Duologue NXT : ഡ്യൂവലോഗ് NXT-ന് തുടക്കം: ആദ്യ എപ്പിസോഡിൽ അതിഥിയായി ‘ഫൗദ’ താരം റോണ-ലീ ഷിമോൺ

Duologue Nxt

നോയിഡ: പ്രശസ്തമായ ‘ഡ്യൂവലോഗ് വിത്ത് ബരുൺ ദാസ്’ എന്ന പരമ്പരയുടെ പുതിയ പതിപ്പായ ഡ്യൂവൽ ലോഗ് NXT-ന് തുടക്കമായി. ടിവി9 നെറ്റ്വർക്കിന്റെ എംഡിയും സിഇഒയുമായ ബരുൺ ദാസ് അവതാരകനായി എത്തുന്ന ഷോയുടെ ആദ്യ എപ്പിസോഡിൽ ലോകപ്രശസ്ത അഭിനേത്രി റോണ-ലീ ഷിമോൺ അതിഥിയായി എത്തി. ഹിറ്റ് സീരീസായ ‘ഫൗദ’യിലെ ‘നൂരിൻ’ എന്ന കഥാപാത്രത്തിലൂടെയാണ് റോണ-ലീ ഷിമോൺ ആഗോള ശ്രദ്ധ നേടിയത്.

രാഡിക്കോ ഖൈതാന്റെ സഹകരണത്തോടെ ആരംഭിച്ച ഡ്യൂവലോഗ് NXT, അഭിനിവേശം, കഠിനാധ്വാനം, തയ്യാറെടുപ്പ് എന്നിവയിലൂടെ സ്വന്തം വിധി എങ്ങനെ രൂപപ്പെടുത്താം എന്ന വിഷയത്തെ ആസ്പദമാക്കിയുള്ളതായിരുന്നു. ‘സോ യു തിങ്ക് യു കാൻ ഡാൻസ്’ എന്ന റിയാലിറ്റി ഷോയിൽ അഞ്ചാം സ്ഥാനം നേടി പുറത്തായതിനു തൊട്ടടുത്ത ദിവസം തന്നെ ഒരു സിനിമയിൽ പ്രധാന വേഷം ലഭിച്ചതിനെക്കുറിച്ച് റോണ-ലീ ഷിമോൺ ഓർത്തെടുത്തു. പരാജയങ്ങൾ പോലും വിജയത്തിലേക്കുള്ള ചവിട്ടുപടികളാകുമെന്ന് ഈ സംഭവം ഓർമ്മിപ്പിക്കുന്നുവെന്നും അവർ പറഞ്ഞു.

സംഭാഷണത്തിനിടെ, ജീവിതത്തിലെ തീരുമാനങ്ങളെക്കുറിച്ച് ബരുൺ ദാസ് പറഞ്ഞ വാക്കുകളും ശ്രദ്ധേയമായി. “ജീവിതത്തിൽ ശരിയായ തീരുമാനമെന്ന് ഒന്നില്ല, നിങ്ങൾ ഒരു തീരുമാനമെടുക്കുകയും അതിനെ ശരിയാക്കി മാറ്റുകയും ചെയ്യുക. പരാജയം ഒരു ഓപ്ഷനല്ല. ഫലം എന്തായിരുന്നാലും, അതിൽ നിന്ന് എന്തെങ്കിലും പഠിച്ചാൽ ഒന്നും വെറുതെയാകില്ല,” അദ്ദേഹം വ്യക്തമാക്കി.

കഠിനാധ്വാനത്തെക്കുറിച്ച് റോണ-ലീ ഷിമോൺ തന്റെ കാഴ്ചപ്പാട് പങ്കുവെച്ചു. “നിങ്ങൾക്ക് എന്താണ് വേണ്ടതെന്ന് വ്യക്തമായി അറിയണം, അതിനെക്കുറിച്ച് ഉറക്കം നഷ്ടപ്പെടണം. ഒരു കൂട്ടത്തിൽ ഏറ്റവും കഠിനാധ്വാനം ചെയ്യുന്ന വ്യക്തിയാകുക, നിങ്ങൾക്ക് സ്വയം വിശ്വാസമുണ്ടെങ്കിൽ ‘ഇല്ല’ എന്ന് കേട്ടാലും ഒരിക്കലും തോറ്റുകൊടുക്കരുത്,” അവർ കൂട്ടിച്ചേർത്തു.

സ്വന്തം ജീവിതകഥയെഴുതുന്ന സ്ത്രീകളെ ആഘോഷിക്കുന്ന ഒരു പുതിയ അധ്യായമാണ് ഡ്യൂവൽ ലോഗ് NXT. ബരുൺ ദാസിന്റെ ആഴമേറിയ സംഭാഷണ ശൈലിയും റോണ-ലീ ഷിമോണിന്റെ പ്രചോദനാത്മകമായ അനുഭവങ്ങളും ഈ സീസണിന് ഒരു പുതിയ മാനദണ്ഡം സ്ഥാപിച്ചിരിക്കുകയാണ്.

ഡുവലോഗിൽ റോണ-ലീ-ഷിമോണുമായിട്ടുള്ള അഭിമുഖം