Bengaluru Water Crisis: ബെംഗളൂരുവില് 21 ഇടങ്ങളില് ജലക്ഷാമം രൂക്ഷമാകും, വൈദ്യുതിയും ഉണ്ടാകില്ല
Bengaluru Water and Electricity Supply Disruption: സാധാരണയേക്കാള് ഉയര്ന്ന താപനിലാണ് നിലവില് നഗരത്തില് അനുഭവപ്പെടുന്നത്. അത് ഇനിയും വര്ധിക്കുമെന്നാണ് കാലാവസ്ഥ വകുപ്പിന്റെ പ്രവചനം. താപനില ഉയരുന്നത് ബെംഗളൂരുവിലെ വിവിധ പ്രദേശങ്ങളെ ജലക്ഷാമത്തിലേക്കും എത്തിക്കും.
ബെംഗളൂരു: കര്ണാടകയെ കാത്തിരിക്കുന്നത് കടുത്ത ജലക്ഷാമം. ഫെബ്രുവരിയില് തന്നെ ഉഷ്ണതരംഗം അനുഭവപ്പെടുന്നത് പൊതുജനങ്ങളെ ദുരിതത്തിലാക്കും. സാധാരണയേക്കാള് ഉയര്ന്ന താപനിലാണ് നിലവില് നഗരത്തില് അനുഭവപ്പെടുന്നത്. അത് ഇനിയും വര്ധിക്കുമെന്നാണ് കാലാവസ്ഥ വകുപ്പിന്റെ പ്രവചനം. താപനില ഉയരുന്നത് ബെംഗളൂരുവിലെ വിവിധ പ്രദേശങ്ങളെ ജലക്ഷാമത്തിലേക്കും എത്തിക്കും.
അവസ്ഥ മോശമാണ്
ബെംഗളൂരുവില് കഴിഞ്ഞ വര്ഷങ്ങളെ അപേക്ഷിച്ച് അതിരൂക്ഷമായ ജലക്ഷാമവും വൈദ്യുതി മുടക്കവുമാണ് അധികൃതര് പ്രതീക്ഷിക്കുന്നത്. 21 പ്രദേശങ്ങളിലാണ് ജലക്ഷാമം രൂക്ഷമാകാന് സാധ്യത. ആ സ്ഥലങ്ങളുടെ പട്ടികയും അധികൃതര് പുറത്തുവിട്ടു.
21 ഇടങ്ങളില് ജലക്ഷാമം
ഓള്ഡ് ഗുഡ്ഡഡള്ളി, ബാപ്പുജി നഗര്, മൈസൂര് റോഡ്, മഹാലക്ഷ്മി ലേഔട്ട്, നന്ദിനി ലേഔട്ട്, ഡിജെ ഹള്ളി, ദേവി നഗര്, ഗെദ്ദലഹള്ളി, നാരായണ്പൂര് കോളനി, ബന്ദേപാളയ, ചാമരാജ്പേട്ട്, രാഗിഗുദ്ദ, ഹൊസകെരെഹള്ളി എന്നിവയുള്പ്പെടെ സ്ഥലങ്ങളെയാകും ജലക്ഷാമം ബാധിക്കുക.
വെള്ളം എത്തിക്കും
ജലക്ഷാമം വര്ധിച്ചുവരുന്നത് കണക്കിലെടുത്ത് വിവിധ പ്രദേശങ്ങളിലേക്ക് ടാങ്കറുകള് വഴി വെള്ളം വിതരണം ചെയ്യാനുള്ള നീക്കത്തിലാണ് ബെംഗളൂരു ഭരണകൂടം. അതേസമയം, നഗരത്തില് വ്യാപകമാകുന്ന ടാങ്കര് മാഫിയകളെ നിരീക്ഷിക്കുന്നതും ശക്തമാക്കിയിട്ടുണ്ട്.
Also Read: Bengaluru Weather: ബെംഗളൂരുവില് ഇന്ന് മഴ ഉറപ്പ്; ഇടയ്ക്കൊക്കെ കനത്ത ചൂടും
ചൂട് ഉയരുന്നു
ബെംഗളൂരുവില് മാര്ച്ച് മുതല് മെയ് വരെയുള്ള മാസങ്ങളില് കനത്ത ചൂടാണ് പ്രതീക്ഷിക്കുന്നത്. കര്ണാടകയിലെ മിക്ക ജില്ലകളിലും 35 ഡിഗ്രി സെല്ഷ്യസ് വരെയാണ് നിലവിലെ താപനില. കലബുറഗി, ഹാവേരി, ബാഗല്കോട്ട്, ശിവമോഗ, ഉത്തര കന്നഡ എന്നിവയുള്പ്പെടെയുള്ള ജില്ലകളിലും ബെംഗളൂരുവിന് പുറമെ താപനില ഇനിയും ഉയരും.
