണ്ട് സ്കൂൾ കുട്ടികളുടെ ആഗ്രഹങ്ങളും അവരുടെ സൗഹൃദവും പ്രാവുകളോടുള്ള സ്നേഹവുമെല്ലാം വളരെ സ്വാഭാവികമായി സിനിമയിൽ ദൃശ്യവൽക്കരിച്ചിരിക്കുന്നു. കുട്ടിക്കാലത്തെ കുസൃതികൾക്കൊപ്പം തന്നെ മുൻകാലത്തുണ്ടായ ചില വ്യക്തിപരമായ ശത്രുതകളും പ്രതികാരങ്ങളും സിനിമയുടെ രണ്ടാം പകുതിയെ ഗൗരവമുള്ളതാക്കുന്നു.
English Summary:
Parava movie Actress Manaal Sheeraz alias Surumi Transformation Images goes viral in social media. Check out her stylish new look and modeling updates here.
