Karnataka: സ്കൂൾ ഹോസ്റ്റലിൽ 16കാരി പ്രസവിച്ചു; 23 കാരൻ അറസ്റ്റിൽ

പ്രതീകാത്മക ചിത്രം

കർണാടക: പത്താംക്ലാസ് വിദ്യാർത്ഥിനി സർക്കാർ സ്കൂൾ ഹോസ്റ്റലിൽ ശുചിമുറിയിലെ പ്രസവിച്ചു. സംഭവത്തിൽ പോക്സോ വകുപ്പുകൾ ചുമത്തി 23കാരനെ അറസ്റ്റ് ചെയ്തു. ജില്ലാ ശിശു സംരക്ഷണ ഓഫീസർ മഹന്ത് സ്വാമിയാണ് എഫ്ഐആർ ഫയൽ ചെയ്തത്. 23കാരൻ തന്നെ ഭീഷണിപ്പെടുത്തി ദുരുപയോഗം ചെയ്തതായി പെൺകുട്ടി ജില്ലാ ശിശു സംരക്ഷണ ഉദ്യോ​ഗസ്ഥനോട് അറിയിച്ചു.

കർണാടകയിലെ കൊപ്പലിലെ ശ്രി ഡി ദേവരാജ് പ്രീ മെട്രിക് ഗേൾസ് ഹോസ്റ്റലിലാണ് സംഭവം. ബുധനാഴ്ച രാവിലെയാണ് 16 വയസ് പ്രായമുള്ള പെൺകുട്ടി ആൺകുഞ്ഞിന് ജന്മം നൽകിയത്. ഹോസ്റ്റലിൽ വിദ്യാർത്ഥിനി കുഞ്ഞിന് ജന്മം നൽകിയതായി ഹോസ്റ്റൽ ജീവനക്കാർ‌ സഖി കേന്ദ്രത്തിൽ വിളിച്ച് അറിയിക്കുകയായിരുന്നു.

ഏപ്രിൽ മാസത്തിൽ നിരവധി തവണയാണ് 23കാരൻ വിദ്യാർത്ഥിനിയെ പീഡിപ്പിച്ചത്. വിവാഹ വാഗ്ദാനം നൽകിയായിരുന്നു പീഡിപ്പിച്ചത്. പ്രായപൂർത്തിയായിട്ടില്ലെന്ന് തിരിച്ചറിഞ്ഞ ശേഷം ബല പ്രയോഗത്തിലൂടെ ലൈംഗിക ബന്ധം പുലർത്തിയെന്നാണ് വിദ്യാർത്ഥിനി മൊഴി.

സംഭവത്തിൽ മറ്റ് ആറു പേർക്കെതിരെയും കേസ് എടുത്തിട്ടുണ്ട്. വിദ്യാർത്ഥിയെ സംരക്ഷിക്കുന്നതിൽ വീഴ്ച വരുത്തിയതിന് ഹോസ്റ്റലിലെ ജീവനക്കാർ, അധ്യാപകർ, ആരോഗ്യ പ്രവർത്തക അടക്കമുള്ള ആറ് പേർക്കെതിരെയാണ് കേസ് എടുത്തത്. വിദ്യാർത്ഥിനിക്കും നവജാത ശിശുവിനും ചികിത്സ ലഭ്യമാക്കിയിട്ടുണ്ട്.