Duologue with Barun Das Season 4 : ഡ്യുഓലോഗ് വിത്ത് ബരുൺ ദാസ്’ തിരിച്ചെത്തുന്നു; സീസൺ 4ൽ അതിഥികളായി ആമിർ ഖാനും സൗരവ് ഗാംഗുലിയും

Duologu With Barun Das Season 4

പ്രേക്ഷകർ ആകാംക്ഷയോടെ കാത്തിരിക്കുന്ന ‘ഡ്യുഓലോഗ് വിത്ത് ബരുൺ ദാസ്’ (Duologue with Barun Das) നാലാം സീസൺ ഫെബ്രുവരി 28 ശനിയാഴ്ച ആരംഭിക്കുന്നു. ടിവി9 നെറ്റ്‌വർക്ക് എംഡിയും സിഇഒയുമായ ബരുൺ ദാസ് നയിക്കുന്ന ഈ ടോക്ക് ഷോ, മുൻ സീസണുകളെപ്പോലെ തന്നെ വിജ്ഞാനപ്രദവും ആവേശകരവുമായ സംഭാഷണങ്ങളാൽ സമ്പന്നമായിരിക്കും. റാഡിക്കോ അവതരിപ്പിക്കുന്ന ഈ സീസണിൽ ലോകപ്രശസ്തരായ അഞ്ച് ഇതിഹാസങ്ങളാണ് അതിഥികളായെത്തുന്നത്. കേവലം ഒരു ടോക്ക് ഷോ എന്നതിലുപരി, സമകാലിക പ്രസക്തമായ വിഷയങ്ങളെക്കുറിച്ച് ആഴത്തിലുള്ള ചർച്ചകൾ നടത്തുന്ന വേദിയായി ‘ഡ്യുഓലോഗ്’ ഇതിനോടകം പേരെടുത്തു കഴിഞ്ഞു.

അതിഥികളുടെ വമ്പൻ നിര

ഫെബ്രുവരി 28ന് ആരംഭിക്കുന്ന സീസൺ 4ൻ്റെ ആദ്യ എപ്പോസോഡിൽ ഇന്ത്യൻ ക്രിക്കറ്റ് ഇതിഹാസം സൗരവ് ഗാംഗുലിയാണ് അതിഥിയായെത്തുന്നത്. വിജയകരമായ നേതൃത്വത്തെക്കുറിച്ചും പോരാട്ടവീര്യത്തെക്കുറിച്ചും അദ്ദേഹം ഡ്യുഓലോഗ് വിത്ത് ബരുൺ ദാസിൽ സംസാരിക്കും. ശേഷം മാർച്ച് 1ന് ടെലികാസ്റ്റ് ചെയ്യുന്ന രണ്ടാം എപ്പിഡോസിൽ ടെന്നീസ് ഇതിഹാസവും നടനുമായ വിജയ് അമൃത്‌രാജ് അതിഥിയായി എത്തും.

നാലാം എപ്പിഡോസിലാണ് ബോളിവുഡ് സൂപ്പ താരവും ഇന്ത്യൻ സിനിമയിലെ ‘പെർഫെക്ഷനിസ്റ്റ്’ എന്ന് വിളിക്കപ്പെടുന്ന ആമിർ ഖാൻ അതിഥിയായി എത്തുന്നത്. മാർച്ച് നാലാം തീയതിയാണ് ആമിർ ഖാനുമായിട്ടുള്ള അഭിമുഖത്തൻ്റെ സംപ്രേഷണം. ശേഷം മാർച്ച് 8ന് ടെലികാസ്റ്റ് ചെയ്യുന്ന അഞ്ചാം എപ്പിഡോസിൽ വെല്ലുവിളികളെ അതിജീവിച്ച് ഫാഷൻ ലോകത്തെ കീഴടക്കിയ ആഗോള ഐക്കൺ ബിയാങ്ക ബാൽട്ടി തന്റെ അനുഭവങ്ങൾ പങ്കുവെക്കും. മറ്റൊരു സുപ്രധാന എപ്പിസോഡിൽ 1990-ൽ വെസ്റ്റ് ജർമ്മനിയെ ലോകകപ്പ് വിജയത്തിലേക്ക് നയിച്ച ഫുട്ബോൾ ഇതിഹാസം ലോതർ മത്തേവൂസും ബരുൺ ദാസിനൊപ്പം ചേരും.

കായികം, സിനിമ, ആത്മീയത തുടങ്ങി വിവിധ മേഖലകളിലെ പ്രഗത്ഭരുമായി ബരുൺ ദാസ് നടത്തുന്ന ഈ സംഭാഷണങ്ങൾ ആശയങ്ങളുടെ കൈമാറ്റത്തിനാണ് മുൻഗണന നൽകുന്നത്. “ഓരോ സീസണും എന്നെ കൂടുതൽ സമ്പന്നനാക്കുന്നു. ഈ ഇതിഹാസങ്ങളെ അവരുടെ ആരാധകർക്ക് കൂടുതൽ അടുത്തറിയാൻ ഈ ഷോ ഉപകരിക്കും,” എന്ന് ബരുൺ ദാസ് പറഞ്ഞു. ലോകപ്രശസ്തരായ വ്യക്തികളുടെ ജീവിതവീക്ഷണവും അവർ നേരിട്ട പ്രതിസന്ധികളും മനസ്സിലാക്കാൻ ‘ഡ്യുഓലോഗ് സീസൺ 4’ മികച്ച അവസരമാണ് ഒരുക്കുന്നത്.