Gas Cylinder Exploded Kitchen : അടുക്കളയിൽ ജോലി ചെയ്തുകൊണ്ടിരിക്കെ ഗ്യാസ് സിലിണ്ടർ പൊട്ടിത്തെറിച്ചു; യുവതിയ്ക്ക് പരിക്ക്

അടുക്കളയിൽ ജോലി ചെയ്തുകൊണ്ടിരിക്കെ ഗ്യാസ് സിലിണ്ടർ പൊട്ടിത്തെറിച്ച് യുവതിയ്ക്ക് ഗുരുതര പരിക്ക്. അടുക്കളയിൽ പാത്രം കഴുകിക്കൊണ്ടിരിക്കെയാണ് സിലിണ്ടർ പൊട്ടിത്തെറിച്ചത്. ഇതിൻ്റെ വീഡിയോ സമൂഹമാധ്യമങ്ങളിൽ പ്രചരിക്കുകയാണ്.

എക്സ് പ്ലാറ്റ്ഫോമിലാണ് ഞെട്ടിക്കുന്ന ഈ വീഡിയോ പങ്കുവെക്കപ്പെട്ടത്. 28 സെക്കൻഡ് ദൈർഘ്യമുള്ള ഈ വീഡിയോയിൽ ഗ്യാസ് സിലിണ്ടർ പൊട്ടുന്നതും ആളുകൾ പേടിച്ച് നിലവിളിക്കുന്നതും കാണാം. സിലിണ്ടർ പൊട്ടുമ്പോൾ യുവതി നിലത്തേക്ക് വീഴുകയാണ്. സംഭവിച്ചതെന്തെന്ന് മനസിലാവും മുൻപ് അവർ അടുക്കളയിൽ നിന്ന് പുറത്തേക്കോടുന്നതും കാണാം. അടുക്കളയിൽ സ്ഥാപിച്ച സിസിടിവി ക്യാമറയിലാണ് ഈ ദൃശ്യങ്ങൾ പതിഞ്ഞത്. എക്സ് പ്ലാറ്റ്ഫോമിൽ പങ്കുവച്ച ഈ വിഡിയോ 34,000ലധികം പേർ കണ്ടുകഴിഞ്ഞു.

LPG cylinder explodes in the kitchen #wtf pic.twitter.com/XoaWFvabpj

— Klip Entertainment (@klip_ent) June 8, 2024