Silk Board Flyover: ട്രാഫിക് ബ്ലോക്കില് പെട്ടുപോകും! സില്ക്ക് ബോര്ഡ് ഡബിള് ഡെക്കര് ഫ്ളൈഓവര് തുറക്കുന്നു
Silk Board Flyover Opens Fully in Bengaluru Relief Now New Traffic Risk: ബെംഗളൂരുവിലെ ആദ്യ ഡബിള് ഡെക്കര് ഫ്ളൈഓവറാണ് സില്ക്ക് ബോര്ഡ്. വര്ഷങ്ങളോളം നീണ്ടുനിന്ന നിര്മാണപ്രവര്ത്തനങ്ങള് കൂടിയായിരുന്നു സില്ക്ക് ബോര്ഡ് ഡബിള് ഡെക്കറിന്റേത്. പൂര്ണമായി പാത തുറക്കുന്നതോടെ വാഹനങ്ങള്ക്ക് അതിവേഗം കടന്നുപോകാനാകും എന്ന പ്രതീക്ഷയിലാണ് അധികൃതര്.
ബെംഗളൂരുവിലെ ഏറ്റവും തിരക്കേറിയ ഭാഗങ്ങളിലൊന്നാണ് സില്ക്ക് ബോര്ഡ്. ഇപ്പോഴിതാ സില്ക്ക് ബോര്ഡ് ഡബിള് ഡെക്കര് ഫ്ളൈഓവര് തുറക്കാന് പോകുന്നുവെന്ന വാര്ത്തയുമായി എത്തിയിരിക്കുകയാണ് ബെംഗളൂരു ട്രാഫിക് പോലീസ്. ബെംഗളൂരുവിലെ ആദ്യ ഡബിള് ഡെക്കര് ഫ്ളൈഓവറാണ് സില്ക്ക് ബോര്ഡ്. വര്ഷങ്ങളോളം നീണ്ടുനിന്ന നിര്മാണപ്രവര്ത്തനങ്ങള് കൂടിയായിരുന്നു സില്ക്ക് ബോര്ഡ് ഡബിള് ഡെക്കറിന്റേത്. പൂര്ണമായി പാത തുറക്കുന്നതോടെ വാഹനങ്ങള്ക്ക് അതിവേഗം കടന്നുപോകാനാകും എന്ന പ്രതീക്ഷയിലാണ് അധികൃതര്.
സില്ക്ക് ബോര്ഡ് ഫ്ളൈഓവര്
താഴത്തെ നിലയിലൂടെ വാഹനങ്ങളും മുകളിലെ നിലയിലൂടെയും മെട്രോയും കടന്നുപോകാനാണ് സില്ക്ക് ബോര്ഡ് ഡബിള് ഡെക്കര് ഫ്ളൈഓവര് നിര്മിച്ചിരിക്കുന്നത്. ഏകദേശം 3 മുതല് 5 കിലോമീറ്റര് വരെ നീളമാണ് പാതയ്ക്കുള്ളത്. ഇതുവഴി കടന്നുപോകുമ്പോള് യാത്രക്കാര്ക്ക് എച്ച്എസ്ആര് ലേഔട്ട് മുതല് രാഗിഗുഡ വരെ സിഗ്നല് ഒഴിവാക്കി യാത്ര ചെയ്യാനാകും.
ഫ്ളൈഓവറിന്റെ ഒരുഭാഗം ഇതിനോടകം തുറന്നിട്ടുണ്ട്. മുഴുവനായി തുറക്കുന്നതോടെ ബിടിഎം ലേഔട്ട്, ജയനഗര്, ജെപി നഗര്, ബനാശങ്കരി മേഖലകളിലേക്കുള്ള യാത്ര കൂടുതല് എളുപ്പമാകും.
Also Read: Bengaluru Vande Bharat: ബെംഗളൂരുവിലേക്ക് ഇനി പറന്നുപോകാം; വന്ദേ ഭാരത് സ്ലീപ്പര് എത്തി മക്കളേ
ട്രാഫിക് ബ്ലോക്കുണ്ടാകുമോ?
ട്രാഫിക് ബ്ലോക്ക് കുറയ്ക്കുക എന്ന ലക്ഷ്യത്തോടെയാണ് ഡബിള് ഡെക്കര് പാത ഒരുക്കിയിരിക്കുന്നത്. നിലവില് സില്ക്ക് ബോര്ഡില് അനുഭവപ്പെടുന്ന ഗതാഗതക്കുരുക്ക് 80 ശതമാനം വരെ ഇതുവഴി കുറയ്ക്കാന് സാധിക്കും. എന്നാല് വാഹനങ്ങള് കൂട്ടത്തോടെ ഇവിടേക്ക് എത്തുന്നത് ചിലപ്പോള് സാഹചര്യം മോശമാക്കിയേക്കാം.
മാത്രമല്ല, ഫ്ളൈഓവര് തുറക്കുന്നതോടെ സില്ക്ക് ബോര്ഡ് ജങ്ഷനിലെ തിരക്ക് കുറയുമെങ്കിലും രാഗുഗുഡ, മറെനഹള്ളി റോഡ് എന്നിവിടങ്ങളില് ഗതാഗതക്കുരുക്ക് ഉണ്ടാകാനും സാധ്യതയുണ്ട്.
