Rachana Narayanankutty: “സെലിബ്രിറ്റി നർത്തകരെ പല നർത്തകർക്കും പരമ പുച്ഛം..”; രചന നാരായണൻകുട്ടിയുടെ കുറിപ്പ് വൈറലാകുന്നു

Rachana Narayanankutty

മലയാളികൾക്ക് പ്രിയപ്പെട്ട നടിയും മികച്ച നർത്തകിയുമാണ് രചന നാരായണൻകുട്ടി. നടി രചന നാരായണൻകുട്ടി സോഷ്യൽ മീഡിയയിൽ പങ്കുവച്ച ഒരു കുറിപ്പാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. സെലിബ്രിറ്റികളായ നർത്തകരോട് മറ്റ് നർത്തകർക്ക് പുച്ഛ മനോഭാവമാണെന്നാണ് താരം കുറിപ്പിലൂടെ തുറന്നടിച്ചത്. രചനയുടെ ഫേസ്ബുക്ക് പേജിലൂടെയാണ് താരം തൻ്റെ മനസ്സ് തുറന്നത്.

രചന നാരയണൻകുട്ടിയുടെ വാക്കുകൾ ഇങ്ങനെ

“സെലിബ്രിറ്റി നർത്തകരെ അങ്ങനെ ഒരു വിളിപ്പേരില്ലാത്ത പല നർത്തകർക്കും പൊതുവേ പരമ പുച്ഛം ആണ്. നമുക്ക് കിട്ടുന്ന കൂടുതൽ അവസരങ്ങളും കൂടുതൽ പ്രതിഫലവും ആണ് എല്ലാരുടേയും വിഷയം. എന്നാൽ ഈ പലർക്കും അവരുടെ നൃത്ത വിദ്യാലയത്തിന്റെ വാർഷിക ആഘോഷത്തിനു അതിഥി ആയും, പെർഫോമേഴ്സ് ആയും ഈ കഴുവേറികൾ/കഴിവേറികൾ തന്നെ വേണം. .. മാർക്കറ്റിങ് ആണ് ഉദ്ദേശം.

ALSO READ: ഹാഷിറിനും കൂട്ടുകാർക്കും നല്ല ബുദ്ധിയാണ്, റീലിലെ പോലെയല്ല; എയ്ഞ്ചൽ മരിയ

കുറിപ്പ് (തികച്ചും വ്യക്തിപരം) : ചെറുപ്പം മുതലേ എന്നെ അറിയുന്നവർക്ക് ഞാൻ ഒരു സെലിബ്രിറ്റി നർത്തക അല്ല. എന്നാൽ ഈ കഴുവേറി/കഴിവേറി, മറിമായം എന്ന സീരീസിലും 30 ഓളം ചലച്ചിത്രങ്ങളിലും അഭിനയിച്ചപ്പോൾ തന്റേതല്ലാത്ത കാരണങ്ങളാൽ അങ്ങനെ ഒക്കെ ആയിപോയി. ആ സ്റ്റാറ്റസ് മുതലാക്കി, മാർക്കറ്റിങ് സക്സസ് ആയതിനു ശേഷം, മാറി നിന്നു പരസ്യമായും രഹസ്യമായും സെലിബ്രിറ്റി നർത്തകരെ കുറ്റപ്പെടുത്താൻ വ്യഗ്രത കൂട്ടുന്ന, ആ വിളിപ്പേര് ഇല്ലാത്ത “പലർക്കും” മൂക്കത്തു വിരൽ വച്ച്, എന്റെ ഉള്ളു നിറഞ്ഞ പുഞ്ചിരി.

NB : സെലിബ്രിറ്റി ആയും അല്ലാതേയും എന്നെ ​ഗസ്റ്റ് ആയും പെർഫോമർ ആയും “സ്നേഹത്തോടെ“(പ്രതിഫലം തന്നും ഒപ്പം തരാതേയും) ആര് ക്ഷണിച്ചാലും ഒഴിവുണ്ടെങ്കിൽ ഞാൻ ഇനിയും പോകും. നാളെ തിരിഞ്ഞു നിന്നും, മുന്നിൽ നിന്നും എന്നെ കുറ്റം പറയും എന്ന കഴിവേറിയ ബോധത്തോടെ തന്നെ.

കുറിപ്പ് വായിക്കാം